Taẓrigt tis-kraḍ (3eme edition) n tfaska umezgun amaswaḍ (festival du théâtre amateur) Malek Bugermuḥ, i yessudes ujerriḍ aγiwan n yermad idelsanen n yelmeẓyen (Ligue communale des activités culturelles de jeunes) n Amizur ; ussan si 15 ar 20 Yebrir 2009, deg temdint Amizur (Bgayet).
Taẓrigt-a ideg ttekkant 20 trebbuyaɛ deg temsizzelt neγ amsizwer (concours), akk d kraḍet (3) trebbuyaε berra i temsizzelt imi ur mmident ara deg-sent tewtilin (ccuruṭ) akken ad ttekkint deg temsizzelt ; i d-yusan si 8 twilayatin : Bgayet ; Tizi-Wezzu ; Tubiret ; Bumerdas, Dzayer ; Σennaba ; Σin Ṣṣefra ; Wehran…
Taẓrigt-a llant deg-s trebbuyaε yessremden ihanayen-nsent s teqbaylit, llant tiyaḍ s taεrabt.

Tarbaɛt umezgun « Tigawt d wawal » n tiddukla Numidya n Wehran tga ahanay (spectacle)-ines ass n Sem (lǧemɛa) 17 deg Yebrir 2009 γef 15 (t) deg wammas adelsan (centre culturel) Malek Bugermuḥ n Amizur. Seg wakken ṭṭuqten yemdanen i d-yusan ass-nni, alammi ur tent-tewwi tzeqqa, wwten-tt d ibeddi.
« Tigawt d d wawal » ḍran-as-d sin warrazen. I wesmekti kan, idis atikniki d T.R.B (amezgun aẓiyan n Bgayet) i yeskellfen yes-s: Inezzurfa…

Arrazen yettunefken :

--- Arraz n tseqqamut n inezzurfa (prix special jury) yettunefk i terbaɛt « Tigawt d wawal » ilmend n tmezgunt « Bu tcacit ulac-it ».
Tamawt : Arraz usebγes i terbaɛt « Tidet » n Amizur ilmend n tmezgunt «  Kullec d wulac ».

--- Arraz n tririt s asayes tamyifit ( prix meilleure mise en scène) yettunefk i Dellci Muḥemmed Ṣγir (tarbaɛt n “El yedriq” n Bumerdas) ilmend n tmezgunt “ Chants de cygnes”.
Tamawt: “Bu tcacit ulac-it” tufrar-d ger kraḍ  tmezgunin timenza di taγult-agi n tririt s asayes.

--- Arraz umarir amyifi ( prix meilleure interprétation masculine) yettunefk i :
 - Abdelḥamid Baḥfir (di “Bu tcacit ulac-it”) Tigawt d wawal;
 -- Murad Buεemran (di “Imeḥbas”) Mεetqa;
-- Luṭfi Menṣuri ( di “Kullec d wulac”) Amizur.

---- Arraz n tmarirt tamyifit ( prix meilleure interprétation féminine) yettunefk i  Σellic Tinhinan (“Ulac lḥerga, ulac”) Iferḥunen.
Gret tamawt-a: Ahanay i niqal a t-tessermed terbaɛt Tigawt d wawal di temdint n Weqbu, ass n 16/04/04, ur d-yelli ara imi d imsuddsen i yukren taqejjirt, acku ugaden a d-yili kra!... Maca, ass-nni acemma ur yeḍri deg Weqbu, yernu a ziγ at tiddukla Itri adelsan n Weqbu llan ttheggin-d ahil n 20 Yebrir, u εerḍen-d tarbaɛt umezgun AFAQ (Afak) n Bumerdas.
Ayagi d agzul si tafilt tagnennayt (table ronde) i yessermed Ǧamal Benεuf deg usideg n tiddukla Numidya, ass n Wemhad (lexmis) 30/04/09.

Tanemmirt
Bu ccfaya seg Wehran