Isalen > Imyura

| | |

Isalen

MA IGAN ?

ISALEN !

MELMI ?

Isalen & tidmiwin

Sγur Awetniri

Azul fell-awen,

ALƔU !
« Aprukirur » amatu n wexxam n teɣdemt (ccreɛ) n Wehran ur yeqbil neɣ yugi (ur yemtawi ,ur d as-d-tezgi ɣef wul) taɣtast i yeṭṭef unezzarfu i userreḥ n gma-tneɣ Sseɛd Ẓamuc (Daɛi) aselway n tiddukla Numidya n Wehran, s war leɣrama neɣ lexṭiya d leḥbes. Imi yessuter (weprukirur) taruẓi n ccreɛ ɣer ccreɛ unnig n Dzayer tamaneɣt, mgal Daɛi. Annect-a d ayen swayes d-tegla tebrat i s-d-uznen iḍelli n Letnayen 16 Furar 2009. Taluft tettkemmil!...

Awetniri

Sγur Awlawal

...
Riγ kan a d-rnuγ ayen d-yenna ubugaṭu Ben Sadeq (γef taluft-a n gma-tneγ Ẓamuc): Taluft attan deg ufus n ccreε unnig n Dzayer, yezmer a tt-yeqbel, akken yezmer daγen ad yagi taruẓi n ccreε i d-yessuter weprukirur. Imiren ad ẓren amek yella waddad n tsertit, s waya ara sen-d-iban. Ma d tura xerṣum a γ-ssedhun akken ur nettxemmim ara γef wayen yessefken i tefrent i d-iteddun!..
Awlawal

Sγur muḥend

azul
tanemmirt Awetniri d Awlawal imi i γ-d-tettakkem isalan n wayen i d-iḍerrun di tmurt-nneγ, tadyant-a n Mass Ẓamuc imi akka senfufuden deg-s rennun, armi ur zmiren ara ad ssinfen abrid n tiddukla Numidya, acku walan-tt s leqdic-ines terfed tamaziγt akken iwata, ar γur-sen sebba tella, ran ad nettu tafsut taberkant, ula d tamnadit Tamarikanit Massa Jan, zemren a wen-d-innin d acu i tt-id-yewwin ad temmeslay γef yedles Amaziγ, war ma tewwi-d taregt.
Ran ad γemmqen akk tiddukliwin tidelsanin ama di tmurt neγ di lγerba.
muḥend

Sγur Tafat n At yissin

Talɣut!..
A d-yili yiwen wenmager neɣ timlilit (colloque) meqqren d tajmilt i wemyaru/amedyaz ameɣnas ƐMER MEZDAD, deg uɣaram n Bgayet, ussan n 6 d 7 Meɣres 2009. Aṭas n yemnadiyen, imesdawiyen d yemyura ara yettekkin deg temlilit-a.
Nessaram ad temmed temlilit-a
Tamyarut-a terna-d ayen i ixuṣṣune di teqbaylit; d ayen i d Ğubran Xalil Ğubran.
Tafat n At yissin

Sγur Yidir n At nadi

Azul fell-awen
Win iran a d-yeddem tasɣunt „Tamaziɣt tura” (uṭṭun amenzu) Useqqamu unnig n timmuzɣa, atan wansi:
www.tamazight-tura.com
Afud anezmar i weltma-tneγ Tanaṣlit.
Tanemmirt
Yidir n At nadi

Sγur Bu ccfaya

Alɣu
Ad nfareṣ tagnit i wakken ad nekkes akk anezgum i yemdanen, d akken ulac kra uɛeggal (amaslaḍ ) i yuɣ kra neɣ yettwajerḥen ilmend uṭerḍeq yeḍran selliḍelli (23/02/2009) ɣef 17 t 40, zdat usideg (axxam) n tiddukla Numidya n Wehran. Aṭerḍeq-a i d-yeglan s kra imejraḥ d kra n txeṣṣart deg yexxamen d tḥuna, ssebba-s d aṭerḍeq n tqerɛet n lgaz (mačči d lbumba akken ttmeslayen kra) deg yiwet tmezduɣ n yiwen umaṣri, i d-yezgan deg wunnig wis-kraḍ. Asideg n tiddukla Numidya ur s-yeḍri wacemma, anagar kan n yiwen ṭṭaq i yettwaḥuzan am acemma.
Bu ccfaya

Sγur winna

TIMANIT I TMURT N YEVAYLIYEN
MOUVEMENT POUR L’AUTONOMIE DE LA KABYLIE

Asqamu umussu n Timanit n tɣiwant n At Wizgan

Tikli ass n 08 YEVRIR 2009 :

I lmend n Timanit i Tmurt n Yeqvayliyen
I wegzam n tefranin timselwayin n 09 yevrir 2009
I uḥuddu ɣef Ferḥat Mehenni i yettwaḥersen seg tama n teɣdemt udavu

Asqamu umussu n Timanit n tɣiwant n At Wizgan yessawal i merra Iqvayliyen akken ad kkin di tikli a yilin ass n 08 di yevrir 2009 ɣef 11:00, si CEM Ḥemmadi alamma d lbusṭa. Tikli a tt-id teḍfer temlilit.

ULAC LVUṬ MA ULAC TIMANIT

«Am wid i ɣ-yezwaren, nga ayen yellan fell-aɣ, yegra-d a tgem ayen yellan fell-awen, a tkemmlem tikli ɣer zdat.»

A ttidir Tmurt n Yeqvayliyen

Tekki da akken a d-tiniḍ kra neγ kra.