Tamaziγt d yemma-s n tutlayin n ddunit, n umaḍal akken ma yella. Dr Saibi i d-yennan akka. Sliγ-as mači d-tikkelt mači d snat deg BRTV, tidett kan, werğin umneγ s waya, werğin γileγ dakken izmer ad yili waya d-tidett, ma xas ufiγ s yiman iw awalen deg tutlayin nniḍen i d-ikkan seg tmaziγt naγ seg tezwawt nneγ. Dγa ma ad yaf yiwen awalen deg trusit, imi ur tufiḍ dacu i-γ-yezdin yid-sen deg umezruy, a-s-yini yiwen ahat d-tidett. Dr Saibi, netta, yumen s waya naγ ahat d-izen kan i yebγa a-γ-d-yeğ uqbel ad aγ yeğ. Tamaziγt d yemma-s n tutlayin. Ahat ibγa kan a-γ-d-yini :”Tamaziγt d lalla-s n tutlayin”.

Dr Saibi am ddeqs seg wagzayen nneγ, seg waggagen nneγ, seg “zantiliktwalen” nneγ, seg wid  yeγran, ittmeslay aγ-d s tefṛansist. Akka ! Akka naγ m’ ulac izen ur ittaweḍ ara ar bab-is. Ulac alummu fell-asen ahat, ulac aččaḥ. D nekni s tisutiwin-a i d yugmen tafrit, “la conscience”, ar γur-sen i yessefk a-nεeddi ar usseqdec n teqbaylit, n tmaziγt nni γef nεettaben akken. Wissen !

Awal iffeγ dakken Dr Saibi ixeddem i udabu. Anwa γef ur d ssufγen awal agi ? Lwennas s yiman-is ssufγen-d awal agi fell-as yiwet n tallit akken.

Ayen γef acu ad cfuγ, dakken Dr Saibi inna-d: “Tamaziγt d yemma-s n tutlayin n umaḍal akken ma llant.” Ar γur-i ma xas, s webrid n tussna, ur ḥsiγ ara d-tidett, ur fliseγ ara dakken tella tutlayt tayemmatt, maca umneγ dakken “Tamaziγt d lalla-s n tutlayin”

Immut ihi win akken s iqqaṛen “Tamaziγt d yemma-s n tutlayin”. Ilul deg Ḥuṛa 56(semmus tmerwin d sḍis) iseggasen aya. Illa  ittikki deg ugraw amaziγ. Rran-t ifṛansiwen ar lḥebs deg useggas n 1978, imi iṭṭfen akken Muḥend Bessaoud. Iqqim diγen seg imaγnasen nni yumnen dakken Tamazγa tezmer a d-lal seg iγiγdan ines. Immut ass n 16 deg wayur n Yulyu. A-s-nini i Dr Saibi : “Ar tufat. Neẓra yakan dakken iniren(les anges) mugren-k-in s teqbaylit. Neẓra diγen dakken ula d keč dinna iserreḥ yiles-ik s tagi nneγ.”

Nessaram a d-yeffeγ udlis-is. Sya ar imir nni, a-s-nini i BRTV tanemmirt γef tdiwenniwin nni iga Kamel Tarwiḥt akk d Dr Saibi.

winna