 | | |  |
 |  |  | |
|
|
|
| | Asteqsi: dacu ara nexdem ?
|  | Azul fell-awen. Nekk d aselmad n tmaziγt seg Bgayet (war axeddim) mači d ayen nekk ur nxeddem ara, llan aṭas imdukkal daγen. Riγ a ken-steqsiγ tamaziγt teḍra-yas: d acu i d tifrat i wugur-a ? Amek i nezmer a neddakkel nekkni s iselmaden d imeγnasen n tmaziγt afus deg ufus mgal astehzi d tatut akk d temḥeqranit d werẓay n tmaziγt ?
Acḥal d abrid nedda nesteqsa nekk d kra imdukkal maca.... kra kra. Amzun tamurt-a n kra yemdanen kan ...
Afud igerrzen, tabγest yelhan a yatma deg *tmaziγt*
Nabil xaldi |
|
|
|
|
| Isalen & tidmiwin | 
Sγur
ayirat | Azul fell-ak a mass Nabil Xaldi, ma tzemreḍ ad iyi-d-tiniḍ ansi d-yekka ustehzi-yagi ?Anwa-ten wid yestehzan di tmaziγt?
Tanemmirt.
|
|
|
|
Sγur
moh | azul fell-awen
tettbin si zik, tamurt d wid yellan mgal tamaziγt itt-yeṭfen, armi d aseggas nni 95 i d-serḥen ciṭuḥ i tamaziγt, yernu sennig wul-nsen, dγa ma fkan-d kra s uzelmaḍ, a t-kksen s uyefus, |
|
|
|
Sγur
ayirat | Atlas at Wemsed yura-d aḍris deg wesmel-agi-nneγ, anda d-yenna " Wehran : kra yellan mgal-nneγ ass-a ", ihi ula di tmurt n Yeqbayliyen kra yellan mgal-nneγ ass-a !
(Ad iyi-suref Waṭlas ma yella zelgeγ ayen d-yenna) |
|
|
|
Sγur
moh | nekk uffiγ-d zik d awal n teqbaylit akk d wansayen-is i yezwaren zdat win n wesγan,"ddin" ccix taddart yettkabar imedaγen-is, tura seg wasmi d adabu i d-yettaznen leccyuxa n leğwameε, d netta iten-yettxelisen, isen-id-yettakken dders ara d-innin, tuγal tmurt tbeddel udem, anda, aqbayli ad yilli mgal tameslayt-is d wansayen-is, neγ aqbayli ad yinni i gma-s, ma tella tmaziγt, i taεrabt-inu anda ara tt-rreγ, armi win ara yettmeslayen γef tmaziγt, a s-innin d amasiḥi mgal tineslemt akk d taεrabt; |
|
|
|
Sγur
moh | sureft-iyi riγ a d-aruγ "imezdaγen-is |
|
|
|
Sγur
ayirat | Tagnit tennegdam di tmurt! yemma γur-s 60 iseggasen di leεmer-is mi ara d-temlil d wid i d-yusan ar Fransa melmi kan, d imaynuten, tufa d akken taqbaylit-nni tettmeslay, imdanen ur tt-fehmen ara, qqaren-as ur nefhim ara d acu-tt tmeslayt-agi? Kemm aγ-d-tettmeslayeḍ s tmaziγt!
|
|
|
|
Sγur
nabilx | azul a ayirat ,nek ak-d-iniγ tidet mačči iγaḍ-iyi lḥal acku ur sγarayeγ ara maca ayen iyiqerḥen maḍi d imal(avenir) niγ d adeg n tmaziγt deg tmurt-a anda izaluqen(respo)fkan afus ,d kra leqmayel d aγen iẓerren tamaziγt nneγ d lfesti ;akk-a a gma-tneγ l lasel iceffu;ungif itettu.d wa id astehzi nabilx |
|
|
|
Sγur
bu ugernin | Azul a Nabil akked yimerza n usmel-agi
Qqaren : " ulac win inta usennan ala aḍar iddan ḥafi " tamuγli inu a Nabil :
Ma musayaleḍ deg useggas d uzgen n lεesker, ruḥ sεeddi-ten-id ad tekkseḍ aγbel γef tikkelt, ma ugin awi-d " sursis". Ma mazal ugin, wali wid illan am keč iṛwan l'ḥiṭizm ma aṭas yid-wen akken ad tgem tamesbanit sdat n tenmehla n usedrem (takadimit n Bgayet) , ad ternum aγunzu n wučči akken xedmen wid n Tubiret armi i ten-id-rran, ad ternum ad d-tegrem tiγri, ad tsuγem i yiselmaden n Tmaziγt iḥemmlen Tamaziγt s tidet akken ad awen-d-slen. Ma ulac, ad ken-tefk lεid i tεacurt.
Akka i ttwaliγ a gma Nabil
Bu ugernin |
|
|
|
Sγur
ayirat | A Nabil, aql-aγ ger yiccer d weksum, iban-iyi-d nekk yellan di Fransa am akken win iran tamaziγt ur yelli yara di tmurt-is dinna, a nezzem adabu, amek ara tezzmeḍ aεdaw-ik, imi isem-is d awal-is d AΣDAW, a nezzem agdud, agdud atan am win yellan di tqerεet, ayen akk i s-d-yezzin yella mgal tanaṣlit-is.
Yiwen usteqsi a Nabil : twalaḍ agdud aqbayli yedda-d yid-wen deg umennuγ-agi ? |
|
|
|
Sγur
nabil | azul a yirat amek tεelmeḍ amusu adelsan niγ amennuγ γef tmaziγt itedda d tsertit n tmurt-a ak tewtilin timettiyin .Ass-a tuget deg ugdud aqbayli inṭer seg lhal n leγla n tudert,ihi icγeb kan d uγrum ;yettu kra yemma-s tamaziγt i t-id-rebban ,dima adabu niγ acengu
d acrik n lmehn-ya.acku tuget n ugdud aqbayli ihmel tamaziγt ihmel d aγen izer amennuγ fell-as .maca.........ayirat menhu niγ d acu-k kečč. tanemmirt |
|
|
|
Sγur
ayirat | Ssarameγ-awen a Nabil tabγest igerrzen deg umennuγ-agi, daγen ssarameγ adabu azzayri ad awen-yeddu di lebγi. |
|
|
|
Sγur
juba | azul
tanemirt a mass nabil imi txemmemd γef tmaziγt mačči fxuddim
ula d nekd aselmad n tmaziγt beddlen-yi s teqcict terbeh amyizwer n us,maca amagnu xedmeγ 03 n yiseggasen deg uselmed ur iseḥbesen ara ,tifrat γur-i d amennuγ almi d lmut ilaq ad nemlil a nabil wa nexreb imma-s n l'acadimie. |
|
|
|
Sγur
moh | azul a Nabil Xaldi, ayen akka i d-tenniḍ d tidet, adabu Azzayri, iεemmed i wayen iḍerun di tmurt, yefka-d aṭas lecγal ara yesxerben tamaziγt, yerna-yas-id iṣuḍaf i wakken ad tesbek, ad teqqim ur tetteddu yara ar zdat; Daγen yebγa, Leqbayel ad dhun d wayen nniḍen amedya ddin s yis ara ttun akk lḥif iten-yuγen; |
|
|
|
Sγur
bumelluq | azul a mass, sber a mun ayaw |
|
|
|
Sγur
Wejṭuṭi | Azul a Nabil
Tidmi-w s umata d tta: tamezwarut tamurt nneγ d Tamurt n Leqbayel γur-k anwa i k-yettkellixen a k-yini lanğiri neγ lmeγrib lεarabi akk nneγ acku aṭas aya gmi i teεqel Faḍma argaz-is a gma: wid yeṭṭfen deg uẓar n tjaddit banen ma d wid yeqqaren nekni iεerrbaneγ lislam ad ṭṭfen di tεerbubt nnsen d wayla nnsen a γ-fken talwit. Tamurt n Leqbayel a Nabil teḍra yid-s am teslit nni yeddan γer wexxam ur as-yehwin ara, anda akk ur d-tebri ara seg-s ur tettaf ass amellal. Daγen awal agi n 'Tmaziγt' yehwa-yaγ kan neskeεrir yess, nettnadi a ten-ḥettem i wid i γ-yeqqaren nesfuḥ-it nesfuḥ-iken. Tutlayt nneγ d Ttaqbaylit, tefrurex-d seg tutlayt tamaziγt tayematt i d-yefkan ula d tutlayin n iγerfan imaziγen nniḍen: tacawit, tamẓabit, tarifit...
Tidmi-w γef wacu i tzemreḍ a t-xedmeḍ: N tegnitt-a ma tzemreḍ a tinigeḍ akka am nekni a d-tessukseḍ iman-ik seg llaẓ n uεebbuḍ akk d win n wallγ i γ-budden yemcumen di tmurt inig (γas akken ula d lγerba mači d ayen fessusen ladγa tazwara). Ma ulac wwet a d-tawiḍ aγrum-ik akken nniḍen a gma (trabendu, tafellaḥt neγ ayen tufiḍ). Ma d immal nneγ yessefk d nekni ara t-yebnun s ifassen nneγ, anda yella Weqbayli yeṭṭfen deg iẓuṛan yessefk ad imel i watmaten-is abrid yessufuγen, yiwen am kečč tzemreḍ a d-tesdukleḍ kra n werbaε i iran ad lemeden ad γren u ad arun taqbaylit a sen-tettmudduḍ timsirin ma γur-k akud. Ma tqerbeḍ kra n ‘wexxam n yelmeẓyen’ anda tettidireḍ ruḥ γer din ini i wid nni yetturaren aẓawan d wiyaḍ ma tram a tlemdem tira n teqbaylit zemreγ a ken sseγreγ, yezmer ahat a k-tettxelliṣ ula d lamiri neγ wid i iran ad selmden taqbaylit i warraw nnsen. Ma d ttasertit γas akken ur sεiγ ara azref a k-iniγ ddu d wa neγ wihin yessefk a teẓreḍ d Amussu n Timanit kan I yekkaten ass-a γef teqbaylit u a γ-d-yessufeγ seg wexxam n ṭṭlam, ihi ttwaliγ yelha ma tettikkiḍ deg-s anda tettiliḍ akken a tesselḥuḍ aẓar nneγ γer zdat s wayen iwumi tzemreḍ.
Taggara a k-iniγ a Nabil nek ul-iw zeddig akka i yettwali tidett, maca suref-as ma yezgel. |
|
|
|
Sγur
moh | azul a Wejṭuṭi nectaq awal-ik a gma, tidmi yagi-inek, aṭas ara tessegzu mačči ala Nabil, asmel n yemyura llan wid i t-iγaren di tmurt meqqar a d-akin ciṭuḥ, anda ugten wid yettmeslayen mgal timanit, maca ur sen-qqaren ara a γ-inneγ ffad, acku ẓran ur ttamnen ara ttwalin aṭas waman i yellan, qqaren-asen ad temtem s laẓ timanit-a mgal ddin akk d taεrabt, yernu a d-eγlin fell-nneγ warẓaẓen a εeqsen; |
|
|
|
Sγur
nabil | azul fell-awen ayetma deg teqbaylit(wejṭiṭ d wahib)
Tazwara riγ ak-d-iniγ a wejṭiṭ ferheγ aṭas imi γriγ tidmi-inek , ufiγ deg-s yella wayen aγ-nicerken .
tidet mačči deg umussu n timanit illiγ tura ,maca tikti tella amennuγ n umussu -ya iban f wacu (izefan n ugdud aqbayli,tummast,tutlayt nneγ...) d aya i nesra ass-a mačči amek qqaren ikabaren nniden tagmat ger izayriyen, nekkni nesΣa tufda γer waεraben .... tnadin kan f lehkem ttun leqbayel d tmaziγt nsen .
f ayen iεnan lxedma a gma aql-i tebrikuliγ , iγad-yi kan lhal amek taεrabt(tiγyulit) d tefransist (taberranit) igesεan adeg axir n teqbaylit deg tmurt leqbayel uma anda nniden ur nesra a teγren Seg 2001 nek deg umusu adelsan , xedmeγ d aselway ntdukla tadelsant n taddart-iw .ar tura mazal-iyi g tdukla d yidles s umata ,ma d aseγri n tmaziγt nseγra nek d imdukal -iw deg tmaziγt umazal ad nesγer maca a wejṭiṭ war lexlas (idrimen) acku nferreh aṭas mi ara yilin wid iγaren niγ wid ad tt-iran.tezram amek g lweqt am wa .
awal taqbaylit nek ur tehmileγ ara atas acku tadra-s seg taεrabt hemleγ awal tamaziγt acku umneγ d akken d leqayel i d imaziγen n lezzayzer ; d taqbaylit i d tamaziγt ( anda-ten wiyad ?ttwaεerben ihi d aεraben§ akk-a a gma izerreγ .
ma d kečč a wahib fehmeγ-k amek as-yenna Matoub: leqbayel d waεraben mačči d atmaten . ttkellixen s ddin d taεrabt d cuhadda d l drapaeu tamurt lezzayer umazal ma mazal ...
tanemmirt a wahib a wejṭiṭ(isem-ik n sseh!)
tadukla adrar n fad ttsalen fell-awen
nabilnek |
|
|
|
Sγur
bu ugernin | Azul a gma Nabil i tikkelt tis 2
Ilha uciwer mi ara medlent γef yiwen teggura, ilha umdan ad iẓer tidmiwin n wiyiḍ, acku ma ur ijerreb ara ad iqqim dima d abujad. D tidet, tεetbeḍ 4 n yiseggasen deg tezdawit armi d-tewwiḍ turagt, tuklaleḍ ad teslemdeḍ tutlayt-ik s wudem unṣib deg uγerbaz am keč am yimeddukal-ik i tt-isselmaden, imi llan yiselmaden "contractuel" ama dagi deg Tubiret ama dinna daγen n Tubiret. Lameεna ur d-teqqim ara kan deg wawal akken i k-d-nniγ deg usawen-nni. Heggi seg tura i ctember i d-iteddun ma mazal. Jmeε-d imeddukal-ik, tegreḍ-d tiγri !
Qqaren a Nabil : " Tamuγli deg waman, ur terri ffad "
Iqqar daγen Wayt Mengellat ad t-iṣun iḥrez-it :
Wiyya-k a gma ur neḥṣi
Mačči s tmuγli
Ad tceggleḍ lebḥer irsen
Jbed-d rrεud n yigenni
Lehwa d ubruri
Asemmiḍ d yideflawen
Tezgeḍ-d mebεid s tmuγli
Ad teẓreḍ ass-nni
Wali lembaber ad iγerqen
Akka i walaγ nek a gma Nabil.
Bu ugernin |
|
|
|
Sγur
Yiwen | in-as i gma wer( ur ) neẓri, mačči s tmuγli,
ad t-cebbleḍ lebḥer yersen.
Jbed-d rεud igenni, lehwa d webruri,
asemmiḍ d ideflawen.
Tezgeḍ-d mbeεεid s tmuγli, ad teẓreḍ ass-nni,
wali lembaber iγerqen!
Akka i yenna Lewnis.
|
|
|
|
Sγur
Bu ugernin | Azul fell-awen s umata, ssuref-iyi a Yiwen imi i ccḍeγ deg tira n usefru-nni n Wayt Mengellat ; ula d Netta ad iyi-isemmeḥ imi ur t-ḥfiḍeγ ara.
Bu ugernin |
|
|
|
Sγur
Yiwen | Ulac fell-as a gma.
Tanemmirt γef lehhu n wul-ik a bu tegzi! Kečč mačči d bu ugernin. |
|
|
|
Sγur
nacer | tamaziγt d tutlayt tayemmat,yes-s ay-nettxemmim;ay-nettargu,ay-nettnadi.mebla yes-s ur nezmir ad nidir,d awezγi ad naf talwit.deg wawal-ik agma deg tutlayt akk d usuter d wa i dugur i deg tettidir tmaziγt ass-a,maca tamaziγt maČČi d axuddim,maca d amennuγ fell-as ar lebda,d awezγi ad tt-neğ, d lmuḥal ad tt-nger ma yella neddukel afus deg fus.
Γas bḍan imaziγen am yibawen γef lluḥ maca d awezγi ad tt-ksen seg yidamen.
MA ULAC TAMAZIΓT ULAC ULAC ULAC ULAC. nεemmed ad negrnt tudrin wala ad yenger lassel.
|
|
|
|
Sγur
d awezghi | azul,
Kečč dacu-k a yawezγi ! mazal-ik tettidireḍ deg yiman-ik ,tamaziγt imezwura ssutren iwakken ad ttili deg uγerbaz ,kečč ass-a la teqqareḍ ur ilaq ad ilin iselmaden ,maca ilaq ad ttili tmaziγt !,wagi yakw d tanmegla a yamecḍuḥ n wallaγ.
Nettnak deg yimeslayen am wigi ,ma ulac tamaziγt ulac...!!!!
Le rebelle yella yiwen mačči meyya .berrrrrrrrrrrrrrrrrrrrrrrr
|
|
|
Tekki da akken a d-tiniḍ kra neγ kra. |
|
| |  |  |  | |
|