Atan wahil yeḍran deg Wehran > Imyura

| | |

Atan wahil yeḍran deg Wehran ussan:
Ass n 18 Yebrir : Deg tzeqqa uγerbaz igerdan di Ḥḥey ṣṣabaḥ, temmug temsikent n yedlisen akk d isemliyen, daγen tifelwiyin n teklut unaẓur Kamal Buεrab. Aṭas n yemdanen i d-irezfen, gar-asen "Akunsil" n Fransa, tanemhalt n "CCF" n Wehran. Ahil-a d tiddukla Numidya i t-igan, d tirirt i usuter n kra n yemsermaden uγerbaz-a.
Ass n 20 Yebrir. Deg uγaram asdawan "C1" akk ass:
Tamsikent n yedlisen; asezri usaru "Adrar n baya" γef 18 (t), Ahanay umezgun "Bu tcacit ulac-it" γef 11 n yiḍ, ma d tameγra n ccna tekfa γef 2 n ṣṣbeḥ. Ahil-a d tiddukla Numidya i t-igan d tiririt i teγri n kra inelmaden n uγaram asdawan "C1".

Ayen ara yilin azekka n 23 D 24 deg teγremt n tẓuri d yedles n Whran:
Sin wussan n tezrewt (unadi) γef usentel " tamaziγt tutlayt tayemmat". Ddeqs iselmaden si tesdawiyin n Wehran d Mestγanem ara yettekkin deg-s.
Si tama-nniḍen ad tili temsikent n yedlisen, ahanay umezgun ( azekka γef 17, 30), tameγra n ccna ( sellazekka γef 17 (t). Ahil-a daγen d tagelda (ssurfet-iyi rriγ a d-iniγ "tiddukla") Numidya n Wehran ara t-yessudsen.
Tamawt: Ugar γef uttekki n kra seg iεeggalen-ines yellan d inebgawen γer tiddukliwin Ṣirta n Bumerdas, Tigawt n Wegni Σrus ( Tizi-Hibel) akk d temlilit n wedlis amaziγ yekfan selliḍelli (20 Yebrir) deg Bumerdas.
Tanemmirt
Ğ.B
Amaruz n "alγu" d wa "welγu" mačči d wa"ulγu" acku yiwet tergalt i yellan deffir umagrad "A". A sent-id-nuγal i temsalin-a mi ara yezri ccyaḍ-a.

Isalen & tidmiwin

Sγur War isem

Afud igerrzen i at wulawen!
Aql-aγ yid-wen xerṣum s wulawen-nneγ.
Tanemmirt!

Sγur Ğ.B

Azul fell-awen
Tanemmirt a War isem, ay ameddakel ilmend ubuddu-yagi-inek.
Ahil-a yemmed, yeḍra di talwit. Akk iselmaden i d-yettwaεerḍen¨ usan-d γer wegraw ideg mmeslayen γef wazal n tutlayt tayemmat di kra n tmetti¨.
¨ Anagar kan sin iselmaden ur d-nusi: Σebdu Limam yuγ-it lḥal di Fransa, ma d Lḥağ Ben Σli yella di Tγerdayt acku ili di tseqqamut n yenzurfa ara s-yessezrin i yiwen unelmad n tesdawit di Tγerdayt.
¨¨ Ma ṭṭfen deg wawal-nsen wat useqqamu unnig n timmuzγa a d-ssufγen igan n temlilit-a deg yiwen wedlis, d ayen i d-tenna Crifa Bilak (d yiwet tmassayt di HCA).
Ğ.B

Sγur Awetniri

Azul
ALΓU
Tiddukla tadelsant tussnant "Ṣirṭa" n Bumerdas ad tessudes tafaska umezgun “ yessawalen s tmaziɣt.

Taẓrigt tis-snat n tfaska n tmidit (tdukli) ara yeḍrun di Bumerdas ussan : seg 11 ar 14 di Mayyu 2008, tikkelt-a ad terzu taɣult umezgun; tirebbuyaɛ i iran ad ttekkint ad aznent faks s uɣiwel ɣer waṭṭun-agi : 024 81 84 25.
Tanemmirt
Awetniri

Sγur Amγar

Alɣu
Timsizzelt/ Amsizwer di tullisin

Agraw ( furum) n tulawin n yill agrakal n Marsay s uttekki n tiddukla Amussnaw akk d amazday n tulawin n tefsut taberkant n Tizi-Wezzu ad ssudsent timsizzelt neɣ amsizwer deg tullisin i wumi fernen azwel « ESCALES » ; tulawin i iran ad ttekkint, ad aznent tullisin-nsent ngum (qbel) ass n 31 Mayyu 2008 ɣer tansiwin-agi umayel :
Amusnaw15@hotmail.com
Neɣ :
faroudjm@hotmail.com
Tamawt : Aḍris ad yili s tutlayt tefren tmeskart (a wi yufan ad yili kan s tmaziɣt), ur yettagar ara 10 isebtar. Tid ara yettekkin ad ilint ur d-ssaẓergent ara yakan idlisen, neɣ xerṣum ssufɣent-d s ttawil-nsent ( ɣef ddemma-nsent).

Tanemmirt
Amγar

Sγur Awetniri

Alɣu

Sin wussan n tezrawt (unadi) ɣef timmuzɣa deg Wehran

Aseqqamu unnig n timmuzɣa (H.C.A) ad yessudes sin wussan n tezrawt ɣef timmuzɣa, ara d-yilin ussan n 11 d 12 Mayyu 2008 deg teɣremt n tẓuri d yedles n Wehran. Atan usentel yettwafernen i wussan-a: Taneflit n timmuzɣa segmi tekcem tisudutin n ddula (tutlayt, idles, amezruy d tumas/ identité).
Ddeqs iselmaden ara d-yasen si tesdawiyin n Wehran, Msila, Ṣṭif, Mestɣanem, Tizi-Wezzu, Bgayet, Dzayer, Batnet. Ugar ɣef wat HCA d Mulud Lewnawsi.
I wugar n isalan, atentad tansiwin:
der_hca@yahoo.fr
b.aziri@caramail.com
Asiwel: 021 63 59 04 /021 64 29 10/11
Faks: 021 63 59 06/ 16

Tanemmirt

Awetniri

Tekki da akken a d-tiniḍ kra neγ kra.