Alγu:
Azekka n 30 Meγres di temkarḍit taγelnawt n Dzayer,a d-tili yiwet temlilit ideg ara rren tajmilt i wemyaru, amedyaz Dda Σebdella Ḥaman; timlilt-a d tin ara tessudes temkarḍit taγelnawt s uttekki n tiddukla Numidya n Wehran. Timlilit-a ara d-yilin d Dda Σebdella, d tin ara yettilin di yal taggara n yal aggur,d wemyaru-nniḍen n tmaziγt.

Azul,
Alɣu
Taẓrigt tis-kuẓ (4) n temlilit n wedlis amaziɣ a d-tili di Bumerdas, ussan si 15 ar 20 Yebrir 2008; amsuddes-ines d Aseqqamu unnig n timmuzɣa (H.C.A).
Nessaram ad ggten deg-s yemyura n tmaziɣt, mačči …!

Awlawal

Azul s umata i (t)yimerza n usmel-agi. ferḥeγ imi d-teggarem γer-s imagraden n yal aḥric n tsekla, tettakem-d tidmiwin, iṭuqqut usqerdec d uskasi isnernayen tamusni d usenfali n Tmaziγt s tmaziγt.

Ahil-agi i d-tesuddus Tiddukla n Yihran d ayen igerrzen, tanemmirt ihullen i yiεeggalen-ines ittarran tijmilin i yimura-nneγ yuklalen tijmilin mi ddren ttmuqulen, akken ad ẓren azalen-nsen u ad ten-sbeγsen. Mačči alma cudden-asen aγesmar akken i as-qqaren : " mi idder, ictaq tazart ; mi immut meḍlen-t deg ṭṭerḥa" .
Dda Σebḍella, yuklal-it. Iqdec, iεteb, iḥrura γef Tmaziγt, issazreg-d kra n yidlisen, mazal ayen din, isεedda lḥebs deg tegrawla-nni n uslelli... mazal iqeddec, ncallah ad d-irnu, ncallah ad ilin aṭas am netta. Ad as-d-ifek Rebbi leεqel, ad issiγzef Rebbi deg usemmud-is.
Ad irḥem wid t-id isεan !

Awwah kan ad ttilint tejmilin i d-iteddun deg ussan n tγimit neγ deg wussan n Lğemεa akken ad asen-neḥder, u ad d-nrennu γer-sen tamusni.

Azul fell-awen...

Dacu d-yellan deg wass n 30 di meγres yezrin? Amek teḍra temlilit-nni?
Yella wacu i d-yerna mass A. Ḥaman nnig n tejjmilt i s-yettwaran?

Tanemmirt .

Azul,

A d-tili temlilit ɣef tira n tmaziɣt deg “INALCO” ussan si 6 ar 8 di Tuber 2008 di Lpari. Timlilit-a ideg ara ttekkin waṭas imussnawen, a tt-yessudes « CRB » ammas unadi n tmaziɣt. Tilist igan i usersi n irusfusen neɣ n warraten niqal ad tili i wass n 31 Meɣres, maca, atan ssegran-tt i wass n 15 Yebrir 2008.
I wugar isalan akk d usersi isemliyen uttekki, arut i Kamal Nat Ẓerrad neɣ i Ɛebdella Bunfur.
Tanemmirt

Ǧamal B

AHIL N TEFSUT IMAZIƔEN DEG WEHRAN

Tiddukla Numidya ad tessudes sin wussan idelsanen ussnanen ussan n 23 d 24 Yebrir 2008 deg teɣremt n tẓuri d yedles n Wehran; ayagi ad yili d asfugel ilmend umulli wis- 28 n Tefsut Imaziɣen akk d umulli wis-7 n tefsut taberkant.

Ahil adelsan: Tamsikent n yedlisen d isemliyen yerzan tamaziɣt ( i teɣzi n sin wussan) , amezgun “Bu tcacit ulac-it” ( ass n 23 Yebrir ɣef 17 d wezgen n tmeddit); Ccna ( tameddit n wass n 24).

Ahil ussnan: Sin wussan uxemmem ɣef usentel :“TUTLAYIN TIYEMMATIN DEG DZAYER” ideg ara ttekkin waṭas iselmaden d imesdawiyen, ladɣa si tesdawit n Wehran (ussan n 23/24 Yebrir 2008)
I wugar isalan, arut-d ɣer tansa-yagi : numidya@yahoo.fr

Awetniri

Azul ay Amnay,

Ussan, a d-uɣaleɣ ( xerṣum s kra n wawalen) ɣer tejmilt i s-yemmugen i dda Ɛebdella sɣur temkarḍit taɣelnawt.
Tanemmirt
Awetniri

Azul
I Awetniri
I kečč daγen seg Wehran i d-tettaruḍ akka?! Ihi atan ad yili wegraw amatu useggas n tiddukla Numidya n Wehran, tameddit γef 15 (t) deg usideg (axxam)-ines. Wa ad yeqqar i wayeḍ ( a kečč a Ṭṭir areqman fiḥel a d-taseḍ)
Awlawal