Racid d yiwen ger widak-nni i s-irefden aqerru-yis i teQbaylit deg iseggasen n 70 akk d 80.
Ahat d aṭan i t-yewwin. Aṭas n tezyiwin-is i mmuten meẓẓiyit (ur kkin nnig 60 iseggasen). Ččan imerγan di leḥbus n yenslmen-aεraben izzayriyen (irebraben).

Awi talwit yid-ek a yanaẓur n teqbaylit.
Tabγest i imawlan-is d twacult-is.

Azul
D acu ara d-yini wemdan?! Yiwen am nekk kkawen-iyi ifadden segmi γriγ da yir isali-yagi! Ad as-tinid' teggull fell-aneγ tefsut; yal tikkelt tgellu yid-s s wid i yetth'araben γef ijeğğigen-ines akk d ccbaha n teqbaylit!...
Lemmer ur d-yenni ara gma-tneγ d Ferh'at i d-yessawd'en isali-ya yili werğin ad amnegh!
Yuγ lh'al nennum nettεezzi iman-nneγ.
Yegra-d kan a d-iniγ "UR NEMYUGAR ARA AΓILIF"
S's'ber i twacult-ines.
Ma d gma-tneγ Racid Σellic, γas yemmut, mazal-it yedder s wayen d-yeğğa. T't'es di talwit a mmi-s n tlelli.
Ğamal Benaεuf

azul
Mmektaγ-d yiwet twinest n tceqquft umezgun yura Σellic , isem-is "ultus" neγ"le lotus".Yenna-as:
AY AT UKESSAR AY AT UFELLA
TERΣED DIN TERΣED DA
IGENNI ZEGZAW
IFER ZEGZAW
ULAWEN BERRIKIT.......
Ad k-yeṛḥem Ṛebbi ay asalas, ssbeṛ i imawlan-ik

Tamezwarut ad tugar fell-as talwit.
Suref-iyi kan ma tzegl-iyi tmusni. Γilleγ amyaru neγ amenzu d Belεid n at Σli, γilleγ daγen "Askuti" n Saεid Saεdi yezwar-ed "Asfel". Tin niḍen, ma ur iyi-tkellex ara cfaya-w, asfel ur yella ara d ungal, d ayen i wumi qqaren s tefransist recueil de nouvelles.
Ḥsen

- adlis n Saεdi «askuti» yeffeγ-ed deg useggas n 1982
- Ungal n Racid Σallic yeffeγ-ed deg useggas n 1980 neγ 1981

Ma yella d Bulifa, ur yuri ara "idllisen'' s teqbaylit, d kra n yeḍrisen kan i tuγ yettaru.

Ad iniγ tabγest i tfamilt-is d wid akk i s-yellan d imeddukal.

Isali yagi tmettant n Dda Racid Aεlic d aqqerḥan yegzem tasa ihudd ifadden amek ara nettu win iεetben inuḍeḥ iḥureb irfed Tamaziγt yessemneε-itt-id yeğğa yaγ-id ageruj deg ara nγellet d argaz n tirrugza n lḥerma d nnif d ameγnas am wid akk yefkan tudert nsen d asfel i wakken ad yidir wedles Amaziγ, s gunfu di talwit a Dda Racid; azen-d tabγest i tfamilt-is d wid akk i t-iḥemmlen m.a.

Azul
"Asfel" yeffeγ-d di 1981, "Faffa" yeffeγ-d di 1986; "Askuti" (n Ssaεid Seεdi) yeffeγ-d di 1983.
Racid Σellic, yura daγen (ugar γef wayen d-tennam): Tasemfunit, akk d yiwen uweffus (adlis ameẓyan) n tγuri" Amnir" ugar γef waṭas n yeḍrisen i d-yersen deg yeγmisen d tesγunin. Yella daγen yessermad tisgilin (nnubat/tidwilin) di rradyu tis-snat.
"Γas yeğğa-yaγ, yeğğa-yaγ-d".
Ur nemyugar ara aγilif
Ğamal Benεuf

Azul
Akken i d-nniγ iwsawen-a, ttheggiγ-d aḍris γef tmeddurt d wayen i γef yeqdec Mass Σellic a t-id-yebder wayen yelhan, maca saεfet-iyi kan tekkes-iyi-tt testafit, tedduγ-as cwiṭ cwiṭ.

Azul,
Imi yeqquṛ, tassa tettqudduṛ, εaṛqen lahduṛ γef tmettant n Dda Racid Σellic ad fell-as adnaw issuref.
Ayen ar'ad-d inniγ nnan t-id imezwura, yeqim-d kan ad εeziγ ttwab i twacut-is, imewlan-is, laḥbab-is d taddart-is . γas iṛuḥ
yeğğa-d agerruj ur n kkefu ur nlaq ad nesṛuḥ.
sγuṛ Amγid

Ass-a teγli yiwet n tgejdit nniḍen n tmaziγt, ttruḥun-aγ yiwen , yiwen. wissen dγa m'ad yili wi ara irefden taftilt-nsen, wissen!
Isali n tmettant n umyaru, ameγnas n tutlayt n tmaziγt Racid ΣELLIC , yessenhez akk leqbayel imi ḥṣan d akken ur yettεawad a d -ilal yiwen urgaz yecban wagi.
Dda Racid sneγ-t deg yiwet n temlilit n tikci n warrazen i yinelmaden n tmaziγt n tdukla tadelsan "Tala n tusna" i d-yellan deg tesdawit n Iḥesnawen deg useggas n 2000. Assen yemmeslay-d dinna, walaγ-t i tikkelt tamenzut, tummert-iw tzad imi d-mlaleγ d urgaz yecban wagi. lliγ sneγ-t kan deg yedlisen ines "Fafa" d "Asfel", sneγ-t daγen s tesgilin d-yessewjad deg umaṭṭaf wis sin , ladγa s tesgilt n warrac imecṭaḥ, assen mmeslayeγ yid-s, walaγ deg-s udem n umeγnas n tmaziγt, d argaz aḥerfi, ccan-is yerna ugar maca asḥisef-iw d akken iṛegm-iyi akken a d-yas γer tdukla-nneγ maca ur γ-tettunefk ara tegnitt , ur nufi ara amek ara t-naweḍ! tamettant tehewṣ-it , ifut-aγ ugerruj n tsekla ideg nezmer a d-negmer kra.

sgunfu di talwit , udem-ik iba isem-ik ad yeqqim ilebda
saramegh d akken azekka ad gten wid ara d-yasen ar tenṭelt-is yuklal i yugaren aya

Surfet-iyi ay imeddukkal, asefrunni amecṭuḥ i d-nniγ uwsawen-a yettukkes-d ditceqquft umezgun iwumi isemma "Tasimfunit"....
Ad t-yeṛḥem Ṛebbi

sin yedlisen i yesḥemlen tamaziγt, asmi i t-neγṛiγ ul-iw yečč-ay-id ad aruγ ula d nekk, yiwen d "Tagrest Urγu" n Σmeṛ Mezdad wayeḍ d "Faffa" n Racid Σalic, ar ass-a ur ufiγ wid yettarun am sin n yimyura-ya.

aγanib n tira nsen d atrar, yejbed ar "Dos Passos", "James Joyce" akk d "Kateb Yasin", tidyanin yellan deg sin wungalen-agi mačči d tid yeṭṭfen "abrid qbala", am akka ad d-nnini teḍra taluft, ar deqqal tettbuεbun tetteddu d izirig (le cours des événements n'est pas linéaire), dagi amek t-tteddu tedyant d tazayert, tikkelt terr ar zdat tikkelt ar deffir (flash back).

deg "Faffa", taqbaylit d affeggeḍ i tettfeggiḍ amzun d amγar (imγaṛen nni n zig !) i yettmeslayen, d tameslayt yezmren i yiman-is !
tadyant n wungal anamek-is lqqay mačči d kra, d "timuγliwin" ur nkkeffu ara i nezmer ad d-nagem segs: tinekkit, "lweḥc" n yinig, liḥala tamettit n iminigen, anadi γef unamek n tudert.....
ungal degs tafelsafit tameqqrant

deg "Faffa" amdan yebḍa γef sin, ur yufi iman-is "Dihin yeğğa-t Dagi yugi-t", amdan yuγal d taγawsa tagnitt turzi-t, yettezzi yettnadi ad izeṛ: dacu-t, ansi i d-yekka, anda yeteddu.
d isteqsiyen i yezmren ad ḥazen medden akken ma llan, d azeggaγ, d amellal neγ d aberkan, imdanen meṛṛa !

"Faffa" d agerruj n tmusni yes-s ara nheggi i tmeddit nneγ

"iman"-ik di talwit, ad teddreḍ i lebda a Mass Σalic

Deg 1992 akkenni, sliγ dakken ad illin-t temsirin n tmaziγt di tesdawit n Lezzayer tamanaγt. Steqsaγ, nnan-iyi d netta s yiman-is ih, d Racid Σalic, ameskar n Faffa . Zwareγ ar ''l'amphi C'' akken ad ḥarraγ amekkan ar zdat, ur zeggleγ ula d yiwet. Mi wwḍeγ uffiγen 3 inelmaden nniḍen kan.Yewweḍ uselmad, nerğa cwiṭ kan, yennak : a nebdu ihi, m'ulac aγilif. Neṭṭqaγ s nniyaw, imiren ur ẓriγ ara acḥal ḥemmlen leqbayel ad lemden tameslayt-nsen, nniγ-as: ma tebγiḍ a nerğu cwiṭ, ad awḍen wiyaḍ. Yennak : ddeqs-nneγ.
Ur εad zrint snat dqayeq, yekcem yiwen uxeddam n tesdawit , yennak ilaq a teğğem tazeqqa i ṭṭalaba n lmaεhed lεarabi, ḥwağentt.
Yesfahm-as Dda Racid dakken yewwid ttesriḥ akken ad isγer ass lexmis af 2:00.Dγa ceggeεn-aγ ar tzeqqa nniḍen.Nekker f yiman-nneγ, ur tbaεd ara tzeqqa-nni, d'acu kan negrad di 3 yid-nneγ kan. Tεedda-d yiwet tpupitt syenna tewwi yid-s Mexluf.
Lḥasun, Dda Racid, annect-nni yakk, ur yefcil ara. Issaweḍ ass-nni ayen iwumi yezmir. Ma d nek d '' tamsirt '' nniḍen i lemdeγ.


Sgunfu di talwit .

Tukkist seg wedlis n mass Racid ΣELLIC «Faffa» (deg useggas n 1985)
- aḍrid-a amecṭuḥ yesseglilez-iyi ass mi teγriγ tikkelt tamenzut.

"IMINIG":
« Yusa-d am wid i t-id-yezwaren, yunag-d akke d unagen imezwura.
Imenza wid id d-ineğren abrid deg waman, uγalen γer tmurt, ceyyeεen-d tarwa nnsen, akka ay d lεada, ay d tanumi.
Wwten aqabac, ḍummen iberdan, kecmen ddaw tmurt, εebban timaẓẓayin, ttaγen znuzen, εebban lḥif, qeblen tisigin, nudan lber si tama γer tayeḍ, kecmen tuddar timeεzula, ass din ass da, tazla γef weγrum anadi γef wedrim.
Ur yelli ay walan, ay steqsan, qqnen allen ur zzin γer deffir ur muqlen γer zdat, anda wwḍen din ay d amkan. »

ad ini-γ ad tig rebbi deg webrid n rraḥma.d tebγst i yimawlan_is

Ula d nek lliγ ass mi yenṭṭel. Nessuref tagnitt akken ad t nwali i tikkelt taneggarut . Ula d ass nni yessemlal-aγ nekni d yimeddukal.
Maxluf

azul
""mačči d tamettant i uneqqen lamaεna d tatut""

awin yesεan iẓri lqaseḥ
ad yettru ad yejreḥ
lamakla-s seg meṭṭawen ......
asefru-agi n si Muḥend
ad-as tiniḍ nekni s imazγen d accu n twaγit neγ yella kra n deεwessu i nexden. yal mi truḥ tasa ad teḥlu ad-ten ddef mačči kan d tawacult n Racid Allic i yeggujlen laεna d imaziγen merra i tḥuza twaγit. xas ma yemmut skud ur tnettu mazal-it yedder