 | | Imagraden |  |
 |  |  | |
|
|
|
Tamendawt
Deg Tferka n ugafa, tella yiwet n tmurt qqaren-as « Ğa-Zayer » maca, rrwaḥ-is yebṭel, dγa yeẓẓel iḍarren-is yebεuẓẓel yettheggi seg tura i tefranin n tselwit n tegduda ara yeḍrun deg waggur n Yebrir 2009. Imi aselway-is « Bu tfelquqin » igelled snat n lmandat s tugdut (démo-crazie), ur yebγi ara ad yizdig umkan-is, ilaq ad as-ikemmel aḍrag. Segmi (t)ama-n-ddaw(t) (con-stitution) n tmurt ur as-tsemmeḥ ara ad yernu « lεuhda » tis 3, yebγa ad ideyyek ddu-s-tur, ad t-yebberḍeq, ad t-yessexnuzzer, ad as-yernu kra n yisuḍaf akken ad as-d-yezg ged-ged d akustim « sur mesure ».
Seg leεwanser unṣiben (sources officielles), ha-ten-a kra n yisuḍaf i d-sliγ :
Ø 1ut n tmezwura. Aselway ara d-igensen iman-is γer tefranin n tselwit n tegduda, ilaq ad yili d win yenkeṛ baba-s akken ad yerr ttar akk deg l’ âne-jirie.
Ø Tis 2. Ilaq-as ur yettεeddi ara 161 n yisantimen deg lqedd-is maca ittbeccic mebεid, ad yili ilul deg umalu, rnu d aεezrur urğin yezwiğ.
Ø Tis 3. Ilaq-as ad yili d win iddren ugar n 20 n yiseggasen deg tmura n usammer (lbiqaε lmuqaddasa neγ ma ğaaawara-ha).
Ø Tis 4. Ilaq ad yili d win ara isnigiren γer tmurt n Leqmayel yal tikkelt. Amek ?
- ad yeğğ rreb-rab alma iraε, ad ten-inher am tqeḍεit γer tmurt n Yiqmayliyen.
- ad yili d amattak n zzalamiḍt d warrazen i wid isruγuyen tiẓegwa s tmess i igellun s luluf n tzemrin n yimγiden yal anebdu.
- ad yili d win ara isnernayen chômage, ad yettṣeddiq lehyuf baṭel, ad yessebγas ilemẓiyen d telmeẓyin γer unγiman (suicide) d ddaεara akked zzawağ n lmutεa.
- ad yili d win ara yebnun tamsetla (gens-d’arme-rie) deg yal taγiwant akken ad ssirẓigen tifsutin s lkuṭat ur d-nettṣubbu ara ddaw n 126 n yimeγrasen i useggas.
- ad yili d win ara isğehden tamsulta (la police) : sin n yimsulta i yal Aqmayli ad εassen fell-as akken ad ileḥḥu deg ubrid n lgudru duga-duga ur as-ittanef ara.
- ad yili d win ara ikemmlen aqmaḍ i rradyuyat n Leqmayel, ad iṛeggem alduy n tiliẓri i wass n 20 Yebrir n useggas 2032.
- ad yili yettunefk-as-d warraz Nobel n contre-Qmaylité sγur Nufel abu Usama abeεti.
- ad iεerreb Taqmaylit d ugemmay-is d wayen akk i d-yerra yigenni γer lqaεa.
- ad yili d win ara yebnun snat n tqubtin d ṣṣumεa di yal akaṛtyi (décentralisation neγ teqribuha min lmu-ẓli), ad d-yettaγ iqendyar d tqerqudin i uqcic, ad d-irennu ajelbab d lḥijab i lpapic alma ceεfen : ssersen lmus ttun abernus, udrent γer luḍa mebla lfuḍa.
- ad yili d win ara iεahden « el umma » ad yeẓẓu deg uberẓeẓẓu aseklu n beṭṭu gar yikabaren n Leqmayel d yimussuten-nsen lafeγ ad dduklen ma ulac, tikkelt-a ad ččaren isendyaq akken ad iεeddi win-nsen bla … . Ma d win umi txuṣṣ yiwet seg tewtilin-a, ad t-id-iṣaḥ uḍad alemmas, neγ ad iruḥ ad igeffel, ilqeḍ abelluḍ n tasaft bu tcacit, neγ iḥukk Agusim n Taqqa, neγ izdeγ leεzib yemmet d Aγrib.
Ø Tis 5. Ilaq ad yili d win ara iqennεen les ânes-jiriens belli yettεeddi yal tikkelt s tefrawant tahrawant (les trans-par-hances absolues), akken mi d-yufrar, ad as-ddun d iqeffafen ad as-cebbḥen tameγra-s, imir ad yekkes tiεezrit γef yiman-is, ad t-mmagren s yiḍebbalen, ad as-cennun « γariben cariqen » :
« Ṭalaεa lbedṛu εalayna… »
…………………………………………………………………………………………………………………………………..…
Hmed aselmad
Asabter yellan deffir wa | Asabter n zdat
akli
- Tinin-is...D Buteqfilin neγ d Butefliwin si kifkif berriku
- Tinin-is... Ahya Ḥmed !
Ur k-ssineγ ara akka d amedyaz, nwiγ tḥemmleḍ kan timucuha
n yigdaḍ neγ asmahat tufiḍ yiwen ugdiḍ iman-is, ulac yiwen am netta , akken i qqaren s tutlayt tafransist :l'oiseau de mauvaise augure, win akken i d-ittawin yir lexbar .Maca ccah deg-neγ ! imi nugi ad nbeddel, nettaγ-itt dima γef uqadum .
Gerrez-as-d yiwet n tmacahut , ad tt-naγ uqbel ad d-teffeγ.
Tiniḍ-as akka...
Amacahu....
Tura (mačči zik-nni) yella yiwen ugdiḍ yugar-it εeẓẓi deg temγer
maca d aseqqaḍ yebγa ad yečč tiremt tis kradet....
Tura kemmel-as kečč .
- Tinin-is...Azul fell-awen
Yenna-yas Sliman Σazem:
A k-ttweṣiγ a Ḥmed
i yi-ifehmen d lğiran
A k-ttweṣiγ a Ḥmed
Tuγaleḍ-iyi am wemrar
Wiyyak, wiyyak a Ḥmed
...
A ziγ Ḥmed-agi-nneγ yefhem yernu yessefhem-d tidyanin i wid ur nefhim! Aḍris-a neγ amagrad-a, neγ tinawt-a ( "tinawt" tekka-d seg "ini", lmaqala s taεrabt; akka i γ-d-yeqqar dda Σebdella) igerrez, yewzen, yemεen; fessus i tγuri acku yuγ talγa umezgun. Fiḥel a d-rnuγ kra, ma ulac a d-ssebrurrzeγ kra!
Yelha ma ssegraγ-tt-id s s yiwet tefyirt n Lewnis At Mangellat, imi d nettat kan i izemren a d-tessegzi ayen i yi-yellan deg wul:
Ccah d nekkni i yebγan
aεekkaz d nekkni i sen-t-yefkan
...
Ğ.B
- Tinin-is...Tikwal teṣεeb tidet i tmenna maca teshel ma s uεekki.
Ihi aḍris-agi xas akken s uεekki i aγ-t-id-tewwiḍ maca deg-s anagar tidet.
Ccwi teqqim-aγ-d tidet i yiles wamma ..........
Tanemmirt aṭas γef umagrad-agi.
- Tinin-is...Azul...
Tidett,yiwet,maca tella tin ibanen,tin-a yakan ttagaden-tt yemdanen,tella tin nezṛa maca ( zṛan-tt akk medden...yeεni...ulamma akka..)...tewεr i tmenna,yif-it cwiṭ wala ULAC.Tella tmuΓli,tella tira,n webraḥ....Llan-t tagad n tkanna,ak d tid n lbir...Wamma a CCIX ḤMED....Lemmer ad a tmuqleḍ...anwi,yerran lbunt d afeggag (maci kan d igiṛṛu...) ad a tafeḍ...ula i d ak-iniΓ. A Ḥmed,yif-it win yettgan lεer,wala win yerran LΣER d argaz. D i tagara,mara yili ..."imeqqranen" n wegdud ttnuzun s rrxa..(??)..Nwala itran n teqbaylit, s cclaγem...Wwten ACEQQIṚ...S IBEDDI ( ur-k-εniΓ..),i winna deg id telhiḍ...Maca,steqsi, ANTA taddart n winna it id yewwin...Seg wansi akken tezriḍ....Anti tudrin n wid-ak it yessulin..s igenni....Ulac d acu ar ak mleΓ...Ma tufiḍ,aqbayli yettru...Ula ayγer tekkeḍ laεmali...Afus,n tqabac,si tajra a CCIX...Suref-iyi...Ma tidett-iw,d tin n webṛah...DIΓEN.
- Tinin-is...Dir-itt tidett i tmesliwt, yif-it win ara yegren ixef-is deg wakal i wakken ur issel i wcemmek.
- Tinin-is...- ad yili d amattak ....n ẓẓalamiṭ!
Tzemreḍ a tt-kkseḍ "ẓẓalamiṭ-nni" ( si fakulṭaṭif). Abdeqqa (el εaziz al waṭani)yuγ tannumi mmi-s leḥram i d-ilulen di lḥemmam di weğda!
- Tinin-is...ackit ukustim-agi d-tfesleḍ i lberzidan a Ḥmed. maεna ayen akka d-tenniḍ s unecraḥ neẓra-t, nebna fell-as. je te propose ad d-fesled ikustimen i wiyaḍ, widak i nγil nneγ, widak, akken s-yenna Ferhat, ''γ-yeṣerwan ameslay'' γeg tugdut d tutti quanti almi d imi.... En fait, neḥwağ ad nwali iman-nneγ akken nella s tidet, macci akken nγil nella. axatar, dans le fond, le plus grand mal s-γurneγ i d-yekka.
tudert-ik ar zdat a Ḥmed
- Tinin-is...ackit ukustim-agi d-tfesleḍ i lberzidan a Ḥmed. maεna ayen akka d-tenniḍ s unecraḥ neẓra-t, nebna fell-as. je te propose ad d-fesled ikustimen i wiyaḍ, widak i nγil nneγ, widak, akken s-yenna Ferhat, ''γ-yeṣerwan ameslay'' γeg tugdut d tutti quanti almi d imi.... En fait, neḥwağ ad nwali iman-nneγ akken nella s tidet, macci akken nγil nella. axatar, dans le fond, le plus grand mal s-γurneγ i d-yekka.
tudert-ik ar zdat a Ḥmed
- Tinin-is...Azul fell-ak d aḥmayan a Ahmed aselmad:
Deg tazwara ad k-iniγ, tanemmirt taεlayant γef umagrad-agi, dayen i igerzen nezzeh, ama d tira, ama d tanfalit icuban γer tmedyezt tessuma cwiṭ amezgun, ama d tiktiwin-ik i d-ittwaksen deg tillawt tamerγant i yettidir uzzayri ass-a .Tamendawt-agi γef i d-temmeslayeḍ tesseḍsaγ-d, sakin tegraγ deg yillel n umeyyez. Daya i aγ-d-immalen dakken kečč d amyaru ameqqran, i tikkelt-nniḍen ad k-d-iniγ tanemmirt tameqqrant, ssarameγ-ak affud igerzen ama deg tira ama deg uselmed n tutlayt n tmaziγt ama i kečč ama i wid akk i iqedcen γef tutlayt d yidles n tutlayt-a, d tlelli n wawal deg tmurt n TMAZΓA.
Tabγest ilhan.
- Tinin-is...aselway n Γed agllid butefliqa kif kif igellin ittu tamettant is tella
- Tinin-is...Azuuuul fell-ak a dda hmed!!
Nekk cukkeΓ ayen akka i turgad i d tilawt!! ala Ḥqa!!....i d tilawt-nneΓ nekkni kan s wid tneyyel dunnit deg tmurt n yiεebbuden am ta!!
qim di talwit a dda hmed!!
- Tinin-is...Azuuuul fell-ak a dda hmed!!
Nekk cukkeΓ ayen akka i turgad i d tilawt!! ala Ḥqa!!....i d tilawt-nneΓ nekkni kan s wid tneyyel dunnit deg tmurt n yiεebbuden am ta!!
qim di talwit a dda hmed!! | |  |  |  | |
|