 | | |  |
 |  |  | |
|
|
|
| | D lewhayem! Ayen iḍerrun ussan-agi d Ikerdiyen msakit
|  |   D lewhayem! Ayen iḍerrun ussan-agi d Ikerdiyen msakit, d ayen ur iqebbel leεqel! D tamḥeqranit εinani. Yekkat deg sen “umattak”-nni n Ṭṭerk, d leǧnas n ddunit merra ttwalin; yiwen ur t-id-yuli wawal, ay amermur n tebḥirin ma d tagi ay d talsa!!! Ula d atmaten-nsen (Ikerdiyen n Lγiraq mačči Lεiraq) Mesεud Lbaraẓani d Ǧalal Ṭṭalabani (cban Seεdi d Lḥusin) fkan afus, ugaden, ssusmen!! Ula d Buc-nni i ttεudduγ akken d tidet d abbu… a ziγen d ajeḥ…. Kan deg-s! i m imeṣṣaḍen-nni n Kundulissa Rayeṣ, truḥ γer Ṭṭerk s tserwalt, teṣter teffer imeṣṣaḍen-is, tugad ad teqq….. dinna!! Jjmiε liman ar lemmer a tt-ṭṭfeγ ar d as-εelleγ lεib ansi ur ilaq ( seg umeẓẓuγ)!
Viv (e) dadda Ucalan, viv (e) nanna Layla Ẓana ( Takerdit, tafeḥlit n tidet)
...
Atlas |
|
|
|
|
| Isalen & tidmiwin | 
Sγur
ayirat | Walaγ d akken PKK tebra-yasen-d i yiserdasen Iteṛkiyen i teṭṭef naqqal. |
|
|
|
Sγur
Hemmu | Ikerdiyen-agi, sdukklen akk timura n tmurt, sdukklen ula d amcic d uγerda, taγaṭ d wuccen, tissist d yizi, taninna d uẓerẓur, zḍan akk lmhibba gar-sen, ula d Liran yemwata d Marikan mgal-nsen, fkan tayett i sin i Uṭerki.
Ayen i d-issalayin qeḍran ar wanzaren d agdud aṭerki i d-itteffγen ar izenqan akken ad yessuter deg udabu-nsen ad iceyyeε iserdasen ar Kurdistan n Lεiṛaq. D agdud aderγal. Am win akken i d-iqubeln iqbayliyen ass 14 yennayer 2001 deg Lezzayer.
"Les Kurdes" agi!!!! |
|
|
|
Sγur
Ḥlima n tala | Azul ay Atlas
Anwa-t wagi i yettaken di Tterk? Daγen dacu d-yegren imeṣruqen n Massa Rice akk d ttebbuct n uselway n Marikan γer umennuγ n Ikerdiyen γef tlelli nnsen? |
|
|
|
Sγur
Aweččir | Azul, Jjmiε liman n tlatin fi tlatin ar d lewhayem!! D tagi i wumi qqaren " timeṣleḥt taγelnawt"! Yemlal-d dda Ḥemmu akk d nna Ḥlima n tala iγef ttnadiγ acḥal-aya! Dγa kemm nna Ḥlima n tala, akken, acḥal d tikkelt i riγ ad dduγ yid-m γer tala n Bunan, anda i nγan akken Lwennas; maca, imiren lliγ d "blu" d ajdid deg wesmel, maca ur ifut ara lḥal, ad nqeṣṣer γef leslaḥ-agi amaεur n tbebbuct akk d tmesruqin ( wa lalla yemma wwah wwah!..) P.K.K -yagi n dadda Ucalan d izdukliyen, d iẓelmaḍen yellan γer tama n Weγref Akerdi; ilmend n waya i ten-yekreh Marikan, Iran, Udayen, dγa Incelmen fiḥel awal!! Ucalan d bu tbeḥlust-nni n U beccar aγyul ( l-Ased amattak) i t-yefkan s tuffra i wergaz-is bu tbebbuc! Layla Ẓana tekcem γer yiwen ukabar aẓelmaḍ-nniḍen yellan d Ṭṭerk, tεedda di lbuṭ, imi tewweḍ γer wegraw imattaken n ttrika, temmeslay-d s Tkerdit ( wid-nni imi tt-ufan ur d-tusi ara γer din akken ad tfek am nutni, mačči am tinna akken(Xalida) i ten-irennun γef tjeḥniṭ-is ), dγa wwten-tt meskint; rnan ṭṭfen-as s teγzi n tudert di lḥebs! Alammi tesεedda kra n mraw iseggasen, rnu ur fkin ara seg-s afus watmaten-ines Ikerdiyen: Llan wid yesserγen iman-nsen s lgaz di tmesbaniyin yeḍran di n Yurup. Lḥasun Ikerdiyen-agi msakit ttwawten si yal tama! Ula d nekkni, lemmer mačči d iqadusen-agi n lgaz i yellan deg ufus udabu εni a k-teḍru akka a lbiḍ! Kra yeqreḥ-iten (lḥal) γef Ṣarxuẓẓiḍ imi d-yenna akken ussan-nni iεeddan "Dzayer d taεrabt d tineslemt" εni d ayagi i s-iεeğben, yeḥṣa ma yenna-d d Tabiṛbiṛt ad yeṭṭef di ccix bu uεenqiq ( Lεenqa awer t-yerḥem " Ğazayer lεerbiyya" n win-iw)! Ddunit tedda d wi ibedden γas ma baba-s d aεrab! Acḥal di leεmer-im a nnan Ḥlima?
Bbun nwiḍ
|
|
|
|
Sγur
Aweččir | Ttuγ-aya: " Viv (e) takiluṭ n nna Layla Ẓana, akk d tsutyanin n Yir nettat" a ba akk leqbayel n sservis!
Aweččir |
|
|
|
Sγur
War isem | Ay amcum,
tettuḍ ur d-tenniḍ ara takukrmut ( lḥebs ) n Imrali ideg yella Ucalan yezgad di yiwet n tegzirt n d Ṭṭurk, ḥala netta d iserdasen ( lεeskeṛ ) i yellan deg-s, ulac akk imezdaγ nniḍen.
Asuri yessufeγ Ucalan si tmurt-is, acku yugad irgazen-is, ma yella d tuṭfa-s di Kinya ( taluft tezzi, tenneḍ).
Ikerdiyen n Lεiraq i γef tettmeslayeḍ d inselmen a gma, acuγer akka triḍ ad nnaγen atmaten-nsen? Ula d Rebbi yenna deg wawal-is: " Ulac lferq ger waεrab d uεejmi, ḥala s lqewwa".
Ihi lemmer ad teẓreḍ aqejdur yettrusun γef iqerra n iyaziden
n Lεiraq ( aṭas deg-sen d ikerdiyen i llan, ma mačči akken ma llan).
|
|
|
|
Sγur
War isem | |
|
Sγur
Aweččir | Azul fell-awen
Ahat mačči d winna i d isem uselway n Fransa (Ṣarxuẓẓiḍ), wissen?! Maca, d ismawen n Rebbi akk, d netta i ten-id-ixelqen.
Aweččir
|
|
|
|
Sγur
Yir argaz | D tidet a zizi War isem, aṭas n temsal i zegleɣ; d tidet daɣen dadda Ucalan mačči d izem-nni imfeccer n Surya i t-yefkan s ufus-is, maca d netta i t-yezzenzen i CIA akk d imucaren n Ṭṭerk.
Yir argaz
|
|
|
|
Sγur
Buberrak | Aṭas n yeqbayliyen ass-a i yettɛuddun ur aɣ-terzi ara temsalt-a n Ikerdiyen neɣ n Ihendiyen izeggaɣen Marikan d wid i ɣ-yecban akka s wigi… a sen-iniɣ tɣelṭem! Mmektit-d tadyant-nni n wezger yefkan afus di gma-s! Ddunit-agi d tin n lewḥuc, win izemren i wayeḍ yečč-it. D tamsalt n lfayda, anda tella a ten-tafeḍ akk din. Ur ttamnet ara Bu tebbuc i wumi tuɣal ɣer deffir ussan-a, ur ttamnet ara Ṣarxuẓẓiḍ-nni n Franṣa, neɣ Aṭenṭun n Blir.. akk d rrxaṣ. Timucuha-nni-nneɣ n zik akk llant tura, a lbiṭ!
Sebɛa iwaɣezniwen=tarbaɛt-nni n 7imeqqranen n ddunit (G7), Tteryel=Marikan, Settut (i ixellun ixxamen)=d aɛraben d yenselmen, ḥessas nnda=CIA..
Buberrak
|
|
|
|
Sγur
Mmi-s n Wemsed | Ur d-nniɣ ara diri-ten imenzayen n izerfan n wemdan, tugdut, tilelliyin s umata, tagada ger leǧnas, imenzayen n talsa.. ayagi merra d tihuggra iɣer tessaweḍ talsa; maca, anda-ten deg wennar?! Nɣan-aɣ iǧadarmiyen, ḍegren-aɣ ɣer wasif n Lḥerrac, wamag isekraf (leḥbas) fiḥel awal! Anta tarumit-agi i d-ineṭqen?! (ur d-bdireɣ aɛraben, acku iban ccɣel-nsen) Zlan-aɣ wat ičumar (ameɣras amenzu d Kamal Amẓal i yettwanɣan ass n 2 Wamber 1981 deg uɣaram asdawan n Benɛeknun) i d-tesnulfa CIA, anti tagi i d-ineṭqen?
Mmi-s n Wemsed
|
|
|
|
Sγur
Rrivuliṣyunir | Azul ay imeddykal
Yessefk daɣen a d-ssegriɣ aya: Ma yella ur ssnegren ara aẓar Ikerdiyen ass-a, mačči d lemɣiḍat i tenɣaḍen, maca, ugaden seg Ikerdiyen yellan di Yurup, ladɣa di Ṭṭelyan akk d Lalman ansi i sen-tgen kra n twuɣa!! A k-d-rnuɣ daɣen a zizi War isem: Nekk, ur umineɣ s umennuɣ-agi i la nettnaɣ akka; mačči d akka i yessefk ad nennaɣ! Amek?! Ur nesɛi tazmert s wayes ara nbedd, acku d imeɛlal n tuxsa (lebɣi) ay nella, wama ad nidir akken yessefk, ma ulac ad nemmet akk deg yiwen wass ( win i wumi tɣab tlelli d lmut a xir). Ur nesɛi “alubi” at wedrim am wudayen, ur nesɛi kra urebbit (ayennat) ad neṭṭef deg-s, imi Rebbi-nneɣ “yeswusidi” (yenɣa iman-is) ur nesɛi kra umazan (nnbi) ɣas ad ncehhed yes-s s ẓẓur am leǧnas-nniḍen merra s ẓẓur ( ɛni yella kra win yeẓran s wallen-is yiwen yettwazen-d sɣur Rebbi, a lbiṭ), nnbi-nneɣ nenɣa-t “ Ḥamim” n Berregwaṭa di Merruk, ddin-ines yedder 5 leqrun, a War isem a lbiṭ. Ur nesɛi imeddukal, ur nesɛi tagmat, ur nezmir i kra! Rǧu!! Yegra-d ɣur-neɣ yiwen leslaḥ amaɛur: yal aqbayli yesɛa-t, yal taqbaylit tesɛa-t, d acu-t?! Ugadeɣ a d-iniɣ ad terwum fell-i taḍsa, yerna mačči d taswiɛt-is! Aḥeqq Jeddi Amsed ar d at-id-iniɣ: D “iyennaten d tyennatin-nneɣ” d wagi ay d leslaḥ amaɛur i d-yegran, laɛudd ahat d anetta ay d imsellek?! Skud njerreb kra yellan, ippa mwayan, ulac, ur d-yewwi ara. Tegra-d deg wamek, ar ussan i d-iteddun..
Rrivuliṣyunir
|
|
|
|
Sγur
Aṭlas | Azul fell-awen (t)
S tidet kan, jjmeγ-ken (t) s waṭas, ssarameγ dγa di tegnatin yelhan ideg tellam (t) akk. Am wakken teḥṣam (t) lγerba tamcumt tečča-yi aqerruy-iw, si tmurt γe tayeḍ, lberr yettek-iyi i wayeḍ..maca anda ddiγ ssawaḍeγ-ase izen-nneγ n talwit, n tegmat, n tlelli d tayri..
Ferḥeγ nezzeh imi d-rnan imaynuten, ččḥeγ daγen imi γaben kra n watmaten seg wesmel, yecban : Nna Newwara, Mack n at Wewdiε, Wejṭuṭṭi akk d dda Ḥemmu.. Ad farṣeγ dγa tagnit akken ara buddeγ aṭas n talwit d tayri i weltma-tneγ Yir nettat akk d wergaz-is mass Anuγmun.
Ma ulac aγilif a sen-iniγ kan yiwen wawal i warrac-agi-nneγ: mmi-s n Wemsed akk d imeddukal-is " Yelha wayen tettarum, meεni ur yessefk ara ad tettum war arkaḍ di leεwayed-nneγ,acku llan watmaten-neγ ur nḥemmel ara tukksiwin n sser, yir awalen... D acu ssurfet-iyi deg leεnaya-nwen ( mmi-s n Wemsed akk d imeddukal-is) imi mačči d timsirin i riγ a wen-d-fkeγ di leḥdaqa.
Atan a d-tafem (t) dagi, azekka tameddit, yiwet tmacahut ideg rriγ tajmilt i weγyul, imi ula d netta yettwaḥqer; tzemrem (t) a tt-teγrem war akukru zdat twaculin-nwen, zeddiget amzun d xir.
Ar azekka ihi, ma nedder
Aṭlas si Santa klara
Tamawt: kra n tefyirin-agi si tezlit (tilelli) n Lwennas, riγ a tent-hduγ i watmaten-nneγ Ikerdiyen :
" Tuγaleḍ-iyi d targit
Walaγ ddunit
D wayen iγef nettnaγ tura
Fell-am i xlant leḥwari
Mmuten irkelli
Ilaq a d-tnadiḍ tura" |
|
|
|
Sγur
Aṭlas | Macahu, tella mcahu, tamɛayt (tamacahut)-iw ad telhu, ad timɣur annect usaru…
Ɣef tmacahut n weɣyul, lɣiḍa (lɣiṭa) akk d yizem
Di yir ddunit-agi n wid yettumerrten akka am nekkni. Yedder yiwen weɣyul, yettwaḥqer sɣur yakk imudduren. Rekkben-t, ttɛebbin-as, kerrzen fell-as; tikkwal rennun tgen-as lɛib warrac!.. Di ccaw, yumen s lmektub, yenna: ahat d Rebbi n yeɣyal i yi-tt-iraden akka! Yiwwas n wussan yerrivulṭi!.. Yuɣal yettxemmim amek ara yexdem.. Ahh! Ufiɣ-tt-id!! I yenna weɣyul. Yerna ixemmem cwiṭ, yenna: Aḥeqq jeddi Amsed (ula d netta jeddi-s isem-is Amsed!!) ar d ɛnuɣ ameqqran imeqqranen ass-a; ar d as-geɣ lɛib! Yerna deg wawal-is: Ma giɣ-as lɛib i umeqqran imeqqranen, amzun akken giɣ-as lɛib i yakk i lumma.
Aɣyul amcum, a ziɣ yeɣra deg Libuẓar, mačči deg Libuzerriɛa am Yir nettat! Yufa iman-is ur yesɛi ara acciwen s wacu ara yewwet, yegra-yas-d kan uyennat-is ad yewwet s yes-s!.. Yekker iruḥ ɣer yizem..
Akken yewweḍ zdat yizem, yebda yettezninniḥ weɣyul, iceṭṭeḥ, icennu: D tameɣra n dda Lḥusin, ad yezhu weɣyul uzyin! D tameɣra n dda Ssaɛid, ad yezhu weɣyul aṣendid!
Iluɛa-t-id Yizem s ucennef:
- D acu i yuɣen Rebbi-k imi tettezninniḥeḍ akka?!
- Aql-i ferḥeɣ! sɛiɣ tameɣra. i s-yerra weɣyul.
- I nekk d acu tebɣiḍ ɣur-i, imi d-tusiḍ akka?!
- Tameɣra bla yes-k mačči d tameɣra! Yerna kulleci yugar: seksu, aksum, ccrab.. ula d Yir nettat, tusa-d si Lpari akken ad tecḍeḥ ilmend-inek.. I s-yenna weɣyul.
Izem yezher (am wezhar-nni n Yir nettat “mmmm” mi ara s-d-yeɣmez Unuɣmun akken a t-tlaḥeq ɣer wusu), yenna: A k-ibarek Rebbi, ay aɣyul. Zwir aql-i ad dduɣ.
Ddu ma ad tedduḍ… alammi wwḍen ɣer yiri n wasif (yessekk-it-id ssyinna bettɛemmed), yenṭeq weɣyul: Yella yiwen wegnu (wugur) a sidi izem! “ D acu-t wegnu-yagi, ɛni tettagadeḍ aman?! I t-yesteqsa yizem.
- Ugur d lɣiḍa-yagi, ugadeɣ ad tebzeg! Ma tebzeg ad tebṭel tmeɣra a sidi!
- Anda-tt lɣiḍa-yagi?!
Aɣyul yessenɛet-as-d ayennat-is, yemla-yas-t: Attan a sidi.
- Amek ara s-nexdem akken ur tbezzeg ara?!
- D lɣiḍa-yagi ara ɣ-d-icebbḥen tameɣra, ma tebzeg, tebṭel. Tegra-d yiwet a tt-neg; anagar nettat ay d tifrat, yernu attan deg ufus-ik a sidi…
Yegzem-as awal Yizem: Tifrat ɣer ɣur-i ay tella? amek?!
Yessenɛet-as-d ayennat-is (annect-ili-t), yenna-yas: Lɣiḍa-yagi a k-tt-greɣ di tyennat-ik n deffir, kečč zwir, nekk a d-rnuɣ deffir-k; s waya ur tebbezzeg ara.
Akken i yella lḥal, lɣiḍa n weɣyul iger-as-tt di txemmujt-is i yizem; zegren asif ur tebzig ara!...
Tamacahut-iw asif asif, mliɣ-tt-id i yat nnif
Aṭlas
|
|
|
|
Sγur
Aɣyul | Azul fell-awen
Tanemmirt ay Aṭlas imi txemmmeḍ fell-i; temmektaḍ-iyi-d, u terriḍ-iyi tajmilt. Ahat drus n yemdanen i yeẓran aya: ungal amenzu akk deg umezruy n talsa, yefren-as bab-is, azwel-agi “ Aɣyul n wureɣ”; twalam amek amyaru ameqqran amaziɣ “ Apuleé” de Madore neɣ n Mdawruc” i yerra tajmilt i weɣyul!
Tegra-d deg wayen giɣ i mass izem, d kunwi ara iḥekmen fell-as, d cu kan ur tettut ara d tiririt kan i rriɣ ɣef yiman-iw.
Aɣyul
|
|
|
|
Sγur
Bu ccfaya | Azul
Iḍelli imi γriγ ayen d-tenniḍ, nniγ-as wagi dayen itub; ass-a tuγaleḍ γer tid-ik ay amcum!
Tadyant-agi n weγyul tgerrez; maca d acu i d-yegren deg-s Yir nettat?!
Γef tedyant-nni n weltma: imi d tameqqrant-nni maεlic, ulac fell-as, acku tinna tessen leṣlaḥ-is, ur s-tezmireḍ ara a s-tkellxeḍ ay amcum.
Tamawt: D acu i d anamek n yesteqsiyen-nni yerzan imcac, i d-tuzen akken teqcict-nni, ur gziγ acemma?!
Bu ccfaya |
|
|
|
Sγur
Dda Qiqi | Aɛlxir fell-awen
Kis kisi kṣa si z iṣṭwar la ?! Aluṛ !
Attan ma kuntribisiyu :
Taqṣiṭ-ayi twenneɛ, lemmer ɣas tfuk s tmeɣra akk d iṭebbalen, yili a d-teffeɣ ay acek-ik. Maca, llant kra n tlufa yessefk a tent-yefhem wnadem deg-s:
1)Yahel ṭara yerra-d weɣyul ttar-ines, neɣ xaṭi ?
2)Yahel ṭara yewwi-s s lexbar ubelḥaret ( yizem) s wayen i s-yeṭran, yewwet nneḥ, yeṣber ɣef lǧal n n seksu d weksum akk d ccḍeḥ n madam Anurmun Yir nettat ( akken qqren akken “ tamenquɛt-is deg ubellaɛ, netta yettmami-d dellaɛ”!) ?
3)Yahel ṭara yerra-d s lexbar ubelḥaret s ugejdur-nni i s-“yeplaṣi” weɣyul, yerna akken i d-yettwakkes seg-s yuɣal ɣer tid-s: zzux d uɛennen n tuyat?
4)Yahel ṭara yuki s lɣiṭa-nni n weɣyul, neɣ ur tt-yeḥsib ara akk, amzun akken d ulac (am wakken s-tenna akken tzemmurt i ɛeẓẓi : anwa afurk iɣef terseṭ?!)
5)Yahel ṭara d leḥla neɣ d leḥram wayen i s-iga weɣyul i mass bzlḥaret ( axaṭer nekkni d inselmen i nella, yewwi-d ad nissin ddin-nneɣ) ?!
Tura a d-nuɣal ɣer li vṛi kistyu :
1)Isku tkemmel tmeɣra-nni neɣ xaṭi ( skud llan yeslan « macaa llah » fell-asen : aɣyul d isli, massa tabelḥaret (tizemt) d tislit d wawal) ?
2)Isku iǧuz waya neɣ ala ?
3)Isku tǧuz tmeɣra anda yella ccrab neɣ xaṭi ?
4)Isku iǧuz-as i massa Anuɣmun Yir nettat ad tecṭeḥ di tmeɣra-yi anda ulac argaz-is neɣ xaṭi?
5)Isku zzwaǧ-ayi yella-d s Rebbi d nnbi, neɣ kan akkayi wwet ɛeddi?
6)Kili lu rriṣbunṣabel ɣef la ssitiyaṣyu-ayi : d ddula neɣ d cceɛb?!
Ssi ṣa li vṛi kisetyu i wumi tlaq tririt a tarwa, ma ulac ad tuɣal ur tesɛi ara kra n lmeɛna!
Dda Qiqi
|
|
|
|
Sγur
Dda Qiqi tujur | Ttuɣ aya:
Taqṣiṭ-ayi tusa-d di lawan ideg nemserwi nekk d tmeṭṭut-iw nna Ququ. Akken i ifuk wayyur-nni n Remṭan, terna-yi-d tuẓamin n ccewwal, la k-teqqar : ilaq ad tṣebreṭ allama fuken wussan-ayi ! Nniɣ yeɛni yelha-yas i yiwen akka ma yuɣ snat neɣ tlata tilawin akken ur yettɣimi ara akk “unmpan”! Aɣyul ili pur la puligami: tin yufa yuɣ-itt, d taɣyult, d taserdunt, d tagmart, atan yerna yuɣ ula d belḥaret..
Dda Qiqi tujur
|
|
|
|
Sγur
Deḥman | Azul fell-awen
Tadyant-a tgerrez, imi teffeɣ i tannumi-nni ideg izem yezga lebda d asaḍ; tikkelt-a d aɣyul i d asaḍ.
Wezzilet, tebrez, tettwafham. Bab-is amzun yebɣa a ɣ-d-yini:
Kra ur yerkid, kra ur yettwaḥettem ɣef kra umexluq, ala kan ma iḥettem kra ɣef yiman-is! Izem yellan d agellid, yezmer ad yuɣal d lalla!
Ayen-nniḍen fiḥel awal…
Deḥman
|
|
|
|
Sγur
Dda Ɛmer | Azul fell-awen
Izem lebda d izem, ur ilaq ara ad nekkes fell-as sser! Di temsal-agi n jjwaǧ, yefra-tt lislam; yemla-yaɣ-d nnbi-nneɣ ucbiḥ amek ara neddu, d nekkni kan i la yeskeɛriren. Argaz d tmeṭṭut (ḥaca-kum) ur ɛdilen ara. Argaz d argaz, ɣas d lɛerra n yergazen yif tameṭṭut! Argaz yettrizisti, ɣef 90 sna mazal-it yesṭekṭik, wama tameṭṭut ma tejba akin i 45 ɣas ḥseb-itt d leḥlas; akka i ssneɣ nekkini taqbaylit. A s-iniɣ i wemɣar-agi n Lberǧ ( mesyu Qiqi): Tameṭṭut ma tefkiḍ-as taḍsa n wuglan a k-tali am uselluf! tameṭṭut ddeb-ines d tameṭṭut, ma tenṭeq-d kan rnu-d fell-as tayeḍ. Ɣas nedder aṭas di Lpari ur ilaq ara ad nuɣal d ipappasen a mesyu Qiqi, ur ilaq ara ad nuɣal d li “pidi” am irumyen i yettaǧǧan tulawin-nsent alammi ttaɣent iqjan ( kunwi teqqarem iqzaḥ), imcac, idduten (kunwi teqqarem icaditen neɣ ibkan)! A ɣ-yeṣṣer ( kunwi teqqarem “ a ɣ-yeṣter) Rebbi alamma yeṣṣer-aɣ wakal! Mazal deg-neɣ taqbaylit, lḥemdu llah.
Ad nuɣal ad nqeṣṣer nekk yid-k ugar a mesyu Qiqi, ɣas nemsebɛad ( nekk si Tizi-Uzezzu, kečč si Lberǧ n Buɛrariǧ) nemseqrab di tikta akk d lɛeqliyya.
Dda Ɛmer bu tfenṭazit
|
|
|
|
Sγur
ayirat | Yiwet n tuttra kan: anwa i izemren ad iyi-d-yini amek i qarren i tsarut(ticcert akken i qarren At Wartilan) di Lberǧ n Buɛrariǧ?.Ma yezmer akka daγen a γ-d yefk kra n wawalen yellan tipikmu n temnaṭ-agi acku urğin sliγ neγ γriγ kra s teqbaylit n Lberǧ n Buɛrariǧ.
|
|
|
|
Sγur
Iles | Azul ay Ayirat
"Tasarut" neqqar-as afus. Kra n wawalen kan " Amenquε" d lεib ur t-qqaren anda-nniḍen; "aẓeγṭiṭ" :drus, ur t-qqaren anda-nniḍen...
Iles |
|
|
|
Sγur
ayirat | |
|
Sγur
Tansa | Azul Iles, Ayirat,
Iles : Ur teqqarem ara dadda anda neqqar nekwni baba ?
Tameslayt-nwen γef akken walaγ tettemcabi ayen din γer tin n Yiγil Ali, neγ aha ?
Tansa |
|
|
|
Sγur
ayirat | Azul ay Iles,
Baba neγ Vava neqqar-it am kunwi, ma d dada neqqar-it i watmaten d wid i sen yettilin i yibabaten-nneγ, daγen neqqar-it i watmaten i γ-yugaren di leεmer. |
|
|
|
Sγur
ayirat | Iwwet-iyi wugur, tirririt-iw i tansa ur telli i Yiles. |
|
|
|
Sγur
I bu cfaya | Azul a Bucfaya,
Taqcict-nni fuγef i d-tettmeslayeḍ, d tagi i k-in-yettmeslayen... :)
Tansa |
|
|
|
Sγur
Lu (le grand) pewwiṭ | I massa Anuɣmun Yiɣ nittat
Asefru-a ad yili s uẓawan n tezlit-nni “aẓ-d ay uffir” n dda Lwennas
I kemmini a Yir netta
Tferḥeḍ mi tuɣeḍ Anuɣmun
Tezhiḍ mi tuɣeḍ Anuɣmun
Ma tenwiḍ-t d Bunapart
Neɣ ahat d Napuliyun
Neɣ d netta d Napuliyun
Ɣas err i lebɣi-m taqlaṭ
Akken ur yesseglaf am weqjun
Ma ulac ad yesseḍ am weqjun
***********************
Ɣer weqbayli ur tẓerreḍ tafat
Ad tectiqeḍ lmaqarun
A d-tettmamiḍ lmaqarun
Ad am-yesserwu rregmat
Yir imeslayen d yir lemɛun
Ad tselleḍ kan i yir lemɛun
A d-yernu fell-am tis-snat
Ad akem-yeǧǧ a m leɛyun
A kem -yeǧǧ kemm a m leɛyun
Fell-am ad ttihint lxalat
Ala mmi-s n Wemsed ara yettrun
D mmi-s n Wemsed kan ara yettrun
D netta kan i tesɛiḍ d tifrat
Ɣas knu zdat-s am userdun
Ma ulac lḥal a kem-ifat
Ad tettɣiḍeḍ am umeɣbun
Lu (le grand) pewwiṭ
|
|
|
|
Sγur
Lu grun (Le grand) pewwiṭ |
I tmessiwt (tamadmuzilt) Merttif (Tansa)
Asefru-a ad yili s uẓawan n tezlit-nni “aẓ-d ay uffir” n dda Lwennas
I kemm aẓ-d a Merttif
Ur d-yegri uɣebbar s allen
Ad am-ẓẓmeɣ lebṣel s allen
Textareḍ-iyi-d nekk si rrif
Tenwiḍ d nekk i m-isehlen
Baneɣ-am-d seg wid isehlen
Ɣur-imi d-tegreḍ asurif
Ad am-t-rreɣ d asawen
Ad am-ssaliɣ asawen
Ma tɣileḍ amcic-iw d uḍrif
Ɣur-s ɛecra waccaren
Yerna cban iwajjaren
Ur yebbehba, ur yeshetrif
Mazal-it seg imaɛuren
Lu grun (Le grand) pewwiṭ
|
|
|
|
Sγur
Iles | Azul a ay Ayirat ameεzuz; azul a Tansa tucbiḥt, tuḍrift,
S tidet neqqar "dadda" i baba, neqqar-it daγen i win meqqren, ur t-id-bdireγ ara acku qqaren-t anda-nniḍen (tama n Yiγl Σli); fkiγ-d kan kra n wawalen i neqqar, ur llin anda-nniḍen. Nemgarrad di tmeslayt γef Yiγil Σli, llan wawalen i neqqar akken-nniḍen, daγen kra imesla (sons) ur ten-id-nessawal ara: "Ḍ" = "Ṭ" aḍar, aḍu= aṭar, aṭu; arbib ameskan "agi"= ayi: argaz-ayi.
Semḥissifeγ nezzeh imi i lliγ d axeddam n Yir amdan-nni " mmi-s n Wemsed", wama nezmer ad nessalit akken ddeqs isenfaren (projets), maca akka i diyi-yura di twenza, aql-i tetteγ aγrum aberkan seg ufus n yir argaz!
ĞğIγ-ken di talwit, a tagmat; ar kra n wass
|
|
|
|
Sγur
Mmi-s Wemsed | Awer azul!
Yenεel ddin n yemma-k ay Yiles afuḥan! Ssexdameγ-k γur-i akken ad teččeḍ aγrum, kečč tesfuḥuyeḍ di tqemmuct-ik! Aql-ik teṭṭaxxreḍ, berra; ruḥ tura a k-ssxedmen nutni!
Ttfuuuuhh! Ay azrem uqelmun
Tamawt: ma yehwa-yak ruḥ ccetki γer sidi-k Ssaεid n "U.G.T.A"!
Mmi-s Wemsed |
|
|
Tekki da akken a d-tiniḍ kra neγ kra. |
|
| |  |  |  | |
|