Timlilit n Umussu n Timanit deg Iεeẓẓugen ass n 1 deg Meγres 2007, deg i d-yella uskasi(débat) γef tefranin n usqamu aγelnaw, tfukk s TAGIN n tefranin-a acku :
1- MAK i ittennaγen γef timanit n Tmurt n Iqbayliyen ur yessuruf ara i iman-is asexleḍ gar tasγart a s-d-iṣiḥen i wegdud aqbayli akk d tin a sen-d-iṣiḥin i iεeggalen n MAK. Deg tegnitt deg tella tsertit deg tmurt akk d usḥissef n Tmurt n iqbayliyen zdat n imḍebbren akk d ikabaren deg i tga taflest, attikki deg tefranin n 17 deg mayu 2007 a d-ibin am akken ula d Amussu n Timanit, akken am wiyaḍ, iger afus-is ad yečč deg uḍebsi n udabu. Tikli n Umussu-nneγ ur tqebbel yiwet n tuzzma yecban ta.
2- Seg drus i s drus igensasen(représentants) n Tmurt n Iqbayliyen deg Usqamu Aγerfan Aγelnaw ur zmiren ara ad sεun awal ẓẓayen deg iskasiyen i d-yettilin deg-s. Amur n 40 igensasen iqbayliyen deg 380 igensasen n Lezzayer s umata yeskan-d dakken 10,52 % i yellan kan, aya dγa ma ttmeslayen akken ma llan yiwen wawal. Tefses n Tmurt zdat n taẓayt n icenga ines aεṛaben-inselmen iγelnawen d ayen ad iṛessin aγanzi n wegdud aqbayli, tasγart-is taseṭṭaft, deg umḍiq anda ilaq a newwet γef izerfan i s-yettwakksen. Igensasen n Tmurt ur ttizmiren ara ad jeddlen ula d azeγbub deg uṣenfar n lqanun neγ n usaḍuf.
3- Isuḍaf i d-itteffγen deg usqamu aγelnaw n Lezzayer ur llin ara d wid yurzen kan agdud aqbayli. Isuḍaf ttwasekkren i Lezzayer akken ma tella anda Tamurt n Iqbayliyen tettuḥettem ad tefk afus deg wayen i tt-yurzen nettat kan iman-is. Amussu n Timanit yessutur tifranin deg Tmurt n iqbayliyen kan i wefran n usqammu-ines nettat kan akk d usbeddi n unabaḍ(Guviṛnema)-ines uqbel attikki deg usqamu aγelnaw azzayri.
Amussu n Timanit irennu amennuγ-ines asertan i weslelli n wegdud aqbayli war ma yeğğa iεeggalen-is akk d imeḍebbren-is a ten-iγurr ukursi.
Amussu n Timanit iggemmn-d daγen ad yeg timlilit γef imal n Tmurt n iqbayliyen ass n umhad(jeudi) 12 deg Ibrir akk d tikli deg Weqbu ass n umhad 19 deg Ibrir 2007.
Tamurt ass n 07/03/07
Aεraḍ i tsuqelt n welγu yestenya i Umussu n Timanit Mas Feṛḥat Mehenni.