Butcacit ulac-it

- Isem n terbaεt : Tigawt d wawal

- Azwel n tmezgunt:" Bu tcacit ulac-it” (Seg wungal: “Timlilit n tγermiwin”, n    Ǧamal Benεuf, “Tiẓrigin  L’harmattan” 2002).

-Tawsit (ṣṣenf): Amugez (engagé ) d tezγent (critique).

- Taγult : Ger Tmmugit  (drame) d (tmellaγt (comédie)—urfan taḍsa-- .

- Talγa : Lḥelqa  (isefra, ccna)

- Asentel : Amennuγ γef tḥanut.

- Akud: Ssaεa d 40 ddqiqa.

- Aẓawan, ccna d uselḥu isemda : Yusef Bessay s tullin n Tufiq Σemmuc.

- Tadlegt (ddikur) : Ğilali Weεmara.

- Urmisen (aksuswar): Tigawt d wawal.

- Timelsa: Ḥamid Baḥfir.

- Aḍris ( tira): Ğamal Benεuf.

- Tiririt s asayes: Ğamal Benεuf  s tullin n Samir Zemmuri.

-Imariren: Tufiq Σemmuc, Qeddur Σeblawi, Maziγ Reǧdal, Ḥamid Baḥfir, Crif Baymut, Ǧamal Benεuf.

- Afares : 2954/2004.

Tamawt : “Tigawt d wawal” tessuli yakan snat tmezgunin: -- “ Tamurt uεekki” aseggas: 2953/2003.

-- “Aneggaru a d-yerr tawwurt, yeččur wesqif n ṭṭmana” aseggas: 2955/2005.

* Ḍren-as-d s yakan semmus (5) warrazen.

Asmekti neγ tajmilt i yiman inaẓuren-nneγ: Yenna Dda Lmulud : “Albeεḍ yella  ulac-it, wayeḍ γas ulac-it,yella.” Σli Makur (amedyaz-amyaru) d yiwen si rrehṭ n yemdanen iγef i iwulem nezzeh weḥric wis-sin n wawal-agi. γef waya,Tigawt d Wawal terra-yas tajmilt  s yiwet n tezwart ara yilin d asmekti i yiman-ines; ladγa imi sγur-s i d-yekka usumer yerzan asali  n tmezgunt-agi.

 Agzul n tmezgunt:

 Ssi Σmer yeldi taḥanut yellan temdel seg wacḥal-aya, yettγil iman-is yeḥrec imi d-iḥella ayen ur nelli d ayla-s. Iwakken ad yemmed lebγi-is ssefken (laqen)-as sin inagan. Yiwen seg inagan-nni d tameṭṭut i d-yusan deg wadeg-is (amkan-is). Maca, di tmuγli n Ssi Σmer : tameṭṭut ur temmid ara tnaga ( cchada) -s, “la yaǧuz”. Ssi Εmer a s-ffγent tirga mxalfa, imi d ayen i yettnadi i ttnadin ula d inagan-ines. A d-yezri Bu tmucuha i d-yekkan si tmurt n tirga, ad yeεreḍ ad yekk gar-asen; mačči kan, ḍsan fell-as, ẓẓεen-t, rnan ssusqen-t... Di tuγlin-ines a ten-id-yaf yennerna gar-asen iγisi akk d ccḥani, taluft simmal tkerres, trennu. Tikkelt-a d Ssi εmer s yimmad-is ara d-yessutren seg-s tifrat. Maca, amek ara tt-yefru Bu tmucuha  i d-yusan si tmurt n tirga? S tmucuha, d ayen ibanen! imi γer γur-s “awal d aciri mačči d asmiri”.

Amacahu... ! Bdant tedyanin. Tidyanin mzuγarent ta γer ta, azrar i tent-yezdin d tadyant n Bba Belgasem.  Kra seg-sent d ti :

- Tawacult n Lmulud;

- Amessedrar di Kayan;

- Leflani;

- Bba Belgasem inigi n tillay ( zzman);

- Timlilit d imeddukal

...

Yal awal d takti, yal takti d tasleṭ, yal tadyant d tisri...

Bba Belgasem a d-yettban i kra d amγar azemni, γur wiyaḍ d inigi umezruy, ma γur yiman-is netta : yecba “ ifker, akka seg wasmi d-yekker”. Di taggara : Ssi εmer akk d inagan-ines a s-sselfen   kan sufella i ṣṣwab, ad uγalen a t-zeglen, akken qqaren akken : “ ṭṭfen aẓar εudden-t d aḍar”.

Rran taḥanut-nni d lemqam : s wannuz a Sidi Bu tcacit ulac-it.

Tamezgunt-agi, tella-d s tmeslayt n yal ass, maca,  d tamaziγt-nni yufafen, mačči d tameεlalt-nni m tfawtin.

Ihi, γas neḥṣa “ nekker-d meẓẓiyit, lecγal n taddart meqqrit”. Maca, asurif n nnif yessufuγ si lḥif.

 “Imezwura iban-asen, ineggura iban-asen; aḥlil ay ilemmasen”  I yenna Ccix Muḥend.