Ass n 15 deg Dujembeṛ, tella-d yiwet n temlilit di tesdawit n Jussieu di Paris id-yewwin awal   ɣef  leqdic d-issewjad mass Aksil d wid iqeddcen yides ilmend n wesbeddi n yiwet n temkarḍit tagraɣlant n tmaziɣt.

Tikti d tin i-ɣef qeddcen iɛeggalen n tdukla “Tamkarḍit” id yezgan di 38, rue Keller, di tɣiwant n Paris.

Yella-d wawal ɣef wamek d wayen ilaqen iwakken ad teǧuǧeg tikti agi.
d annar i yal ameɣṛi yebɣan ad yissin kra ɣef yedles amaziɣ, ama d azwaw, d aṛumi neɣ d wayeḍ. ɣef aya, iqeddacen ssaramen ad-ssiwḍen akken ad d-awin idlisen akw yettwarun, s yal tutlayt ɣef yedles amaziɣ s umata.

Mass Aksil ger wid yellan deffir n tikti agi, yefka-d amedya ɣef waṭas n temkarḍiyin yellan di Paris, d tid yebdan s ulac. Yenna deg wawal-is: “tella temkarḍit taṣlabit (slave) d tin yessawḍen tesɛa azal n 8000 n yedlisen di ssin issegwassen. Tamkarḍit tiyidict (Les yiddish), azal 20 isegwassen seg mi tella, ar assa mazal-itt tetteddu akken iwata u tesɛa aṭas imeɣṛiyen. Tella daɣen temkarḍit takurdit (kurde)…atg. I temkarḍit tamaziɣt acuɣer ala??”

Ihi, tamkarḍit agi mazal-itt d tikti kan, deg wennar n leqdic...maca assirem id-tebwi yides ad yegmu ma yella yal yiwen d yal yiwet i yzemren ama s wedlis, s wedrim negh s tikti ad-yefk afus, i wakken taɛkumt ad tifsus...ula ma werjin yella leqdic s tayri d taɛkumt.

I yal tin neɣ win yebɣan ad yaru i yqeddacen, attan tansa:

TAMKARDIT
38, Rue Keller, 75011, Paris
Tansa taliktrunit : tamkardit-bibliotheque@wanadoo.fr

Ma d win negh tin izemren s wedrim :
Association loi 1901
JO du 24-07-2004
SIRET : 4789270900010
CCP : 5106650M020.

Newara