Tukkist seg ''Ammud n idrisen '', Lezzayer tamaneγt 1913 , adris wis 27


Ass deg ara bdun arwa ad awin leḥ̣̣wal akk ilezmen a-ten-heggin ar unnar am icban : tazzert, lluḥ, tazaglutt, tikummamin, timṣelḥin t-tziyaṛt bwaman.
Mi d icreq iṭij, ikaw unnar , ad εeddin ad gren ddersa a-tt-ḍelqen, a-tt-ḥdem. Imiren ad εeddin ifellaḥen ad feḍren , ad qqimen ad staεfun arama d leğwahi n ṭṭnac , ad kkren ad qqnen izgaren a-ten-skecmen ar tlemmast bbunnar ad bdun-isen tunneḍa.

wid iserwaten ttilin laxeṛ di sin , yiwen itenneḍ izgaren , wayeḍ ittaṭṭaf tazzert iṭeqqir , iqelleb ddersa ; akken arama tenγeḍ ddersa, tidert tefexs, iγlel yuγal d alim, imiren ad suffγen izgaren ar berra bunnar , ad staεfun ; mi tenejmaε ddersa-nni, alim ittawi-t waḍu , aεeqqa iγelli ar tlemmast bbunnar deg i-ttnejmaε t-tirect…
ṣeffin tirect s lluḥ akk ttmeṣleḥt . Aεeqqa neγ tidert ara d-iεezlen seg tirect qqaren-as akurfa i-beṭṭun mnaṣef ger bab n cci d ufellaḥ , ma illa t-tirect tbeṭṭu m-xamsa , ṛebεa imuren n bab tyuga , wis xemsa ufellaḥ.




Si Aεmer u Saεid Bulifa 1868-1931