Amezwaru nni : ṣaḥa ya Ṛebbi ṣaḥa ! IIIIIH !!! teɛyiḍ tleḥḥuḍ i leḥfa u tectaqeḍ aγṛum, tura tuγaleḍ s ukustim s tekṛabaṭ d iṣebbaḍen…

Wis sin nni : waqila kečini mer tettafeḍ ur d ittfeṛṛiǧ ara Ṛebbi γef lɛibad

Amezwaru nni : ala d kečini kan alaxaṭeṛ ẓṛiγ-k ur tuklaleḍ ara

Wis sin nni : Acuγeṛ ur uklaleγ ara ?

Amezwaru nni : Alaxaṭeṛ ẓṛiγ-k mači d-argaz

Wis sin nni : d-argaz am irgazen nniḍen irkwel, ur lliγ ddawt-sen ur lliγ nnig-sen

Amezwaru nni : Hehehehehe !!! Axi nnefṣ n tebṣelt axi, kečini d neffṣ n bnadem mači d-argaz

Wis sin nni : mer d azgen n bnadem akka d tenniḍ, yili ad-d-waliḍ ur sɛiγ aqeṛṛu naγ ur sɛiγ ara iḍaren.

Amezwaru nni : ihi ma yella d tidett d-argaz akka d tenniḍ kečini, eyyaγ a-neffeγ ar beṛṛa.

Wis sin nni : dacu a-nexdem ?

Amezwaru nni : a-nemdebbaz

Wis sin nni : i seg wemdebbez d-asawen dacu ad-yilin ?

Amezwaru nni: ad-d-γlint tuγmas-ik naγ ad-d-γlint tuγmas-iw

Wis sin nni: “nǧeɛluha” atan nemdebbaz…

Amezwaru nni: Mazaaal, amdebbaz agi ṭaṭaṭaṭa wagi n tlawin mači g’ rgazen a lebγi…eyyaγ ar beṛṛa a-nemdebbaz.
Wis sin nni: acḥal ad-iy-tefkeḍ ?

Amezwaru nni: acḥal ad-ak-fkeγ ? Yiwet tiyita naγ snat ad-k-id-awiγ KO.

Wis sin nni: ala mači d-tiyita naγ d lbunya, d-idrimen

Amezwaru nni: tagi d-tajḍiṭ, a-nemdebbaz ad-rnuγ ad-ak-xellṣeγ !?

Wis sin nni: ih i nekini a-nemdebbaz, a-d-awiγ anzaren-iw ṛzen naγ tuγmas-iw qelɛent d uma baṭel, bla lfayda ?!

Amezwaru nni: ihi ala a gma, γas ur d ttaf ara sebba, waqila d lxuf i tugaḍeḍ…Nekini si tama-w, mači a-nennaγ, ad-rnuγ ad-ak-xelṣeγ, wagi γiṛ ur d ttaf ara tisebbiwin. Tesliḍ naγ ur tesliḍ ara ?

Wis sin nni: ihi ula d nekini ma yella baṭel, ṛuḥ ad-tnaḍiḍ timmad-ik ad-temsefhamem keč yid-s. Nekini xḍiγ xḍiγ “debbza u dmaγ”.