Mozart ilul ass n 27 Yennayer 1756 deg teγṛemt n Salzburg deg tmurt n Uṭric. Ass mi iwweḍ 3 iseggasen, iqqaṛ aẓawan.Imi iwweḍ mraw(10) iseggasen werǧin ikcem ar uγerbaz maca issaweḍ ad-yaru yiwen uẓawan immed. Ittaru « ticṛaḍ » uẓawan uqbel ad-yissin ad-yaru isekkilen n tira naγ uṭunen. 5 iseggasen, d-aṭiṭuḥ, issen ad-yurar aẓawan n baba-s illan s timmad-is deg wennar a.
Mozart yura netta d-amecṭuḥ 5 tcequfin ar upianu yuγalen ass-a ttwassnent aṭas.

Deg wseggas n 1763, tawacult n Mozart tezzi-d i deqs n tmura n Tuṛṛuft. Tga urar deg yal tamanaγt anda d skannen ayen issen uqcic uḥdiq. Gan urar ameqran deg Paris deg Versailles, anda agellid n Fṛansa Lwiz wis 16(mraw d sedis) iɛeṛḍ-iten ar imensi.

Sinna kkan ar London qimen din aseggas. Wolfgang izḍa tamidi akk d Jean-Chrétien Bach, mmi-s n umaẓwan ameqran Jean-Sebastien Bach), izedγen imir nni γef ijufaṛ n wasif n London umi qqaṛen Tames. Aqṛuṛ Wolfgang ilmed ad-isbedd “tisanfuniyen”, iga diγ tamusni d “upeṛa”
Iṛuḥ imi γuṛ-s 7(sa) iseggasen, yuγal-d ar teγṛemt ines Salzburg imi iwweḍ mraw d yiwen (11) iseggasen.

Sel i Lacrymosa n Mozart da

Mozart d-agezzan !
Deg wseggas n 1769, Wolfgang issakel ar Ṭelyan, netta kan d baba-s. Deg teγṛemt n Milano, axxam n upeṛa n Scala igr-d snat seg tcequfin uẓawan yexdem. Baba-s d mmi-s uγalen-d seg Ṭelyan čuṛen wulawen nsen d tumert, ma γas ulac win i sen ifkan axeddim.
Mozart werǧin ikcem ar uγerbaz, maca idles iga axxam deg wqeṛṛu-is. Ittaru talmanit, tafṛansist akk d teṭelyant. Issen diγ cwiṭ tegnizit akk d tlaṭinit.
Tikli ines ar waṭas n tmura tefka-yas deqs seg idles, maca ur s tefki axeddim deg kra uxxam ameqṛan n kra ugellid, s wayes ad-idder tudert yuklal.


Deg wseggas n 1778, yuγal ar Paris.
Ittnadi kra uxeddim deg ixxamen imeqṛanen n tgeldiwin n Tuṛṛuft, imi imir nni ittwassen ar medden d-tirni.

Deg yiwet n teγṛemt, ikecm-it ifṭiwej n tayri γef yiwet n tcennayt Aloysia Weber. Iṛγa fell-as.
Mozart akk d yemma-s rnan ar Leopold, baba-s n Wolfgang, illan imir nni deg Paris.
Tuγalin-is ar Salzburg deg wseggas n 1779 tessufγ-it-id cwiṭ seg wṭellis n tudert idder deg tmura medden. Itturar kan deg tmezdayin(églises), tuṣunaṭin(sonate), ikunsiṛṭuten(concerto), s wuraren iyella ittidir deg tallit nni. Ur issekfa ra s waya, ittnadi iberdan imaynuten deg wẓawan.



Send ad-tkemmleḍ taγuṛi, sl-as i tukkist a seg wkunsiṛṭu ar upianu wis 23

Iseggasen n tmara.

Deg wseggas n 1781 irra-t umeqṛan n uxxam ageldan n teγṛemt n Salzburg ddaw n tecḍaṭ-is. Iqqim din ar mi bdant tḥila n icenga ines deggren-t ad-iffeγ seg teγṛemt ines ad-iṛuḥ ar Vienna. Ihi deg Vienna, iɛṛeḍ ad-yidir s temsirin n uẓawan ittak wid ibγan ad-lemden. Dinna, deg tmanaγt n tmurt n Uṭric yura « Die Entführung aus dem Serail», « assufeγ seg wexxam ugellid ». Deg wseggas nni ya ijweǧ akk d weltma-s n Aloysia, Constance Weber.

Timuγbent akk d waṭan ḥuzan Mozart akk d tmeṭṭut-is. Deg wseggas n 1791, nnan-as ad-iẓal taẓalit ines tanegarut. Aṭan is izga ittnerni. Tamettant tusa-d tewwi-t ass n 5 Dujembeṛ 1791.
Illa yiwen illa ulac-it, illa wayeḍ ulac-it illa.

Winna