Dda Sliman Azem ilul deg wass n 19 deg wayur n ctembeṛ n usegass 1918 di taddart n Wegwni Geγṛan , din iyesɛedda temẓi-is ger warrac n taddart-is, yeγṛa yid-sen kra isegassen yuγal iḥbes leqṛaya, ur iɛeṭṭel ara iṛuḥ γer Sṭawali, ixdem γer iṛumyen. D ameẓyan yebda lmeḥna n dunnit, iqubel taswiɛt akken tella, imal γer cna, ssya γer da ad-t tafed isemlalay-d lγaci akken ad sen d-yecnu, dγa qaṛen-as aqcic agi zeddigit imeslayen-is mači d lɛib ma tesliḍ-as ger imawlan, dayen isefṛaḥen. Dda Sliman ikcem di tsertit, deg ukabar n "PPA" akk d "MTLD" iḥemmel tamurt-is, isɛa nnif fell-as.
Ibedden-d tayri swayen iwumi yezmer, ixeddem-it di tsertit, mi-d yebbwed usegass n 1937 yufa iman-is izmer i lγeṛba. Icerreg lebḥeṛ di lɛemṛ-is 19 isegassen, iqubel tudert n lγeṛba, ikcem tamurt n Fṛansa, am y izem i wakken ad d-iḥelli amɛic-is, ur yelli-ara seg wigad ittaran afus γef lḥenk-nsen. Di traḍ wis sin n umaḍal, tḥuza-t taluft, ḥebsen-t Walmaniyen kraḍ(3) isegassen. Armi d asegass n 1945, ssufγen-t-id yuγal ixeddem dinna di Fṛansa, iṭṭef lqahwa.
Deg usegass 1956, dda Sliman ur t tezgil ara tyita, iḥus i lbaṭel n uṛumi, issufeγ-d yiwen uḍebsi n tezlitt nni iwumi yeqqaṛ «Ffeγ ay ajṛad tamurt-iw». Dγa nnan-as fell-ak i nettnadi mači d abrid neγ mraw(10) i-t ttawin γer 'lekka' u mači γer rrbeḥ i-t ttawin, axxaṭaṛ akken qqaṛen «Azrem ur yettak ara taqemmuct», ittxeliṣ γef wayen i-d inna, amedya yella-d deg wsegass n 1956 mi-d yessufeγ tizlitt n «Iḍheṛ-d w aggur». Rran-t γer lḥebs di Marseille.
...
(Kseγ-tt-id seg wesmel n www.slimane-azem.com)

Tanemmirt ghef awal-a amectuh i d-tewwim ghef tmeddurt n Dda Sliman