Sγur Amor REKIS

Iluled Crif Xeddam deg ayyur n fuṛaṛ 1927 deg taddart Nat Bumesεud (Σin lḥemmam). Imawlan-is d imrabḍen yernu aγerbaz ibaεd γef wexxam, ihi yuzn-it baba-s γer zawya (tareḥmanit) Nat Bujlil. Lamaεna ur iεaṭl ara deg-s imi yeṭṭef abrid γer Lezzayer tamaneγt ad inadi γef uxeddim, syen yunag ar Fransa deg 1947 am netta am ilmeẓyen di lweqt nni.

Deg Paris yezga ixeddem di luzin maca yeqqar daγen azawan, solfej d ccna. Isbed tarbaεt n ccna deg 1954.Mi d yewwi iman-is, yejmaε iṣurdiyen isufeγ aḍebsi ines amezwaru (seg ljib is) deg 1955 "yelli-s n tmurt-iw laεnaya n temεict-iw". Din din tekcem taγect n uccenay-a deg ulawen n leqbayel. Anfaras Pathé Marconi isla yis. Yuls-as asufeγ n uḍebsi amezwaru yerna wiyaḍ am "yelli-s lfamiliya" akk d "inni d ma tḥemelḍ iyi".

Icna-d Crif Xeddam γef tmurt d tudert n yal ass n Iqbayliyen, γef lγeṛba d tayri amedya Nadya, Ğeṛğiṛa, lemri, a leḥbab, εacen, zzman, Bgayet telha.
Mi d yuγal si Fransa ikcemn γer wexxam n ṛadyu anda yexdem nnig 20 isegwasen. Tella γures nnuba yettwasnen aṭas, "iγenayen uzekka" ansi fγen aṭas icennayen n teqbaylit am Lunis At Mengellat id yecnan zdat-s "ma truḍ " deg usegwas 1967.

Yerna yesufeγ tizlatin niḍen am "lukan id tettuγal temẓi " akk d "tenna-yi yemma" anda itcekkir tilawin. Yura daγen i Nwaṛa yecna yides tizlatin am "nemfaraq ur nxemmem" akk d "ula d nek yewεaṛ ad ttuγ".

Crif Xeddam si ger imezwura id iskecmen lεud d upyano ar ccna n teqbaylit lamaεna bnadem m’ara isel i tezlatin-is ittḥulfu s rruḥ n teqbaylit tedder deg-sent.
Tesufeγ Tassadit Yacine adlis s tefransist ma tebγam ad teγrem γef tmeddurt-is : Cherif Kheddam ou l’amour de l’art, "Crif Xeddam neγ tayri n tẓuṛi" γer tizrigin La Decouverte/Awal Paris deg 1995.


Yiwet seg tezlatin ines :

Aha kker zwi iman-ik

Aha kker zwi iman-ik
Am wakken yebbwi-k naddam
Lxiṛ i d tefka tmurt-ik
Din i k yetṛağu wexxam
Ṛuḥ a gma lli-d allen-ik
A ttwaliḍ ansi εaddan

Tenniḍ ad beddleγ amḍiq
Win teğğiḍ deg wemḍiq-ik
Wi εzizen teğğiḍt di ṭṭiq
Tettuḍ lhedṛa n jeddi-k
Uki-d ma telliḍ d uḥdiq
Qbel ad yekfu weεwin-ik

Ur yenfiε wayen i k yexḍan
Muqel kra γer deffir
Tesεid widak i d yeğğan
Ur d tefruriḍ deg cekkir
Mmekt id rriḥa imawlan
Mebla ma tkerseḍ anyir

Ger tiṭ γer wayen d ğğan
Lateṛ nnsen ḥader a t tnekṛeḍ
Mačči d ayen i yetfakkan
Ahat kecc ur teεlimeḍ
Ur k tsemmiḥen iγerban
S twenza-k syen i d teffγeḍ

( I yeh´law ssut´-ines, ad a&e& ddisk-ines ).

Yessefk tura ad yeldi wemdan allen-is, icennayen-agi n twaghit am Crif Xeddam d wid yettaken anzi &er &ur´-s, h´ala tmenyik i yessnen, i wum ihi
ad s-n-yessali yiwen di ccan?

Ldit allen ay iqbayliyen, tura yewwd´ed lawan i deg ad teffe& tutlayt-nne& seg tekwatin yedli u&ebbar´.

Atas´ n wid negh tid ad iy-ireggmen tura, ccah te&zam-iyi.

A nnger-im a ta&eddiwt