Tizlatin
Amezwaru
Paroles Ameziane Kezzar d'après "Et le Premier C'est un Marin"
Arrangement Hocine Boukella
Amezwaru d aεessekriw
Deg wfus-is yezga lfuci
Ugiγ ad dduγ yides abrid-is ur yettawi
Wis sin d ccaf upaṛti
Deg yiles-is tezga tadukli
Ugiγ ad dduγ yides abrid-is ur yettawi
Wis tlata d axuni
Γef yiles-is yezga Ṛebbi
Ugiγ ad dduγ yides abrid-is ur yettaw
Ma d wis ṛebεa d abeḥri
Deg imi ines yezga usebsi
Aqli-y-in ddiγ yides abrid is yeḍleq yelli
Yerna ixeddem ccnawi
Deg wul-is tezga tayri
Aqli-y-in ddiγ yides abrid ines d tilelli
Taqsit Uberri
Ameziane Kezzar d'après "Jean-Françoué de Nantes"
Arrangement musical Boukella Hocine
Tagi ttaqsiṭ Uberri, wi wi wi
Iteddu am umeṛkanti Uberri
Egr icenfiren-is yezga, wi wi wi
Igirru akken kan yebda, Uberri
Γur-es ugel bbwuraγ, wi wi wi
Yess yettcaεciε d taḍsa, Uberri
M'ara iteddu yettleγwi, wi wi wi
Yettriḥ-ed d abeṛyanti, Uberri
Tagi ttaqsiṭ Uberri, wi wi wi
Asmi i d-yusa si Lpari, Uberri
Yers-ed di Lpuṛ n Bgayet, wi wi wi
Yebbw-id tabalizt meqqret, Uberri
Sdaxel yebbwi-d adrim, wi wi wi
Yerna-d ṛṛubba lleḥrir, Uberri
Yekcem ar yiwet ttberna, wi wi wi
Yekcem ad isew lbirra, Uberri
Yufa tturaren lkaṛṭa, wi wi wi
Dγa iqerreb ad yettekka, Uberri
Ur yekfa ara tabyirt-is, wi wi wi
Ččan-as akw lqqec-is, Uberri
Akken i t-ğğan εeryan, wi wi wi
Dγa ijelleb s aman, Uberri
Lγaci merra tebεen, wi wi wi
Jellben γer daxel bbaman, Uberri
Mačči bac a t-id-kksen, wi wi wi
Tebεen-t akken ad as-d-kksen, Uberri
Ugel-nni ines bbwuraγ, wi wi wi
Winna akken s igeccaεciε, Uberri
Tagi ttaqsiṭ Uberri, wi wi wi
Tagi ttaqsiṭ Uberri, Uberri
A Mmi
Paroles Ameziane Kezzar d'après "Mon P'tit Garçon"
Arrangement musical Hocine Boukella
A mmi, ad ṛuḥeγ ak-ğğeγ,
Neftun a la d-yessawal
Ar Tlasa ad uγaleγ
Ar wegmer yefka-tt lḥal
Refrain :
Ḥader ad tettṛuḍ
Ḥader ad tḥezneḍ
Kker ad tecnuḍ
Kker ad tceḍḥeḍ
A wi iddren asm' a d-uγaleγ
A k-id-afeγ a mmi meqqreḍ
A mmi gliγ s lfuṭuk
Γef idmaren-iw i k-ttawiγ
Deg iḍ uqbel ad gneγ
Γef udem-ik i meddleγ allen-iw
Refrain
A mmi a k-d-ğğeγ yemma-k
Teẓriḍ acḥal i tt-ḥemmleγ
A mmi illi-k s idis-is
D nettat i d lkenz nneγ
Refrain
Azzlemt a Lxalat !
Ameziane Kezzar d’après “Roulez Jeunes Gens”
Arrangement Hocine Boukella
Γer Tegzirt atna leḥqen-ed,
Azzlemt, a lxalat, azzlemt !
Atna leḥqen-d ibeḥriyen,
Bbwin-d tiweffa deg wallen.
Rriγ afrux-iw di lqefs,
Γas akken g igenni iγewwes !
S Aẓeffun atna leḥqen-d,
Azzlemt, a lxalat, azzlemt !
Atna leḥqen-d ibeḥriyen,
Bbwin-d iṭij deg wallen.
Rriγ afrux-iw di lqefs,
Γas akken g igenni iγewwes !
Ar Bgayet, atna leḥqen-ed,
Azzlemt, a lxalat, azzlemt !
Atna leḥqen-d ibeḥriyen,
Bbwin-d tizzegzewt deg wallen.
Rriγ afrux-iw di lqefs,
Γas akken g igenni iγewwes !
Awited un coup
Ameziane Kezzar d’après “Le 31 du mois d’Août”
Arrangement Hocine Boukella
Ḥemmleγ tayri
D waman semmḍen
Ḥemmleγ ajeğğig n tefsut
Ḥemmleγ lemwansa n tmeṭṭut...
Mmiṛd i win iṛuḥen
Γer lgirra yegla s tefruyt !
Refrain :
Awit-ed un coup
Awit-ed sin
Di lxateṛ bbwid yemḥemmalen
Di lxateṛ bbwid yessefruyen
Mmiṛd i wid iṛuḥen…
Γer lgirra akken ad nγen !
Ḥemmleγ ccna
Akw d usefru
Ḥemmleγ izlan nni n lḥaṛa
Ḥemmleγ ccnawi nni n lexla
Mmiṛd i win iṛuḥen…
Γer lgirra ad ineγ lehna !
Refrain
Ḥemmleγ talwit
Ḥemmleγ tili
Ḥemmleγ ad gneγ ar azal
Ḥemmleγ ad arguγ lmuḥal
Mmiṛd i win iṛuḥen…
Γer lgirra, awer ad-yuγal !
Refrain
Awit-ed un coup
Awit-ed sin
Di lxateṛ bbwid yemḥemmalen
Di lxateṛ bbwid yessefruyen
Mmiṛd i wid iṛuḥen…
Γer lgirra akken ad mmten!
Leḥbas n Tizi
Ameziane Kezzar d’après “Les Prisons de Nantes”
Arrangement Hocine Boukella
Yella yiwen umeḥbus,
Demmer da, demmer dareg, dareg, du didan,
Yella yiwen umeḥbus,
Di leḥbas n Tizi
Di leḥbas n Tizi
Yelli-s uεessas
Demmer da, demmer dareg, dareg, du didan,
Yelli-s uεessas,
Tettas-ed ad t-twali
Tettas-ed ad t-twali
Tettawi-yas-d dexxan,
Demmer da, demmer dareg, dareg, du didan,
Tettawi-yas-d dexxan,
Tissit akw d wučči
Tissit akw d wučči
Tettawi-yas-d lqecc,
Demmer da, demmer dareg, dareg, du didan,
Tettawi-yas-d lqecc,
Usu akw d tduli
Usu akw d tduli
Yiwen wass yenna-yas
Demmer da, demmer dareg, dareg, du didan,
Yiwen wass yenna-yas :
“D acu i heddṛen fell-i ?
D acu i heddṛen fell-i ?”
Tenna-yas : “azekka”,
Demmer da, demmer dareg, dareg, du didan,
Tenna-yas : “ azekka,
Lfinga ad ak-tawi
Lfinga ad ak-tawi”
Yenna-yas : “imi akka”,
Demmer da, demmer dareg, dareg, du didan,
Yenna-yas : “imi akka,
Kkes-in cckal-agi
Kkes-in cckal-agi”
Yelli-s uεessas,
Demmer da, demmer dareg, dareg, du didan,
Yelli-s uεessas,
Tgezm-as tiyersi
Tgezm-as tiyersi
Ameḥbus yeṭṭef abrid,
Demmer da, demmer dareg, dareg, du didan,
Ameḥbus yeṭṭef abrid,
Abrid n lexlawi
Abrid n lexlawi
Ameḥbus yeṭṭef abrid,
Demmer da, demmer dareg, dareg, du didan,
Ameḥbus yeṭṭef abrid,
Iteddu yettγenni
Iteddu yettγenni :
“Ma yella γezzif laεmeṛ
Demmer da, demmer dareg, dareg, du didan,
Ma yella γezzif laεmeṛ
A d-zziγ ar Tizi
A d-zziγ ar Tizi”
“Yelli-s uεessas,
Demmer da, demmer dareg, dareg, du didan,
Yelli-s uεessas,
Ad tt-awiγ yid-i
Ad tt-awiγ yid-i”
Tabutayt n Ṛṛum
Ameziane Kezzar d’après “Quinze Marins”
Arrangement Hocine Boukella
Refrain :
Ahaw ay ibeḥriyen,
Hup la hu
Tabutayt n ṛṛum.
Awit-ed a tt-nesčenčen,
Hup la hu
S tbutayt n ṛṛum.
Ahaw ay ibeḥriyen,
A la d-iteddu wagu
Sserbit-ed ad nsew,
Tebrum-as i wγerrabu.
Refrain
Smirt-aγ-id ad nsew,
S ṛṛum a nqabel aḍu.
Ad ncerreg lemwaji,
Yeččan acḥal d amatlu.
Refrain
Ahaw jebdet imurar,
Tdehnem tuγac nnwen,
Cnut-aγ-d izlan nni,
Yettaken afud i iγallen.
Refrain
Awit-aγ-d izlan nni,
Wid yesrusuyen lebḥeṛ,
Wid yezzuzunen awqas,
Wid yessufuγen γar lber.
Refrain
Lmuziga
Ameziane Kezzar d’après “Avec Mon Harmonica”
Arrangement Hocine Boukella
Deg usakuc umaṭlu
Ulac d acu ur tettafeḍ ara
Tiqraεtin n lwiski,
Ṛṛum, ccrab d lbirra...
Asebsi n dexxan
D ssaεa ur nleḥ ara
Akw d lmuzigga
I d-uγeγ di Malaga.
Refrain :
Suḍ, suḍ, ay aḍu,
I lbabuṛ ad ilawec !
Suḍ, suḍ, a lmuziga,
Lberr ur t-nettayes !
Anda ddiγ tedda yid-i
Ulac izli ur tessin ara.
Izlan nni ibeḥriyen,
I d-nettawi di tmura.
Yiss-en i ngezzem aman,
Si nettmagar tiweffa,
D nutenti i γ-d-ismektayen
Anisi akken i d-nekka.
Refrain
Win i gxedmen taγwect-agi,
Isem-is Ḥend Bu Isefra,
Yezdeγ tamdint Uẓeffun,
Yezga γer Dda Bujemεa.
Ur yezmir ara a wen iεreq,
D-ttiγwmeṛt n ttberna,
Xellest-as un coup,
Iḥemmel aṭas lbirra !
Refrain
Iflisen
Ameziane Kezzar d’après “Comment Qu’on Devient Forban”
Arrangement Hocine Boukella
Aqlaγ-in di lebḥuṛ,
Iqerra nneγ nzan;
Deg wasmi i nnufeq,
Ur d-nezzi s axxam.
D nekwni ay d Iflisen,
Nesqittiε deg waman,
Ur nezgil lbabur,
Ḥaca w ur d-nεeddan !
Agellid iserreḥ-ed
Fell-aγ iḍan nni,
Ṣṣbaḥ meddi ttnadin
A γ-zzin tiyersi...
Ma γilen-as ad aγ-ṭṭfen,
Ay atma, atan ihi,
Iban ur γ-ssinen,
Ur ẓrin anwi wi !
Refrain :
Ay ibeḥriyen,
Iqerra nneγ nzan !
Ay ibeḥriyen,
Innit-aγ-d acḥal fkan ?
Isem nneγ, ay mechuṛ,
Yezzi-d akw i tuddar.
Imedyazen icennun,
Ssawalen-aγ : At Waεbaṛ.
D nekwni i d Iflisen,
W’ izmern-aγ-d-ixameṛ ?
Win yebγan a γ-yeṭṭef,
Aql-aγ neṭṭef lebḥaṛ !
Refrain
A wid ur γ-issinen,
Nekwni ur nettqil ara.
S kra bbwin γ-id-yebbwden,
Ččant-ett tweffa.
Innit-asen nḥezzem,
Ur nettwexxir ara.
Win yebγan a γ-yeṭṭef,
Aql-aγ-in di tlasa !
Refrain
Ay ibeḥriyen,
Iqerra nneγ nzan !
Ay ibeḥriyen,
Innit-aγ-d acḥal swan ?
Anegmar n Iselman
Ameziane Kezzar d’après “Nous Irons Naviguer”
Arrangement Hocine Boukella
Ddunnit-iw d lebḥuṛ,
Ur nettwaqdaε ara.
Dunnit-iw d lbabuṛ
Ur nesteεfay ara.
Im’ ara ffγeγ di Lpuṛ
M’ a yi-d-temmager nnsema,
S ubeḥri tettaččaṛ
Idmaren-iw d nnefxa.
Refrain :
Ama d ass ama d iḍ
D iṭij neγ d asemmiḍ,
Γas ad γaben yetran,
Ur yi-εaṛṛeq webrid,
La la la la la la,
Ur iy-εaṛṛeq webrid !
Ur iy-εaṛṛeq webrid !
Ur d-lhiγ d umerreḥ,
D anegmar n iselman,
Ur ḍmiεeγ lerbaḥ,
Ur ḍmiεeγ imelyan...
Ḥemmleγ tameṭṭut-iw,
D tezzegzewt bbwaman,
D wiggi-nni i d lğennet-iw,
Ğğiγ-awen tinna n lexwan !
Refrain
Kul m’ ara yi-d-tehdef
Tzefzaft bbwaḍu,
Kennuγ-as tettanef,
Tettmettat deg wezṛu.
Im’ ara d-yelḥu lḥal,
Tignewt m’ ara d-teṣfu,
Aṭas i s-yeqqaren :
“A ssaεdi-s yeṛwa zzhu !”
Refrain
Xeddmeγ ur gganeγ,
Ttεassaγ tasennaṛt-iw,
Si d-ttawiγ iselman,
Deg i d-ttawiγ amεic-iw...
Mi d-jebdeγ i ylaqen,
A d-zziγ s axxam-iw,
Anda akken i-tettṛaju,
Tamaεzuzt bbwul-iw !
Refrain
Ncennu
Ameziane Kezzar d’après “Chantons Pour Passer le Temps”
Arrangement Hocine Boukella
Refrain :
Ncennu a nesεeddi lweqt
A nekkes γef wul urfan akw d lxiq
Ncennu a nesεeddi lweqt
A nekkes γef wul leḥzen akw d ṭṭiq...
Yeγli-d ṭṭlam, tγab tziri,
Γaben yetran, iεerq-aγ lewhi...
Jebd ay amaṭlu, jbed imurar,
Attaya lmuja, annect bbwedrar !
Refrain
Abrid iḍul, igenni iεemr-ed,
Agu yeγli-d, lebḥer iḥecr-ed
Jebd ay amaṭlu, jbed imurar,
Attaya lmuja, am wegmer i tjexxwer
Refrain
Yekker-ed waḍu, yebda yettsuḍu,
Yebbwi-d lehwa, tekkat d abandu...
Jebd ay amaṭlu, jbed imurar,
Attaya lmuja, am yizem i t-zehher !
Refrain
Ttberna
Ameziane Kezzar d’après “Régates à Saint-Malo”
Arrangement Hocine Boukella
Refrain :
Tameddit agi,
A nṛuḥ ar ttberna,
A nessew lwiski,
A nessew lbirra.
A necḍaḥ a nγenni,
A neg tameγra,
Σacṛa deg wallen-ik,
A w ur nebγ ara !
Acḥal ayagi,
D waman nedda,
Ur neğği rrif,
Ur neğği lmerṣa.
Nettṣeggid lḥut,
S weldun d ccebka,
Nebbwi-d aqeṛniḍ
Akw d sselbaḥa.
Tafsut, anebdu,
Lexrif bu tirga,
Nedda d waḍu,
Nedda d lmuja.
Ass-aggi nkecm-ed,
Γer lberr i d-nerza,
S axxam nrezf-ed,
A nesεeddi ccetwa.
Refrain
Iḍ-agi a nezhu,
A neskeṛ meṛṛa,
A newwet s ugwarz,
Alama yaḥfa.
Acḥal ayagi,
Nxaq, ay atma,
Kkert a necnut,
Ccna nni lγawya.
Awit-ed agerbuz,
Awit-ed ssnitra,
Smirt-ed lwiski,
Smirt-ed lbirra.
Iḍ-agi ad tt-nerwi,
Alamma d tafrara,
Ccah a neṭṭes,
Seddaw ṭṭabla !
Refrain