Ikker umedyaz yettaru
Iwwi-d asefru
Issegem it-id, yenna yas :
Yekfa laman di lγaci
Yiwen ur d-yegri
Xarttum ad yefhem wayeḍ
Win testeqsaḍ ak yenni
Limer am nekki
Igan laεbad ad tfarḥeḍ
Mazal nettnadi ur nufi
A lεebd aṣehḥi
Mell-aγ-d anida tefreḍ

Ekkren-d akw wid is islan
Qesden-t s urfan, nnan as :
Beddel asefru
Ikker umedyaz yettaru
Iεawed asefru isegem-it-id yenna yas :
Neḥsel sani ar a-nuγal
Tiwwura d uzal
Tin yellin medlent snat
Nerwel-ed seg yir lḥal
Wisen ma nuklal
Si yal d laεğeb nwala-t
Teγli si lmizan wawal
Yeṛza yaγ cwal
Nenteḍ abbuh a lxalat !

Ekkren-d akw wid is islan
Qesden-t s urfan nnan as :
Beddel asefru
Ikker umedyaz yettaru
Iεawed asefru isegem-it-id yenna yas :
Ur tban ma d lfetna
Ur tban lehna
Win ittewten win i (g) ikkaten
Ma tili tγab lefhama
Wa ur yeεqil wa
D draε ar a d-isuqen
D lemkwaḥel s-ya u s-ya
Nekwni di ttnaṣfa
S ifasen nneγ d ilmawen

Ekkren-d akw wid is islan
Qesden-t s urfan, nnan as :
Beddel asefru
Ikker umedyaz yettaru
Iεawed asefru iseggem-it-id yenna yas :
Nekkat deg wid iγ iḥekmen
S tidett nwezden
Nuklal imḍebren nesεa
D nukni i-sen-iεemden
Akken ad-srewten
Nessasay-ed tiyita
Ccah !
D nekni I iḍelmen
Win i (d)aγ iwten
Yelha uεekwaz is nefka


Ekkren-d akw wid is islan
Qesden-t s urfan nnan as :
Beddel asefru
Ikker umedyaz mi i yerfa
S kra id-yessefra
Iḍegger-it
Maḍi iεawed as
I wakken as ğen lehna
S kra id-yessefra
Ibeddel-it-id yenna yas :

Segmen aγ wussan
Lγaci akw lhan
Win iγ isebzagen a-ken-iṛuc
Ijeğigen fsan
Lγaci akw zhan
Seḥmu-d ṭbel a Σliluc

Laman di lγaci
Yella, si zik neqqar-it
Lεebd ur nelhi
Ur yesεi amkan di ddunit
Ay ! iṣeggem kulci
Seḥmu-d ṭbel sneṭqi-t

Segmen aγ wussan
Lγaci akw lhan
Win i-γ-isebzagen a-ken-iṛuc
Ijeğigen fsan
Lγaci akw zhan
Seḥmu-d ṭbel a Σliluc

Nbed ur nmal
Neγleb laεğeb ma nwala-t
Tiwwura n wuzal
Tin imedlen a-d-nelli snat
D arbaḥ i nuklal
Laεbemt-ett-id a lxalat

Segmen aγ wussan
Lγaci akw lhan
Win iγ isebzagen a-ken-iṛuc
Ijeğigen fsan
Lγaci akw zhan
Seḥmu-d ṭbel a Σliluc

Wa ur ikkat wa
Di tmurt nneγ d atmaten
Ṣegmet a reḥba
Nekni a-nezhu gar awen
Lbarud lehna εemret-aγ-d ibeckiḍen

Segmen aγ wussan
Lγaci akw lhan
Win iγ isebzagen a-ken-iṛuc
Ijeğigen fsan
Lγaci akw zhan
Seḥmu-d ṭbel a Σliluc

A wid i-γ-iḥekmen
Eyyaw ad-tezhum yid neγ
Bezzaf iεettben
Ar a-xedmen fell aneγ
Ass-agi ad-ferḥen
Ad-tt-id laεben gar aneγ

Segmen aγ wussan
Lγaci akw lhan
Win iγ isebzagen a-ken-iṛuc
Ijeğigen fsan
Lγaci akw zhan
Seḥmu-d ṭbel a Σliluc


(Igr-itt-id ar da Mack A.)