AWEN-INIΓ
Awen-iniγ a medden
Meyzet ma yi-d-fehmen
Ayen i wen-qqareγ yewzen
Wehmeγ amek i yi-d-usan imeslayen
Mačči d nek i ten-ixedmen
Amzun daxel uqerruy-iw
Selleγ i win i yi-d-yettweṣṣin
Yeqqar-iyi-d inni-asen
Qqareγ-awen-id
Ad d-awḍen iseggasen yelhan
Ur qeṭṭεet ara asirem
Ad d-kkren yergazen yeṣfan
Ad d-agmen deg laman
Ddunit-agi ad as-εiwden
Am lğennet ara tt-εicen
Ad thennin yemdanen
Tawant deg wulawen
Lgirra ineqqen ad tt-kksen
Ur ttḥebbiren i imenγiyen
Ur ttemmaten yelmeẓyen
D imeγduren
Ḥareγ melmi a wi ḥedren
Ur tteğlent ara tlawin tilmeẓyin
Ur ttgujulen igerdan
Ur d-ttilin isefkan
Lεeslama a wigi
Ay at leḥnana
Ay at lehna
A wi yeẓran ass-nni
Medden akk ad myeεqalen
Gar-asen ad msamaḥen
Imeslayen izidanen
Γer Yillu ad steγfiren Ddin yiwen
Ur yettili yir aṭṭan
Xas ma llan widak yuḍnen
D abeḥri ara ten-yewten
Leεcur a tent-fken
Sebεa wussan ḥlan
Xtir-d amur-ik yiwen
Ruḥ lli akk iberdan
Isfergan i s-yellan
Xas akken bezzaf a ten-qelεen
Leḥbus akk a ten-fetḥen
Ur yelli win ara ḥebsen
Ur yelli win ara carεen
Ad faken yemcumen
Ur ttilin igellilen
D lxir ad ččaren wulawen
Win yeγlin gar-asen
Ad t-refden ttemεawanen
Ccetwa ad d-taweḍ di lawan
Tiziri tusem
Γef lqaεa yettiniten
Mi tḥemmel iṭij yessaḥmayen
Iγerfan ad mqadaren
Win i wumi txuṣ tlelli ad s-tt-ffken
A s-bnun wa ad t-ssiwḍen
Deg umezruy d ayen akk yelhan
Ad t-slemden
Ttxil-k a Yillu εzizen
D keč kan i izemren
Tezriḍ andan yergazen
Ad nεic tamεict n lisser
Win ara tt-id-iqeεden
S tidi d wallaγ-nnsen
Atna wulawen xaqen ttrebruben
A widak i γ-d-isellen
Ur s-qqaret yettargu Ḥsen
D aḍu yesεuggunen iyi-d-yewwten
Ẓriγ aṭas i yellan am nek i ttxemmimen
Ddunit-a yettdewwiṛen d m yesraren
Tesεa nnuba yessefraḥen
Lεeslama a wigi
AḤBIB N TMURT
Beddeγ di tizi ssawleγ
Γer wedrar n Ukeffadu
Yerra-yi-d awal s lγecc
D ṣṣura-w tekmec
Fell-as i bdiγ asefru
Yeggul γef lhem ad t-yekkes
Yezmer ma yebges
Γef laṣel-is a t-id yeḥyu
A d-iniḍ ṣṣaḥ
D wayen yeḍran
Yewweḍ-d d ilemẓi
Ur yesεi imawlan
Taḥerzett n wecmux
I d-yura ccix amecṭuḥ
Argaz ihedren ṣṣaḥ
Leḥq-is ad as iruḥ
Attan tusa-d sebba
Yettxelliṣ lbezra
Mi tebda taddart tirni
Tiγimit-is deg ttberna
D ccrab d lkarṭa nettat d lqebṭan tuli
Γef Ureẓqi mi ijjaḥ yekfa
Yewwa-d γef yezga
Ad d-yini ayen ur yeẓri
Kul amkan yekker imenγi
Ad ifellaq igenni
Yeqqur leḥcic γef waman
Serγen aqcic d ilemẓi
Yemma-s tettwali
teggul ur d-tenni ayen yeḍran
Σmiruc din yennuγni
D aḥbib n lfuci
Yesru-yaγ akk wid yeḍsan
Tafejrit mazal ṭṭlam
Tufγa seg wexxam
Sfehmet-aγ-d a wid yeẓran
Newwi abrid n Buḥun
Neğğa agrud deg wexxam
A Ṛebbi d kečč i izemren
Tamurt n zzan d iniγman
Lejdud din reṣṣan
Fell-as εemmdeγ ayen yellan
(02)-ANEF I MMI-M AD YEṭṭES ( asizreg1)
M i truḥ tegnitt a d-tedher
Gma a tt-yessexser
Neqqim kan deg ineggura
Yettru win ur neggin
Meskin yettweγdeṛ
Yedda deg leḥsab wer nefri
Ma d lεebd aγeddar
Ad yeqqim d lεaṛ
Ad yerγ ur yettaki ara
Anef I mmi-m ad yeṭṭes
Ar d-yali wass
Sshul sshul teṛnuḍ
D uleqrar ad yali wass
Mačči d kečč mačči d nekki
Inna-s d lmektub yuran
Aṭas i tḥuza twiγi
Qqaren-as d ddunit i γ-yewten
Lhu-d d yiman-ik a k-iniγ
Qqimen akk wid ibedden
Ur ḥeffeḍ ayen i d-qqaren
Ulac tamusni deg iγimi
Abrid newwi yezzi d asaru
Acḥal i-γ-d-yennan neγra
Uγalen-a-γ-d d acengu
Σli ur yettağew γef Σli
Gar-asen ttemqaraεen
Yeqqim-d umeγbun yenḥaf
Yettgalla γef wid i d-t yewwten
Asmi is-wwin tirezzaf
Yerra-ten-id d iḥbiben
Wid yewwet laẓ s aεebbuḍ
Ur ten-ttamen
Mi yerwa ad k-yexdeε imir
Neγ εad ma iwala idrimen
Di ddunit tḥudd-eḍ tilas
Xas fkk-as lehna i lεeεmer-ik
Ma ur tufiḍ ara ik-id-iṣaḥen
I d-ak yeğğan d atmaten-ik
Ur k-yettzid ur k- yessenqas
Ma ad as-tafeḍ abrid i ṛṛay-ik
Mi i twalaḍ d ayen teεreq-as
Tettcektiḍ s imḥekkmen-is
Ttwaḥqreγ cetkeγ-asen
Win iyi-d-iqublen
Iggad-nni umi ur rriγ
Ufiγ-ten tekka-d seg-sen
(03)-ANEF I MMI-M AD YEṬṬES (asizreg 2)
Anef i mmi-m ad yeṭṭes Ar d-yali wass Sshul sshul ternuḍ
D ulaqrar ad yali wass
Aql-aγ nettraju neṭṭes
Amer ahat abεad
Ahat fell-aγ ad yessali ass
Jamais wa d lmuḥal
Ur nqeṭṭeε ara layas
A nettεeggiḍ s ijuγaγ-nneγ
Am ijuγaγ
Yettarra-yaγ-d ṛṛsas
Kamam nessaram kull ass
Yiwwas yuγal d aseggas
Lqern yettabaε gma-s
Melmi ara teεqel yemma-s
Yerqa-yaγ Rebbi aεekkaz
Ilaq ad as-nernu aseḥlelli
A tarwa lbaz
Beddet ad twalim
Ruḥet ad d-tawim
Qimet ulac
Wid yeṭṭsen wellah ma ččan-tt
Ad ruḥen ad megren bibras
Ad ḥemdeγ ḥacamma ma s txidas
Maεna d acu ara yeḍrun
Wid yebnan s leḥram lsas
Yiwwas ad d-yeγli fell-as
Ay ameγnas
Mačči d keč mačči d nekki
Inni-as d lmektub yuran
Aṭas i tḥuza twaγit
Qqaren d ddunnit i γ-yewten
Aql-ak ur teẓriḍ ara a Takfarinas
Yella wayen i deg i nuki
Nxeddem les projets
Neddivlopi
Nessivilisi Ay ammer ad teẓreḍ la kabylie
Seg wasmi tella la sikuriti
Wa tuγal akk d les cabarets
Dγa tilawin n lεali
N Lezzayer irkelli
A tent ad akk dinna wali
Aḥeq wid i γ-irennun taduli
Ma d lḥağa-yagi n les investissements
Kul tiγmert ad tafeḍ lbar
Ča marche d axeṣṣar
Smir kan allaγ yerwi
Il faut pas ad d-naki
Yella yiwen we projets
Waqila abarağ-nni Lwad Σisi
D lbirra ara d-yebrunci
Aγ-yeḍmen ssikra jours et nuits
Les problemes-nneγ akk ad frunt d tirni
Σli ur yettağew γef Σli
Gar-asen ttemqaraεen
Yeqqim-d umeγbun yeγli
S usirem i t-ttεaεwanen
Yettru-d uεebbuḍ yenḥaf
Yettgalla γef wid i t-yewten
Asmi i s-wwin tirezzaf
Yerra-ten-id d iḥbiben
Les problemes-nneγ
Nγan-aneγ
Dγa surtu Tamaziγt-nni
Tellement nḥemmel-itt
Nεuzz-itt
A wi ik-yewwin ad twaliḍ
Amek i nurganizi
Agdud akk d tirni
Wid akk yesεan aṣurdi
D asmiri
Wid akk yesεan tamusni
Ẓẓmen-d akk allaγ-nni
Messakit wid ur nesεi
Fkan-d iγil d ayen-nni
Wid akk yesεan dderya
Ur stehzan deg uweṣṣi
A tarwa nadit lεilm
A lukan di tmurt n Ṣṣin
Ula d Ṛebbi a ken-id-iεin
Γurwat tamaziγt-nni
D tin i d lsas
Tlata alaf n llakulat privés
Segmi i neḥreq γef tmaziγt-nni
ččuren almi
Ulac ula d amkan s ibeddi
Wali
Wali agdud ixedmen
Wali
Ma ur d-teddi ad yesseγes tilelli
(01)- AMEḤBUS²
Yeṭṭes yeγder-it ttkal
Yexneq-it wawal
Win i t-yeẓran yini-as aḥlil
Greγ-d irebbi i imeṭṭi
Γef gma iγaḍ-iyi
Zzman Ḥḥudden-as tilas
Crεen-t-id lberrani
S ẓẓur ay cehden fell-as
Ay iggad ur nettqili
Yeskadben, diri
Tamurt-a a tt-rehnen d ayla
Ur ttlumu deg yiman-ik
Ma ur teẓriḍ tidi-k
Ay ameḥbus ger leṣwar
D idamen-ik ay d lhem-ik
Deg-i meḍlen sser-ik
Ur k-znuzun leεwayer
Akka i tḍureḍ d iman-ik
Tγebba tegmatt later-ik
Fell-as acemma ur iṣar
Ay agu iγumen igenni
D nekni ay d nekni
Ur nelli d wid iḥejben
Eğğ iṭij ad yeflali
Γef medden irkelli
A nesfeḍ tidi i teččam
Akerfa s waḍu ad yeγli
Win yebγa a t-yawi
Ad ifriren yergazen