Tilelli n wawal akk d tlelli n tedmi mači d-aḍu kan ad-ittṣuḍ yiwen war ma yefka-yas azal tuklal. Akken ẓeṛṛeγ nek, ulac dacu yellan nnig-s. Tilelli ya ikks-itt-id wemdan seg wmezruy n talsa. Aṭas seg wayen iḥud wemdan zik s ujenwi, ar deqal iban-d d-tikerkas. Aṭas seg wayen iẓẓeṛ wemdan zik d-tikerkas iban-d ar deqal d-tidett. Ihi γef aya issefk ad-ttwaksent tekmamin γef imawen n imdanen akken ma llan, akken tebγu tili tmeẓṛiwt nsen, akken tebγu tili tmuγli nsen, akken tebγu tili tedmi nsen.

Ussan-a kra idabuten(pouvoirs) n tmura tinselmin sseknen-d rrfu nsen γef inaγmasen idanwaten(danois) imi yiwen unaẓuṛ issuneγ(idisini) yiwen ufγul(takarikaturt) anda d iskan Muḥemed am akken d lbumba ad-ibɛezqen. Aya i wakken ad-d-isken dakken wid isbeɛziqen imanen nsen gar imdanen ur iblin ur idniben xeddmen aya s isem n tneslemt akk d isem n Muḥemed.

Diγen, ayen issewhamen, amek ur ẓṛin ara imeqṛanen n tmura tinselmin agi issekren ahṛuḥu ya belli s rrefu nsen d-adellel(publicité) igan i wnaẓuṛ a “adanwa”.

Lqeddafi nni iqqaṛen akken netta d-amaziγ, ijebd-ed ikkunṣulen ines seg Denmark. Pakistan d Tgelda n Seɛuddi diγen ttṛajun seg tmurt n Denmark ya a-sen-d-ssuter smeḥ.

Nek greγ-d takarikaturt(afγul) a deg wesmel(site) a i lmend n uḥaddi γef tlelli n tẓuṛi(art) akken tebγu tili.