Wayi d asefru yura-t Σmeṛ Mezdad di talit nni akken n tibehbit, talit nni ideg ula d tameslayt ma temeslayeḍ-d s Tmaziγt bnu γef yiman-ik, u win i d-yuddren idles amaziγ ad ittusemma mgal tagrawla i yella, tagrawla i nessew s idammen nneγ tuγal nsen, rran-tt d aεekkaz ger ifasen nsen kkaten yes-s arraw n imeγrasen (agdud), " yekrez wezger, tixxeṛ i weγyul ad yečč " , adabu yugi Yugurten, m yal tikkelt γef ara yewwet ad iffeγ seg uderbuz i γer i tedeggṛen imnekcamen imezwura, nutni a t-kerfen u t-slaẓen ugar acku zṛan ula d nutni d imnekcamen, ihi ur t-ttağğan ara ad ibded γef ifadden-is, ẓran m uli dayen i d nutni, dayen i d a sen-d-tewwi !

Yennayer ayi id i teddun diγen, Yugurten ad isṭaser, ad ittewwet, ad isuγ wissen ma a-s-nerr awal !!?

Amenzu di yennayer

γer medden d urar

Zzizzilen yakk idammen

Deg iḍ imensi yekfa

Aεeẓar isefra

Ar d nuddmen yemγaren

Yennayer fell-i berrik

Ur d-cfin at zik

Ass-en i ṭṭfen Yugurten

Γawlen s amerdax deggṛen-t

S wemrar urzen-t

Ula d akkeni uggaden

Yeqqim agris asemmiḍ

Tagella ur tt-yaεriḍ

Ssa wuḍan i t-ṭṭfen

Γas akken aksum yeγli

Tazmert –is ur temlelli

I wegdud mi t-skanen

Aseγwen deg wemgerḍ-is

Armi iffeẓ iles-is

I yumnen yemmut dayen

Mi d-idewwel yennayer

Γer medden d urar

Γuri d anza i d-ittasen

Wissen ma ggten am nekni

Wid i jebden tikli

Γer taεwint iseggasen

05 di Nunamber 1975 Ittwakse-d seg adlis Tafunast Igujilen, isefra sγur Σ . Mezdad

jamal saadi

Azul fell-awen,
Adlis n Sallust γef umennuγ n Yugarten dagi :
http://fr.wikisource.org/wiki/Guerre_de_Jugurtha