« Amdan i yesnulfuyen, yessefk a s-ğğen tiregwa n tlelli i wakken ad yessiweḍ ar yiswi wuγer qnent tektiwin-is. Ma yella yidles yedder , m’ ara nekcem alma d ifidi n temsal , yeţţuγal d ameslellay(libérateur) ». Dda Lmulud n at-Maεmer.

^**Azwel i yellan d asawen, sutreγ-t-id seg yiwen n twinnest i yura umyaru J.-Muhub Âemruc ass m’ akken i yella d aneγmas deg umaṭṭaf n leqbayel di tallit n ṭṭrad.
Yenna deg wawal-is akka : « (…) m’ ara ţruγ, ţruγ s teqbaylit ».
Limer di tallit aki nneγ i d-yusa, tili aql-in nniγ-as kra n imeslayen i J.-Muhub acku, ma yella d imeṭṭi kan iγ-d-iṣaḥen s tmeslayt nneγ, a nruḥ kan ad nagg°em si tala a nesselxas allen nneγ yal ass…xerṣum ur n-seεtab ara iman-neγ s umeslay…Wama ! ass-a nessaweḍ ar wannar anda nezmer a nmeslay af kra yellan s taki nneγ. Nezmer a naru γef wayen iγ-yehwan s tutlayt nneγ mebla ma « nxemmem » s tefrensist !

Acu yellan ass-a?
Mektaγ-d yiwen akken n weḍris i yeţwarun weγmis iẓuran, imeskaren fkan-n ayen ţxemimen af wid ur iserkeden ara tameslayt-nsen. Af wid-nni tuγ tfenṭazit qqaren : « imu i s-nesra i teqbaylit skud tella tafrensist ? ».
Mack yiwi-yaγ-d daγen yiwen n weḍris igerrez…yuγ-ed deg-s awal af yimal n teqbaylit d wamek almi i tessaweḍ tutlayt nneγ almi reg°len fell-as wat-is.
Ass-s, seg tama-w, refdeγ imru-yiw daγen ad meslayeγ af wannect-a acku ţḥulfuγ am yawk atmaten imazγawalen/iqbaylawalen belli imawlan n teqbaylit, ur s-d-gin ccan. Ur ţ-id-εnin ara s lewhi akken a ţ-teflali am tutlayin nniḍen. Neţţat tţeḥnunuḍ-d ar γur-neγ nekkni nreg°el fell-as.
Ayen awk kkiγ di Internet, ayen γriγ deg yedlisen, iγmisen, semdeγ taγuri n wayen uran yezwawen (s tefrensist) ama dayen uran wiyaḍ af tutlayt(mačči taQbaylit kan). Siweḍeγ ţţexmam almi gziγ kra n wayen i d-qeṣden deg imeslayen nsen. Kra yella kra yerna. Yella win yeẓran maca ur d-yecliε, yella wayeḍ ur yeẓri ur inuda ad iẓer. Anwa a nlum ass-a ?
- Llan wid yeqqaren belli taQbaylit ur tennefli ara aṭas, ktalen, εiwden ufan belli tif xir amdan a s-yernu kan s tefrensist neγ s teglizit.Yak qaren tutlayin n tussna d wesfelsef atentan γer yuṛṛufiyen. Arnu akken teẓram, izwawen nneγ ayen i ten-yewten yewwt-iten γef tsertit, dγa a ten-ţ-afeḍ gran tijemmuε s-ya s-yahin, isurag i yeţwagen deg yexxamen n yedles …maca awal s tefrensist kan. « Ur nessin ara amek i s-qqaren i « lparti » s teQbaylit aki nwen, dγa « député » ruḥ af-it-id keččini isem-is s teQbaylit… i wacu a nḍegger ukud nneγ deg unadi n inumak ?
Tuγal amzun d cciεa akken yeqqar yiwen akken ; win yessawḍen deg-sen a ten-ţ-id-yeqqren awk s tefrensist, d win dγa ad yekken d uḥric γur-sen. Tekcem deg wansayen nneγ. « Iban-awen-d ass-a di lparti belli la stratégie principale c’est d'arriver a n’mobilizer le maximum n lγaci… ». I teQbaylit-nni ihi ? amek a yatma ?? Ar d-nuγal ik-qqaren. Ass ma a s-nεiwed aḥiwec…seg uẓar. Ma tegg°ra-d ger ifassen nsen wi’ a ţ-eğğel wer yemmut wergaz-is.

- Llan wiyaḍ, wiki ulac awk, ur ẓrin ara awk tira s teQbaylit. Ar γur-sen d ayen yellan d amaynut. Llan wungalen id-yefγen s teQbaylit !!?? Ur qqar awal-a ! Seg melmi, anwi-ten wi ? S wacu i ten-n-uran ? aḥlil !

Ar waṭas n yemdanen, taQbaylit d tameslayt n uẓawali kan, win ur nessin ara ad imeslay af tsertit, af yedles neγ af tussna. Tamuγli-ya ar ass-a mazal-iţ, neqqar-iţ deg isebtar(pages) Internet…almi, lukan mačči d wid iγ-yezwaren, limer ulac tudrin anda yawk medden s yiwet kan i sawalen tili taqbaylit yečča-ţ Bubbil.
Aṭas i s-yebran i ṭṭbel deg waman. Ur ẓrin amihi i yeggunin tutlayt nneγ ma nkemmel-as akka deg iseggasen i d-iteddun.
Tameẓla(la logique) tban : ass m’ ara awḍen-n medden ur seqdacen ara tutlayt nnsen, ar uẓekka i t-ţeddu. Mačči dayen yeffren af medden waya. Neẓra u a s-neţεemmid !
A yagdud aQbayli, tutlayt-ik teṭṭafar deg-k, kečč treg°leḍ fell-as.
Ass-a ma yella nbed-d a nxemmem anda tessaweḍ tutlayt nneγ ,acu ar’ a naf ? Nessiweḍ ar yeswi ? mazal. Ger wayen akk yeţwagen d wayen i mazal, ixus’ ugar n wezgen i wakken ad yeččar uyeddid.
Aṭas n yemyura i yeggaren leqdic af tutlayt taqbaylit : llan yemyura i yuran ungalen ifazen, llan wid i d-yiwen immad n isefra dayen kan, wiyaḍ squcḍen s-ya u s-ya skflent igarujen n zik, igarujen n isefra i nnan imenza, llan wid i iqedcen gran imawalen n tutlayt, n tusnakt, n tussengama…atg, llan ineγmasen i yuran iγmisen s teqbaylit, llan imessnilsiyen d yemjaṛṛumen i s-yeggaren ilugan u εerraḍen amek amek a ţ-siwḍen teqbaylit ar wegni n teslugent (standardisation), llan iselmaden yesγaren taqbaylit deg iγerbazen, deg yexxamen n tdukkliwin…llan u mazal llan wid i yessidiren taqbaylit s tira nsen.
-Deg yiwet akken n tdiwennit ¹ i s-gan i wemyaru aBaski Bernardo Atxaga, steqsant nnan-as ma yella Abaski d win yeţmeslayen tutlayt tabaskit neγ ala, Yerra-yasen-d Atxaga ayaki :

« Ih, acku d tabaskit kan ay γ-yerran nemgerrad (nemxallaf) γef wiyaḍ. Isem n tmurt-nneγ, Euskal Herria, anamek-is "tamurt i deg ţmeslayen tabaskit". Dγa ţwaliγ d akken d tudert ay neţţidir akk d tutlayt-nneγ ay yeğğan agdud-nneγ ad yesεu ṭṭbayeε-is u ad yeg abrid n tudert i yiman-is akken sεan akk yegduden ṭṭbayeε-nsen neγ iberdan-nsen n tudert. Dγa d awezγi ad nesṛuḥ tutlayt-nneγ mebla ma nesṛuḥ ula d tineţţi-nneγ . (…) Medden akk llan qqaren-iyi-d: "Ur ţţaru ara s tbaskit, tutlayt-a tewεeṛ akken ad ţ-id-nessuqel (traduire), yiwen ur yeqqar ayen ara d-tarud'". D acu kan, ula d nekk ur bγiγ ara ad beddleγ tutlayt, yernu asmi ay bdiγ ţţaruγ, ur bγiγ ara ad xemmeγ d akken zemreγ ad zzenzeγ 5000 n wudmawen (exemplaires) seg yedlisen-iw. Lliγ keṛheγ ssuq, ur d as-fkiγ ara ccan. Dγa imir-n ferneγ ad aruγ s tbaskit xas akken ẓriγ d akken ahat, wid ara d i-iγren ur ţεeddin ara i 1000 ». . »

azul a gma!
ak inniγ kan tidett jmaεliman ar tewεer teqbaylit iwsuqel seg yeḍrisen n tefransist imi m'ara d tinniḍ: azwel yellan d asawen manci d ayen akken i tebγiḍ ad tinniḍ id yeffeγen ,imi yeffeγ ak ed wayen niḍen ,acekku ula d nekki s tantala inu, a t id inniγ akka: "azwel yellan da iwsawen", maca ur iseḥḥa ara daγen, ihi iwakken ad tinniḍ" le titre qui est ici en haut" s teqbaylit ahat , (nniγ d ahat !! ) a t id nnini akka:azwel yellan dagi di tazwara . xersum akka wala akken i t id tenniḍ keč neγ akken i k nniγ a t id inniγ nek. s tegmatt kan.