Taggara n dduṛt-agi, tekcem-iyi tzizwitt s aqerru, εeggu yefka-yi tiyita, nniγ-as waqila ala tarewla ara tt-isellken!

Imi Internet yella, timsal ur wεirent ara maḍi…kliki kan twaliḍ anda yeṛxes webrid, tjebdeḍ takarṭiwt nni uxelleṣ…terreḍ akin!

Di rruplan, zdat-i d yiwet n twacult: ababat d aqbayli, tayemmat d taglizit…dderya n-nsen awal s tefransit wayeḍ s teglizit…txuṣ kan teqbaylit nni…maca susmeγ, ur d-nniγ awal.

Wwḍeγ γer München, sya u sya i ttazzallent tkeryas…ta d limuzin s ssanğaq n Ṭtelyan, ta d Golf s win n Lalman…Fehmeγ xas ur walaγ timliliyin nni…ihi rebḥent Ṭtelyan d Lalman.

S wakken mlaleγ imeddukal, nruḥ srid γer tlemmast n temdint, din i terwi maḍi…yal taγawsa di lqaεa, iberdan ččuṛen d tiqerεtin n lbira…la nettemlili ala imdanen i sekṛen…akken s-yenna Dda Sliman: “wwten-t almi s-qqaren i weγyul ssek”

Azekka nni tasebḥit, ufiγ-d iberdan ur ttemcabin ara akk ar wid n yiḍ yezrin…Ttreqriqen si tezdeg a ssiεqa!…Atan ihi a Newara wali γef yiman-im udem nniḍen n München! Iṭij ireq, akken kan t-bγan wulawen. Tenna-k Sylvia yeskanayen tamdint i wid d-irezzfen γer-s: “Akka ula d iḥewwasen a s-inin ziγ München ur tt-yezgil ara yiṭij, meqqar a d-uγalen!”

Deg yiwet n tγerγeṛt tameqṛant, wamaγ yiwet n temlilit mgal miḥyaf anda imdanen tεeggiḍen “ala i yinaziyen, München d amkan i yal yiwen, ansi yebγu yusa-d!”

Syin akin nḥewwes γer wemkan iwumi qqaren “tibḥirt n weglizi¹”…ziγ acḥal meqqert! Azal n 4 n tsaεtin n tikli ur tten fuk ara. U ziγ nni d tin akk i ymeqqren deg umaḍal ur zriγ! Tgerrez dayen kan...dacu kan, dina ddeqs n yemdanen i teddun εeryan...ama d nutni neγ d arraw nsen! Nniγ-as : “cwi kan mači d wid ttseḍḥiγ ukud d-ddiγ, wannag ur iban amek...”

Di München lbira s yeqbac kan, ulac akk lkisan...Aqbuc amecṭuḥ akk deg-s ritla n lbira ! Akka yernu mači di tmeγra n lbira iruḥeγ (d tin d-yettilin yal aseggas di taggara n waggur n ctembeṛ). Yella ula d axxam n umezruy n libira² !

Ziγ d tameγṛa nniḍen ur zṛiγ…d tin i wumi qqaren “festival de Tolwood”, tettili-d yal aseggas…D timlilit n yegduden n yal tama n umaḍal! Yal wa s wacu i d-yegla, wa s ccna, wa s wučči…ula d imaziγen n Lmerruk sbedden yiwet n tḥanutt…yella seksu…d wayen nniḍen.

Nek tedduγ kan lebγi i yimeẓẓuγen-iw, armi yi-ssawḍen γer yiwet n tberrakṭ, degs tarbaεt n icennayen d-yusan si “Nouvelle Orléans”, ccna nnsen iruḥ yexleḍ ger lğaz d lbluz…dγa gar-asen yiwen yetturar s yiwet n tγawsa, am uḥelyiw, tεelleq s amgerḍ-is, maca acḥal yeḥlaw ṣṣut nni d-iteffγen sseg-s!

Nniγ-as anwi yufan Takfarinas, amundul s ssin ifassen…ad-nejmaεen yemdanen a s-slen, awal ad-yettawi wayeḍ, ahat meqqar ad slen s yeqbayliyen!

Abrid yettkemmil ar wennar n ddabex uḍar, maca ulac timlilit din…Iεum lγaci, usan-d ad walin deg tilifizyu tameqṛant timlilit d-yellan ger Fṛansa d Brizil. Azgen deg-sen la cennun “allez les bleus”, azgen nniḍen s imuyat iwraγen usan-d ad fken afud i yebriziliyen!

Ula d nek qqaṛeγ “Allez les bleus”…Ar tagara, wa yettru, wa yettaḍsa…akka i d urar n ddabex !

München tecbeh mači d kra, d tamdint anda tella aṭas n tzegzewt…Ilmanen ack-iten, ula di tmacint ttmeslayen d yemdanen xas ur ten-ssinen ara. Wa yufan ula di lpari ad fejtren yemdanen akkeni!

Sin n wussan ur wwin ur rrin akken teqqar yemma, lemer d lebγi asteεfu azal n ddurt neγ snat, maca akka i d tameddurt tasigrant, awi-d kan yiwen ad yizmir ad yeqḍeε akud yettazalen.

Si München, Newara.

1 Jardin d’Angleterre

2 Musée de la bière

Almanen ur lhin ara a newwar´a a weltma, lemmer tentessined´ akken yessefk, ad zemred´
a tec´c´ed´ tasa-nsen d tazegzawt.

yak tesned´ taqsit´ n wezduz di teylut

azul,
aygher ccer ay amdakkel !
anda t didh llan wid yelhan llan wid n diri,
ala win ur nezr ara id yeqaren lehdhura, imi
ula d leqbayel llan garasen "les racistes", ihi fihel tyyita deg agduden d tirni (il faut pas generaliser) a wer isem agma.
ar tufat

Amesdrar,

yelha yisem-ik, maca win yessakaden ala seg t´t´aq, ulac &ur´-s azref ad yini ssne& ddunit ne& amad´al.

Yenrna ngum a t-zer3ed´ timz´in, wali amek yella wakal.

Ma yella twalad´ usawen d Newara i w´umi uri& imeslayen-nni, d nettat i d tameskart n wed´ris.

Kec´c´ turared´tt-id d maitre Budima ma33ahu, ans´uf yess-k ay amussnaw.
War isem

azul a wer isem,
tura ma tzridh Almanen diriten d tirni, wissen ma tzemredh agh-d-mledh anwi i d l3ali.
"myal lheb degs akarfa", ulac agdud yfazzen ay amdakkel.
azul fellak

Ay amesdrar,

nekk a gma ur t-nessin& ara, d imdanen ssne& i d-yettmeslayen fell-asen, ihi nekk &ille& d tidet ayen d-qqar´en.

Tura imi d-tennid´ lhan, d ayen yesnecr´ah´ayen ulawen, ihi atan ad heggi& tabalizt-iw, ad iniga& &er Lalman yerna war kukru.

Tanemmit-ik ay amesdrar, a win yafen ad ilin at´as n yemdanen am kec´c´.

War isem

Azul.
D acu ara k-yawin si Wehran
γer Lalman
a War isem yelhan?
Atan ad tjaḥeḍ din am temγart-agi (Newwara) i k-yezwaren γer din!
Ha.. ha..ha....!
Mmi-s n Wemsed

Azul a nna Newwara, a tameṭṭut lεali. Riγ a m-naruγ izen, tugi a d-teldi tmennest ( tebwaṭ)-nni-inu tamcumt, ur ufiγ ara amek ara m-n-aruγ; maca aql-i ufiγ-d " uslub ḥadariri", ssqedceγ asmel-agi. Deg-s daγen akken a m-iniγ daγen aya: " ulac akk kra umagrad yifen wa, akk deg wesmel; tettruḍ d leεğeb, lemmer ad texḍuḍ kemm kra yellan ad irab!
Ssarameγ igerrez ubu ukuskus-nni, s tezmert imensi-nwen.
Nekkni dagi, terwi! Sliγ γlin-d snat lbaṭimat di lḥemri, mmuten 5 yemdanen ( yemmut waεrab awwah sin, yeğğa-d arraw-is meskin! Rnan ffγen-d γer izenqan n Lḥemri, kkaten ibulisen s yeẓra, reggmen deg-sen, qqaren " viv leεruc"!!!
Hi, hi, hi, hi, γaḍen-iyi, gezmen ul-iw!! Amek, nekkini "rasist"?! Wi m-yennan nekkini rasist?! Jjmiε liman ar gezmen ul-iw wid -nni wwin waman di Bengladac; Jjmiε liman ar γaḍen-iyi imeγban-nni yemmuten di Lmiksik. Σni ul-iw d aẓru a tinnat!
Ihi imi d_testufaḍ i rregmat deg-i, a m-iniγ " bun ddibara!

Lemmer γas i tegliḍ yes-i a nanna Newwara! Mmmm a wi ara yeswen azangil n lbirra, ad yeqqim sufella n waffar-nni azegzaw, ar yidis n kra n tεelğet.
Ad nruḥ, ad nruḥ
Γer tmurt n tpirucin
Amzur awraγ
D wallen tiẓerqaqin
I yenna Uleḥlu;
Ay ččan medden, ay zhan, nekkini d ameγbun meskin!
A wi ara yeččen tayaẓiṭ weḥd-s, ad tili tewwa di lkuca, timeṣṣaḍin-ines ad ilint am tid n Yir nettat!
Ssi nekkini