Wagi d aḥric wis-kuz, aneggaru, umegrad-agi ɣef Umerri. Ma illa ur teɣrim ara aḥric amenzu tzemrem ad teɣrem da: Umerri Assaḍ Agawa. Wis-sin atan da: Yuɣal Ḥmed d Umerri. Wis-qrad daɣen ata dagi: Taɣdemt Umerri.

Qqimen di 4 di tγarγart, γef tyeggirin, zzin-d i tarbut n seksu d waftaten n uksum irsen γef ugartil. Iqḍa-d inefq-ed Aâli imi iâareḍ-ed imeddukal-is. Tarbaât Umerri d Muḥ Aṛezqi di sin, netta d âaemmi-s di sin. Tetten, ttnecraḥen, ttaḍsan. Yak d imeddukal. Iγli-d laman gar-asen. Ur d-illi usurdu, ur d-illi ccek. D tagmatt. D tadukli γef tgella d lemleḥ. Maca Aâli izga itett Umerri s nqar n tiṭ. Amzun ittalas-as-tt. Amzun iceggeḍ-it kra. Netta tuγ-it yunditt netta d âemmi-s. Ksan-d tundar yiwet yiwet, almi d-ssawḍen Umerri γer txenfuct ubeckid nsen di tesga n uxxam nsen.
Umerri ur yuki d nda mi itekkat. Ur yuksan, d netta d umeddakul-is tuγiten di nnican, gar tγunam n tmegwḥelt n Aâli. Aâli Wasel, n Iâezzunen, d ameddakul-is iḍelli, d amedddakul-is assa. Ur d-yelli wayen ara a t-ikukru. Γur-s, am akken ur ḍrint. Âait εait. Wanag, urjjin isrussuy tamegwḥelt-is ar tmurt. Tezga ar yidis-is, γef udem ufus akken mi tt-iḥwajj ad tt-iddem imiren imiren.
Azal ttaken Iqbayliyen n imiren i tmegwḥelt am win ittaken i tlawin nsen: ur ittnuz ur irehhen!

Aḍris akken ma yella

Tineggura yagi, akken is-inna Umengellat, ccna yagi d amehbul. Myal yiwen ansi is-ikka d wamek is-ifka udem. Tameddit, inaẓuren nneγ am wiyaḍ akw umaḍal, refden snitra d tjewwaqt u cnan ayen i isen-iccan ul d wayen isen izzan tasa. Maca anect-a d taglimt kan s ufella acku win igren tamuγli γef amek tedda tezlitt deg umaḍal akw d tmurt nneγ ad yaf temgarad cwiṭ tegwnitt. Acku tazlitt, am idles d tnaẓurt s umata, teqqen ar umezruy d wansayen n tmurt. Tcud γer wayen tedder tmetti. Teṭṭef, tejgugel deg umdan d wayen ittider myal ass.

Aḍris akken ma yella

Aḍris akken ma yella

Aḥric wis-sin

Wagi d aḥric wis-sin umegrad-agi ɣef Umerri. Ma illa ur teɣrim ara aḥric amenzu tzemrem ad teɣrem da: Umerri Assaḍ Agawa.

Aserdas
Send ad iffeɣ a d-yuɣal s axxam εemmis Mḥand, Umerri yurag ad iwali Jean akken as-yinni d akken ad iḥbes amahil imi issufek fell-as, am netta am tezyiwin-is, ad iruḥ ad isεeddi lεeskar. Ira ihi ad iṭṭef tajarnanti-is imiren imiren akken ad ifek cwiṭ n idrimen s axxam.
- Mass Jean, ass-a ak jjaɣ imi ssawelen-iyi-d ar lεeskar. D εemmi Mḥnad iyi-d-innan ulin ijjadarmiyen ar taddart.
- Tezriḍ a Ssaεid, seg ass-mi txedmeḍ ɣur-i ur ak-d-kkisaɣ. Atan ak-xelsaɣ akw agur-a xas akka ur ikfi ara. Atan ihi, ssarameɣ-ak ayen ilhan ar zdat.

Aḍris akken ma yella

 sɣur M.A.U

Aḍris akken ma yella

Aḍris akken ma yella

Dda Muḥend Besεud ilul deg useggas n 1924 deg Tgemmunt Lejdid, deg tγiwant n At Dewala. Yella deg tegrawla-nni mgal tahrest tafṛansiwt d amaγnas n Umussu Aγelnaw Azzayri. Werğin yefka afus deg wayen yumen d abrid n tidett, d abrid yessuffuγen ar tlelli n wegdud. Deg Iggen n Uslelli Aγelnaw (ALN) yerra-t Krim Belqasem d yiwen seg imeqqṛanen.Deg useggas n 1966 yesbedd Agraw Amaziγ, netta, Ṭawes Σemṛuc, Muḥemmed Arkun akk d Imaγnasen nniḍen.

Deg useggas 1978, imsulta ifṛansiwen ḥebsen-t netta akk d wid yettilin imir-nni deg uxxam n Ugraw Amaziγ, am Saibi akk d wiyaḍ. Ifṛansiwen d aḥṛas i ten-id-ḥeṛsen imir-nni wid yeṭṭfen adabu deg Lezzayer akk d Lmeṛṛuk, Bumdian akk d Ḥasen wis sin.

Snejlan-t seg tmurt n Fṛansa, yezger ar tmurt n Legniz anda yedder almi d tuγalin-is ar tmurt deg useggas 1997.

Aḍris akken ma yella

Muḥend Ulḥağ, isem unṣib Akli Meqran, ilul deg useggas 1911 deg taddart n Buzeggan, tama Iεeẓẓugen. Yella d amaγnas deg UDMA n Feṛḥat Σebbas, send ad d-yuγal ar taddart-is, deg iḍrayen nni n 8 deg mayu 1945. Yuγal γer twuri-ines n umesnaz.

Deg useggas n 1955, yekcem deg tegrawla. Yewwi yid-s arraw-is, deg sin yid-sen. Imi yella d amdan ilan tigzi yufraren, yerna-yas tabγest, fkan-as asellun n “aṣpira”. Aseggas i yezrin kan, imi s yefka Σmiruc tamnaṭ tis kraḍ(III) s usellun n « sulyuṭna”.

Aḍris akken ma yella

Deg Yunyu 1958 imlal yiwen unaγmas n tesγunt tamarikanit Time, Stanley Karnow, deg usafag d-yuγalen seg Qahira ar Tunes, Krim Belqasem.
Ur yuḥtam unaγmas(ajurnalist) almi yufa ideg ar yiri n Krim Belqasem deg umsafag(labyu) nni. Iqim yid-s wwin-d awal γef tegrawla iḍerrun imir nni deg Tmurt akk d umennuγ n Krim.

Aḍris akken ma yella

γriγ yiwet n tsuqelt deg usmel nni n Uyamun amzun d agerruj yufa yiwen deg tnafa.Ta d-tasuqelt iga Muḥand At Yiγil i wayen yura Tahar Useddiq γef Ḥmed Umerri. Isemma-yas "Talalit n yiwen wasaḍ". Zemreγ a d-iniγ, ur εniγ a-s-kkseγ azal i wayen yura Tahar Useddiq s tutlayt n Voltaire, dakken Muḥand At Yiγil irra-yas i Ḥmed Umerri ayla-s  s tenfalyin(expressions) yifren akken a d-irr s teqbaylit ayen yeḍran deg tallit nni. Mači d-tukksa n wazal i wayen yura Tahar Useddiq, wa dayen ibanen, maca irna-yas azal i wayen yura Dda Tahar (ad isgunfu deg talwit). Am akken yekcem ar wallaγ n Dda Ṭahar Useddiq yukr-as-d imeslayen nni d-issuqel netta ar tefṛansist.

Aḍris akken ma yella

Tukkist seg wedlis n Dda Lmulud at Maamer "Inna-yas Ccix Muḥend" id yefγen deg 1990 .

Mi d-yekker netta, yufa-d lewlaya γer-es sin wudmawen: yiwen d win d-itekken si leqraya, wayeḍ-d win n yigad iwimi tettunefk sγur Ṛebbi mebla ma γran; ur izmir ḥed a-d-yini wi γef ara d-nzel wala melmi wal'amek. ṭṭariqat yellan di lweqt nni lkwetra deg-sent zdukulent tent i-snat : d amedya Ccix Aḥeddad si lğiha yeγra, si lğiha nniḍen ḥesbent medden d lwali, bab n l-lbaṛakka.Maca lmeqeddmin d wid iγran tfeṭṭilen leqraya γef tibbudelt.

Aḍris akken ma yella

Ass n 19 di yunyu d amuli n tmettant n Umeẓyan Mhenni. D amuli n wass I deg iγli wanza deg yiwet di tzenqatin n Paris mi ittnaγ wass d yiḍ.

Ass n 19 di yunyu d ass usmekti, d ass I deg imawlan ḥwaǧen γer idisan nsen wid ara isbγsen deg sen, wid ara ten iẓemden ar tama nsen u ara sen yinin, xas tasa n tyematt ur tsel ara, igra-d usirem ar zdat.

Aḍris akken ma yella

Yugurten d yiwen ugellid n imaziγen di tallit n 113 ar mi d 104 Weqbel Sidna Σisa. Di lawan-nni, Yugurten yeεreḍ ad yesdakel imaziγen akken ad ssufγen Aṛumi. Xas ur yessaweḍ ara γer lebγi-s, lamaεna Yugurten yettwassen deg umezruy s imenγi-ines zdat wudem n Ṛṛum. Imenγi-yagi i d-yellan ger Yugurten akw d Ṛṛum yekka 6 isegwasen maca ur d-yegli yara s tlelli. Weqbel ad d-nawi awal γef imenγi-yagi ilaq ad nehḍer γef ayen i yeḍran di Tmazγa weqbel ad yuγal Yugurten d agellid.

Aḍris akken ma yella

Ass n 20 deg ibrir, d amulli n tefsut imaziγen, amulli n tefsut n tlelli. D yiwen wass i deg a nesfugel i tikkelt tis 25 tadyant n imaziγen.
Anwa-t weqbayli ur nesli neγ ur nessin tafsut n imaziγen? Anwa-t umaziγ im’ ur yiwiḍ yissel? Wa yecfa wa ala akken it-iccenu Abranis deg yiwet si tezlatin-is maca, tura, seg weqrur-nni amecṭuḥ alma d amγar-nni acaraf, ssnen awk anamek-is uzemz-a*.
Azekka daγen, a nemyager akk d yiman-neγ, akk d weḥric-a axatar deg umezruy azi* n Tferka n ugafa.

Aḍris akken ma yella

Aḥeddad l-Lqalus

Taddart l-Lqalus tura trab.Qqaren asmi-tt mazal tebded, illa deg-s yiwen uḥeddad isεa cci, yerna γures tameṭṭut tzad di ṣṣifa.Yibwwas qqimen kra l-lγaci la heddren di tejmaayt, inṭeq-ed yiwen inna-as :
-Lemmer ad iyi tcehhdem, ad-kkseγ i wḥeddad tameṭṭut is.
Nnan as: - I kecc s lεaqel ik?
Inna yasen: Ṛeggemt iyi kan ard ad it tcehhdem. Ṛeggemn as.

Aḍris akken ma yella