Amara d amdan γef i tettezzi, ttwalin-t am win ur nuksan, d lḥerz ama γer imawlan-is neγ γer taddart. Di tmurt n leqbayel neγ di Tmazγa  s umata yal isem ara tmudd tmetti i yiwen s unamek-is d wazal-is.
Ansayen n taddart ur ğğin ara abrid i tudert tatrart n wass-a, deg imi taddart tettwarez ger tiγermiwin d idelsan ijenṭaḍ i d-yusan ama si tama n utaram neγ n usammar; yiwet teṭṭef s ddiyana tayeḍ s tutlayt, d ayen i yerran ayla-nneγ ur d-iban ara.
Tudert tatrart i d-yessasen: tilelli n wawal, d tikta yemgaraden, d izerfan yesdukklen argaz d tmeṭṭut, d tugdut..., nettwali-tent d tacmatt, d ayen n diri, llant tikkwal nettarra-tent d tikerkas; s wannect-a iγisi i yettimγur ger tsutiwin, rnu-t γer icerrigen yezḍan ya timetti.
Amara d win yukin, u d win i sent-yukin, yekkat akk yes-sent amek ara d-yaf tafat i tallast i deg teẓẓel tmetti-s, tin iberran di yal tikti ara megren agdal i teẓẓa γef yiman-is.
Amara ira ad d-yerr yal tamsalt γer unamek-is, ira ad d-yeẓẓu abruy n tudert tatrart tamirant, maca zwaren-d γur-s watmaten-is rẓan-t, rnan γer taffa n layas, γas akken Amara yugi ad yebru i ṭṭbel deg waman ibedd ur yekni di taddart γas ma tikkwal yettinig s wallaγ, neγ bitt yettegruruy γur-s, deg yixemmimen-is yegr-d limin qerriḥen ur iḥedder deg yigrawen-nsen (tajmat) γas ad isellek tabzert d tusalin ines γer taddart s wannect-a Amara yesbgen-d tiḥerci ines d takayt-is, yesfeḍ tiṭ fell-as γer ad taddart akken ad asen-yini "ula d nekk d yiwen seg-wen, ur ffiγeγ ara taddart, maca berraγ di tejmayt-nwen s imi ara ferzent temsal.