Inelmaden akw d tinelmadin n uɣerbaz Tmaziɣt di Ottawa ad d-uraren taceqquft umezgun Si Leḥlu ass n Sed 7 di Tubeṛ. Ad tili tajmilt  i Muḥya. Nessaram wid akw d tid ar a d-yasen ad sεeddin lewqat igerzen.   

Taceqquft-agi umezgun yura-tt Muḥend u Yaḥya deg usegwas n 1986. Teffeɣ-ed di tesɣunt Awal deg sin yeḥricen: aḥric amenzu yeffeɣ-ed di 1986 (uṭun wis 2,  isebtaren 145-156 ) ma d win sin yeffeɣ-ed di 1987 (uṭun wis 3, isebtaren 147-190). Inelmaden akw d tnelmadin n uɣerbaz Tmaziɣt di Ottawa ɣran sin yeḥricen-agi i d-yefɣen di tesɣunt Awal , tehwa-yasen tceqquft-agi umezgun, tṛuḥ-asen-ed tekti akken ad tt-id-uraren. Bɣan ad as-erren tajmilt i Muḥend U Yaḥya. Uɣalen ttemlilen yal dduṛt akken ad “pratikin”. Am akken neẓra amezgun mačči d taɛkumt fessusen nessaram kan laɛtab-nsen ad t-ɣelten, ass n 7 di Tubeṛ  ad sɛeddin lewqat igerzen yerna ad as-gerzen tajmilt i Muḥya. Tanmirt i twacult n Mohia i yefkan ttesriḥ i ynelmaden n uɣerbaz Tmaziɣt di Ottawa akken ad d-uraren taceqquft-agi umezgun: SI LEḤLU.

Melmi ?

Ass n Sed 7 di Tubeṛ ɣef 19:45

Acḥal?

· 15$ i yiwen(t) ma (t)yettiki γer Tiddukla Tadelsant Tamaziγt : 10$

· Ilmeẓyen akw d telmeẓyin seddaw 18 isegwasen : 5$

· Inelmaden akw d tnelmadin n uγerbaz Tmaziγt baṭel (0$)

Anda?

Jack Purcell Community center

320 jack Purcell Lane

Ottawa

Tesɛam(t) isteqsiyen?

Arut ar acaoh@acaoh.com  

Tebɣam(t) ad teẓrem(t) nnig waya ?

Arzut ɣer www.acaoh.ca

D abezzeg! Tagi ur ilaq ara ad iyi tenser...As inigh I wuccen n Amur ad nas ad tt-id nwali.

Mačči kan d abezzeg, d afelleq daγen.

Ssarameγ-awen ihi tegnitt igerrzen a MACK, Amur d wid yakk d tid-ak ay derrzen tamaγṛa-agi.

" Win i k-n-isbezgen, ad aγ-d-iṛuc "

War isem

A nnger-im a taγeddiwt!! Fransa teččur d leqbayel, aqli kraḍ iseggasen aya ur walaγ taceqquft umezgun s teqbaylit. Ottawa ahat llan ssin ne& kraḍ n yeqbayliyen ssawḍen ad-heggin tameγra d tceqquft yecban ta u ssawḍen daγen ad slemden tamaziγt deg uγerbaz. Ziγ, daymi neqqar takemmict n tzizwa wama acekkar n...
Lḥaṣun a Mack anwi yufan ad yili din...Am akka ik-yenna War isem, win ik-yesbezgen aγ-irucc.
Dagi leqbayel atan uzamen akw ussan-a... Siḥ a yiẓri-w siḥ!

A nnger-im a taγeddiwt!! Fransa teččur d leqbayel, aqli kraḍ iseggasen aya ur walaγ taceqquft umezgun s teqbaylit. Ottawa ahat llan ssin ne& kraḍ n yeqbayliyen ssawḍen ad-heggin tameγra d tceqquft yecban ta u ssawḍen daγen ad slemden tamaziγt deg uγerbaz. Ziγ, daymi neqqar takemmict n tzizwa wama acekkar n...
Lḥaṣun a Mack anwi yufan ad yili din...Am akka ik-yenna War isem, win ik-yesbezgen aγ-irucc.
Dagi leqbayel atan uzamen akw ussan-a... Siḥ a yiẓri-w siḥ!

Azul akw laklik,
Tura ma win iγ isbezgen akwen iruc, ilaq iyi ad d-aruγ awal fell-as akken akwen in-ruceγ yis-s.

Yerna Newwara tbat amek sin iqbayliyen di Ottawa rwin-tt akw u di Lparis m-yenselmen I deg illa uḥeṭṭuf zgan kerfen ifassen. Maca xas akka tennid-d limer tufiḍ ad telliḍ da assa, maca I "le 09" (tamsiḍsitt nni n tlawin ass n 8 di meγres) ;)

Igerrez. Imi tenniḍ a nna Newara, tamurt n Kanada tessen anwi i tjemmeɛ! Tettawi kan imuḥṛicen nni yeɣṛan yessnen dacu i d azal n yedles mači am iɣeṛwasen nni n Fṛansa yettaɣen ttbaren d nnutilat u qqaṛen "am ass-a a teḥlu lanǧiri a tuɣal d lemxiyar di luruppa!"...lḥaṣun a m-yeqqar dda Arezqi azen iyi-d ayen akken i m-d-yessuter m'ulac teḥṛem a s-d-yali ṣṣuṣ ṭumaṭ nni n waṭlas ad yexṛeb taxsayt! babaaab nek lḥaṣun ttaggada-ɣ-t...

Wejṭuṭi d agrud amecṭuḥ i teddu yid-wen

Azul meṛṛa,

Imi tennam, di Fransa, akken i s-nnan wat zik : axxam iččur d isγaren, ur yelli s wayes ar ad nenher aγyul !
Mačči d iqwerra i d tidett... Ma llan kan kra d imexḍa, yerran ddehn-nsen γer leqdic - mačči γer wučči n watmaten - atan as-afen ixef-is i webrid yessawaḍen γer tlelli n wegdud-nneγ ...

Ayyuz i ynelmaden akwd tnelmadin n uγerbaz n Tmaziγt.
Ẓriγ d acu taatbem ... Ass n sebt-agi awen yeffeγ laatab γer tafat !

Tiflist :-) si Uṭawa

At tbarnat a Wejṭuṭi,
d luruppa i rran d lemxeyyaṛ deg Lanğiri.
Ttadṣan deg webdil imeṭṭi,
εelqen akk tiṣfiḥin n yeγyal γef yiri.

=====================

Ḍeggṛed timedlin a Umerri,
agdud-ik yedha yemxel.
Taḥya Lanğiri, taḥya Lanğiri,
Lpari telha d ṛṛuḥ n Leqbayel
=========================

Ata w´akken d-as-nniγ deg yiwet n tallit:

Tiselgin a Lpari,
ğği&-am talwit.

Γer γuṛ-i ur degri,
deg-m tγimit.
Tiselgin a Lpari,
awer timlilit.
( Goodbye Paris)

Ssliγ ulac anwa neγ anta i izemren ad yeqdec kra γef
Muḥya war aciweṛ n maître budima meεεahu.

Yella win neγ tella tin yeẓran ma yedṛa wayagi seg tama
n inelmaden-agi-nneγ n Kanada?

Yella win neγ tin izemren a id-yessefhem
( ad id-tessefhem ) ma yella d tidet
yezmer Budima meεεahu ad yessali asawen i win neγ
i tin iran ad yeqdec kra γef Muḥya " ad s-yer tajmilt ",
ma yella yesseqdec kra seg wayen yura neγ taγect-is?

Aql-i ttakeγ anzi s aderγal deg teẓgi-agi n teγdemt.

Tanemmirt!

War isem

Azul
Walaγ kksen tugniwin nni ufella n Feṛḥat netta d Muḥya. Ahat d Maître Budima i d-iccektan.
Ulac lleεb dagi a ddin ṛṛṛṛeb

- Anda tetteddum akka di sin ?
- Nteddu a d-nawi alim i wis tlala.


upupupupup !

Azul fell-awen

Atan yedda-d deg uḍris-a d akken tawacult n Muḥya tefka-yasen azref ad uraren taceqquft n Si Leḥlu

....................................
Tanmirt i twacult n Mohia i yefkan ttesriḥ i ynelmaden n uɣerbaz Tmaziɣt di Ottawa akken ad d-uraren taceqquft-agi umezgun: SI LEḤLU.
.....................................

Ar tufat

Amek i yessefk ad yili yiwen akken ad yawi ttesrih´-agi &er twacult n Muḥya?

Teddunt temsal-agi s wudemawen?

Tanemmirt!
War isem

Azul meṛṛa,

Atan deg iḍ-agi ad arguγ si leḥlu !
Lqaa uḍar-ik a ccix, lqaa uḍar-ik ! :-)

Ayen ik-yehwan ak-t-nefk d lmelḥ n ufus... daau-yaγ-d kan s ddaawi n xlir ... :-)

Ad irḥem Yillew taabuṭṭ ik-id-yeğğan a Si Leḥlu :-)

Ayyuz i wid ak-akw iqedcen di tceqquft-nni ...
D kunwi akw i d liplifur ! :-)

Tiflist ( n lebḥar )

Azul d ameqran i wid mara iqedcen γef yedles amaziγ s umata.
Ad iniγ tanemmirt i kenwi i γ-yefkan tagnit i wakken ad nefk ayen nettxemmim.
Bγiγ ad iliγ di OTAWA i wakken ad waliγ taceqquft agi umezgun i yura MUḤYA, dacu ur zmireγ ara, acku di marikan i yelliγ.
Amezgun d ayen igarzen, acku yesεa aḥric ameqran deg yedles-nneγ. Nezmer ad nini daγen amezgun d tawil i s wayes i yezmer, yal aεggal-is ,ad yesεddi tinfallin-ines, yerna srid.
D acu i zemreγ ad iniγ, ma yella wamek i tezmer tceqquft agi umezgun ad teffeγ deg wedlis i wakken ad nizmir ad tenγer.
Sarameγ-awen afud igarzen.
Rabah, seg wul.

azul fellak a Rabaḥ

teğğa-k tmacint a Rabaḥ a gma :-) taceqquft agi umezgun tella-d di UTAWA deg usegwas yezrin (2006). Tura ma tebγiḍ taceqquft agi di tira, zemreγ ad ak-tt-in-azneγ, tella γuri deg fichier PDF. taceqquft teffeγ-ed deg tesγunt Awal, nules-as tira akka i nettaru tura, sitadir s "tira tatrart"... arru-yi-d γer abdathakim@gmail.com ad ak-tt-in-azneγ

filaman,
hakim