DEZDENDEḤ*
Dezdendeḥ, a dezdendeḥ
Init-d akk dezdendeḥ
Dezdendeḥ, a dezdendeḥ
Γas ma ccḍeγ wwtet nneḥ
Libirti d iksprisyu
Acḥal fell-as i nettnaγ
Ad nettaru bla bermesyu
A d-nessufeγ ixemmimen-nneγ
Lemmer ur ugadeγ ara ddeεwessu
Yili ula d iman-inu a t-regmeγ
Dezdendeḥ, a dezdendeḥ
Init-d akk dezdendeḥ
Dezdendeḥ, a dezdendeḥ
Γas ma ccḍeγ wwtet nneḥ
Tamaziγt lung nasyunal
Ass-nni acḥal i necreh
A ziγ deg ufus n malik-sswal
Nekkni neqqar-as ccah
Ixenneq deg-s yettγawal
S la ilah a i la llah
Dezdendeḥ, a dezdendeḥ
Init-d akk dezdendeḥ
Dezdendeḥ, a dezdendeḥ
Γas ma ccḍeγ wwtet nneḥ
Ben Muḥemmed yendeh « yemma »
yerra-yas-d Lwennas, “ A yelli Kenza”
Sεid At Mεemmer isuγ “a baba”
Ma d Lewnis a k-weṣṣiγ “ a mmi”, a nniya
Ukerdis yemmuger “cciṭan s wazul” d mreḥba
Nekk, ad ssusmeγ, ad rreγ i yimi-w taziba
Dezdendeḥ, a dezdendeḥ
Init-d akk dezdendeḥ
Dezdendeḥ, a dezdendeḥ
Γas ma ccḍeγ wwtet nneḥ
Imyura dimukratik
Akkagi i d-tenna Tinna
Ur sεin lemqes miṭalik
Steqsit Ɛemmur, Amnay , Winna
Meεna deg “la sunsir” sεan “la tiknik”
A k-inin tbedreḍ-d isem n Ḥlima n tala
Dezdendeḥ, a dezdendeḥ
Init-d akk dezdendeḥ
Dezdendeḥ, a dezdendeḥ
Γas ma ccḍeγ wwtet nneḥ
Yeffeγ-d lugrun rrivulisyuniṛ
Netta d bu teclaγemtin-nni n Lbacir
S ddifili ssekren zzhir
Rran timesleḥt d arivulviṛ
Ggullen mačči d ttkeεrir
Ad ṣeṭṭlen i leḥkem acεir
Dezdendeḥ, a dezdendeḥ
Init-d akk dezdendeḥ
Dezdendeḥ, a dezdendeḥ
Γas ma ccḍeγ wwtet nneḥ
Asefru n Lu grun pewwiṭ
Yettruẓun fell-awen li kakawiṭ
A wi ara t-icekklen am tyaẓiṭ
A t-id-yawi di tberwiṭ
Meεna, qbel a t-tezlum si tjeḥniṭ
A d-yebru fell-awen tawriṭ
Dezdendeḥ, a dezdendeḥ
Init-d akk dezdendeḥ
Dezdendeḥ, a dezdendeḥ
Γas ma ccḍeγ wwtet nneḥ
Yejba-d mmi-s n Wemsed
Iger-d tiγri, yendeh-d
Tamaziγt ad tettwiselmed
Marc-aryar γur-s ulaḥedd
Lγaci akk yid-s ibedd-d
Smenyafen-t γef Seεdi d Ayet Ḥmed
Dezdendeḥ, a dezdendeḥ
Init-d akk dezdendeḥ
Dezdendeḥ, a dezdendeḥ
Γas ma ccḍeγ wwtet nneḥ
Ass-a yezha Muḥabdiki
Di la kaṭ (4) yettnezzih miki
Yekfa fell-as ucetki
“YEBBWI”-d la maziγiti
Dezdendeḥ, a dezdendeḥ
Init-d akk dezdendeḥ
Dezdendeḥ, a dezdendeḥ
Γas ma ccḍeγ wwtet nneḥ
A ziγ tendem madam Nuγmun
Segmi teǧǧa aqbayli ameγbun
Yennulfa-d wergaz-is d aεeggun
S kra turga ad tγer di la Ṣurbun
Tuγal tekkat acifun
Tenwa tamezduγt di Cciraṭun
Taggara-s teggan f ukarṭun
Dezdendeḥ, a dezdendeḥ
Init-d akk dezdendeḥ
Dezdendeḥ, a dezdendeḥ
Γas ma ccḍeγ wwtet nneḥ
Refdeγ amger d ugelzim
Ad gezmeγ kra ur nelzim
Ufiγ d ixef-iw kan ur newqim
Kkreγ εawdeγ-as ttelqim
A yemma γas freḥ s mmi-m
Yeḍlan i tjeḥniṭ-is “γuj a lav” akk d ugusim
Dezdendeḥ, a dezdendeḥ
Init-d akk dezdendeḥ
Dezdendeḥ, a dezdendeḥ
Γas ma ccḍeγ wwtet nneḥ
Swiγ ccrab asemmam
Akken ad beddleγ ttexmam
Ahat ad xedmeγ lewqam
A ziγ yewwi naddam
Werǧin d-rriγ agelzim s axxam
Dezdendeḥ, a dezdendeḥ
Init-d akk dezdendeḥ
Dezdendeḥ, a dezdendeḥ
Γas ma ccḍeγ wwtet nneḥ
Dezdendeḥ kullec yelha
Dezdendeḥ kullec igerrez
Di ccetwa tafukt teḥma
Deg unebdu yewwet igedrez
Li privizyu n yemyura
Di la mitiyyu Rebbi a ten-yeḥrez
Dezdendeḥ, a dezdendeḥ
Init-d akk dezdendeḥ
Dezdendeḥ, a dezdendeḥ
Γas ma ccḍeγ wwtet nneḥ
Kkren-d lγaci merra
Bdan ttarran igel-ifeẓ
Tthuzzun akk di tterma
Amzun ččan lḥemmeẓ
Ceṭṭḥen , la cennun akka:
Dezdendeḥ, a dezdendeḥ
Init-d akk dezdendeḥ
Dezdendeḥ, a dezdendeḥ
Γas ma ccḍeγ wwtet nneḥ
* yettwahegga-d i temsizzelt n warraz Nubel 2009.
Mmi-s n Wemsed