Wagi d aḥric wis-kuz, aneggaru, umegrad-agi ɣef Umerri. Ma illa ur teɣrim ara aḥric amenzu tzemrem ad teɣrem da: Umerri Assaḍ Agawa. Wis-sin atan da: Yuɣal Ḥmed d Umerri. Wis-qrad daɣen ata dagi: Taɣdemt Umerri.

Qqimen di 4 di tγarγart, γef tyeggirin, zzin-d i tarbut n seksu d waftaten n uksum irsen γef ugartil. Iqḍa-d inefq-ed Aâli imi iâareḍ-ed imeddukal-is. Tarbaât Umerri d Muḥ Aṛezqi di sin, netta d âaemmi-s di sin. Tetten, ttnecraḥen, ttaḍsan. Yak d imeddukal. Iγli-d laman gar-asen. Ur d-illi usurdu, ur d-illi ccek. D tagmatt. D tadukli γef tgella d lemleḥ. Maca Aâli izga itett Umerri s nqar n tiṭ. Amzun ittalas-as-tt. Amzun iceggeḍ-it kra. Netta tuγ-it yunditt netta d âemmi-s. Ksan-d tundar yiwet yiwet, almi d-ssawḍen Umerri γer txenfuct ubeckid nsen di tesga n uxxam nsen.
Umerri ur yuki d nda mi itekkat. Ur yuksan, d netta d umeddakul-is tuγiten di nnican, gar tγunam n tmegwḥelt n Aâli. Aâli Wasel, n Iâezzunen, d ameddakul-is iḍelli, d amedddakul-is assa. Ur d-yelli wayen ara a t-ikukru. Γur-s, am akken ur ḍrint. Âait εait. Wanag, urjjin isrussuy tamegwḥelt-is ar tmurt. Tezga ar yidis-is, γef udem ufus akken mi tt-iḥwajj ad tt-iddem imiren imiren.
Azal ttaken Iqbayliyen n imiren i tmegwḥelt am win ittaken i tlawin nsen: ur ittnuz ur irehhen!

Tineggura agi imi lqaâa tezga tḥemmu u terwi tikli n tegnawt inejla udfel si tmurt n Iqbayliyen. Di myal tagrest ad nudmen kan kra n ibruyen n udfel u ad sennin kra idudan kan. Ur ireggel ubrid u ttwaḥbasen medden akken ad rẓen asalu.  Maca tamurt n Iqbayliyen war adfel di tegrest ixus ssuq-is. Ixus macci drus.  Acku adfel di tegrest d aman di tefsut d unedbu. Aman deg unedbu d tagella i medden d tirni.

Timti ara xaṣṣen waman deg unedbu, timti akken ara icuḥ Wanẓar ttuqimen as medden tameγra, sqiziben as akken ad d-iḍleq i tiqit.

At zik ccuren d nnya.

Ussan-a izrin, seg ass-mi iskwartfen Elqeddafi di Libya, wa icrah wa inna ccah ɣzan-as. Nwala-t akw ixnunes di tmurt. Igrawliwen i t-id-iṭfen,i t-id- iksen si teɣwrast am tzaɣriwt, sbehdlen-t macci d kra. Ewten-t, regmen-t susfen-t. Lḥasun ur as jjin yiwet almi ksen fell-as sser. Si tvidyutin id-ifγen seg ass-mi immut ar assa, igan isardasen s tilifunat, nwala udem is immecc iccur d idamen. Sya-u-sya zzin-as-d isardasen u ṭaqa seg sen ttsuγun wisen ayen. Temγen fell-as amzun macci d amdan I yella. Wa izzuγer-it akkin wa irra-t-id akka. Ar tagara ssexnunsen-t u nγan-t.  Tura ẓriγ timuγliwin bḍant γef anecta, maca xas ahat “yuklal” ad izri di tiṭ n tisegnit imi yuksan, xas iga tid n iγwersan, d amdan i illa. U leqder n umdan  illa ur asen ilaq ara ad trekḍen. Ur fkin ara udem I talsa. Am akken ur ukin ara d yiman nsen. Ttbarrizen am iγwersan. Uγalen am netta. Rekḍen imiren iswi n tegrawla nsen, âefsen s lemâemda ayen akken i γef d-kren i γef nnuγen: taγdemt d izarfan n umdan.

 Ccetwa tessufɣed tisuqas-is. Deg uglim n yemdanen treṣṣa ssem-is. Lxiq yeččur ulawen. Yal yiwen d acu n weɣbel i t-yerḥan.

Assagi d ass amenzu n Yennayer. D tameddit. Aqli-yi deg wexxam, sikidaɣ si ṭtaq ɣer berra. Deffir-iw, Lunes Matub deg CD la yettbaɛziq ṣṣuṭ-is. Taɣect ay cennu tessenfufud times deg wefwad-iw, tejreḥ ul macci d kra. Yeqqar-as: tseḥr-iyi lɣurba m leqwas… 

Rriɣ-d nnehta, ajenwi icerreg tasa-w, nniɣ-as i zzehr-iw :  a tamurt amek gan ussan-im, wisen ma meriɣit neɣ ahat fsan?

Ahbuh! Anwa ara d-yerren tiɣri imi tawacult-iw s lekmal-is attan di tmurt? 

Amud isefra swayes yerra umedyaz Sεid At Mεemmer tajmilt i unaẓur aqbayli ameqqran Ğamal Benεuf yeffeγ-d ussan yezrin γer teẓrigin Lulu.com.